Verdûa

A verdûa a l'é cuxinâ inte 'n'infinitæ de mòddi diferénti, eséndo unn-a de bâze de l'alimentaçión umâna inte tùtto o móndo. O l'é ascì un di aliménti chi fàn ciù bén a-a salûte, amermàndo o réizego de contrâe vàrie moutîe, e contegnìndo tànte sostànse nutritîve cómme e vitamìnn-e e vàrri minerâli.

Chi de sótta se peu védde 'na tabélla co-e ciù conosciûe variêtæ de verdûa, scrîte cómme se dîxan inte çèrtidùnn-e vàriante da léngoa lìgure.

Tîpo de verdûa	Zeneize	Zenéize Grafîa Ofiçiâ	Savuneize	Finarìn	Arbenganese[1]	Sanremascu	Ventemigliusu	Speżìn	Munegascu	Nuvàize
Verdûa da frûto	Chigheummao	Chighéumou	Chigömmu	Chigömeru Ghigömeru Chigömeu[2]	Cugummé(r)u	Cugömaru	Cugömaru	Coghèmeo Sitriè	Cughœmaru	Cetriólu
	Faxolin	Faxolìn	Faxulìn	?	Faxulìn	Faixurin	Faixörin	Faṡolìn	?	Faxoléin
	Meizann-a	Meizànn-a	Meizann-a	Meisôna	Me(r)izàna	Merezàna	Merezàna	Meinżàna Meiżàna Melinżàna	Merenzana	Meizan-a
	Pëveon	Pevión	Peverùn	Peverùn Peveùn[2] Peviùn[2] Péve[3] Pévu[4]	Peve(r)ùn	Péve Peverun	Pévérùn	Pevéon	Püverun	Puvrón
	Succa	Sùcca	Sücca	Sücca	Sücca	Süca	Süca	Süchèo	Süca	Sücca
	Succhin	Suchìn	Süchìn	Süchìn	Sücchìn	Sücun SücunétuSücunòtu	Süca[5]	Süca	Sücun Sücunotu	Süchéin
	Tomata	Tomâta	Tumäta	Tumôta	Tumàta	Pumàta	Pumata	Pomàta	Tumata	Tumòta
	Tronbetta	Tronbétta	Trunbetta	Trunbétta	Trumbétta	?	Belurìn	?	Trompette	?
Verdûa da sciô	Articiocca	Articiòcca Ardiciòcca	Articiocca	Ardiciocca Articiocca	Articiòcca	Articiòcu Archiciòcu	Articiòca	Articiòco	Arcicotu	Articiócca
	Bròccolo	Bròcolo	Bròcolu	Broculu	Broculu	Bròculu	Bròculu	Bròcolo	Broculu	Bróculu
	Cöosciô	Cousciô	Cousciù	Corusciùn Corusciu[6] Cousciu[2]	Cò-Sciü	Courusciù	Còurusciù	Coofióo	Chousciura	Coufiù
Legùmmi	Bazzann-a	Bazànn-a	Bazann-a	Basôna	Fàva	?	Fava	Fava	Fava	Fava
	Çeixao	Çéixou	Çeixe	Séixu Céxu[7]	Céxe	Céixu	Céixu	Séṡoo	Scijaru	Sàisu
	Faxeu	Faxeu	Faxö	Faxö	Faxö	Faixö	Faixö	Fasèo	Faijœ	Fasö
	Poiscio	Poîscio	Puisciu	Arböia Lémmu Piséllu	Piséllu Pòxu	Pònsciu	Pesélu	Peṡèla	Pesè	Puìsi
Verdûa da féugge	Borraxe	Borâxa	Buräxe	Burôxa Buôxa[2]	Buràxe	Buràixa	Buràixe	Boràṡe Boràṡa	Burraiju	Buròse
	Catalogna	Catalògna	Catalogna	Catalogna	Catalogna	Catalogna	Catalogna	?	Catalogna	?
	Cöo	Cöo	Côu	Coru Cou[2]	Cò(r)u	Còuru	Còuru	Còo	Chou	Cou
	Cöo de Bruxelles	Cöo de Bruxelles	Côu de Bruxelles	Coru de Bruxelles	Cò(r)u de Bruxelles	?	Coureti	Còo de Bruxelles	Chou de Bruxelles	Cou de Bruxelles
	Cöo rava	Ravacöo	Rävacôu	Rôvacoru	Cò(r)u ràva	Còuru ràva	Còuru rava	Ravacòo	Chou rava	Cou ròva
	Giæa	Giæa	Gè	?	Géa	?	Gé	Géde	Ge	Géa
	Leituga	Leitûga	Leitüga	?	Leitüga	Laitüga	Laitüga	Latǜga	Laitüga	Leitüga
	Radicion	Radición	Radiciùn	Radiccia	Radiccia	Radìcia	Radiciùn	Radìcio[8]	?	?
	Spinascio	Spinàsso	Spinaççu	Spinassu	Spinàssu	Spinàssu	Spinàssu	Spinasso	Spinassu	Spinòsu
	Valeriann-a Sarzetto	Valeriâna Sarzétto	Sarxettu	?	Sarxéttu	?	Sarzetu	?	Canarassa	?
Verdûa da fùsto	Fenoggio	Fenóggio	Fenuggiu	Fenuggiu	Fenuggiu Fenuiu/Fenuiju[9]	Fenùju	Fenùgliu	Fenócio	Fenuyu	Fenuggiu
	Gardo	Gàrdo	Cardu	Gôrdu	Càrdu	Cardu	Càrdu	Gòbo	Cardu	Cardu
	Séllou	Séllou	Scellou	Scélleru Séllu[2]	Scélla(r)u	Sélaru	Sélaru	Sèleo	Çelaru	Séleru
Verdûa da reixe	Caròttoa	Caròtoa Caròtta	?	Carotta	Ca(r)otta	?	Caròta	Gnifra	Carota	Caróta
	Giæarava	Giærâva	Gêräva	Gérôva Géôva[2] Rôvage[3]	Géa Ràva	Geràva	Gearàva	Gederàva	Betařava	Ròva
	Rafan (Rava?)	Rafàn	?	?	?	?	Rava fòrte	?	Ravanetu forte	?
	Rava	Râva	Räva	Rôva	Ràva	Ràva	Rava	Ravo	Rava	?
	Ravanetto	Ravanétto Armoasétta	Ravanettu	Ravanéttu	Ravanéttu	Ravanétu	Ravanétu	Ravanéto	Ravanetu	Ravanéin
Verdûa da tùbero	Patatta	Patàtta	Patatta	Patatta	Patatta	Patata	Patàta	Patata	Patata[10]	Patòta
	Patatta dôçe	Patàtta dôçe	Patatta duçe	Patatta duse	Patatta dùse	Patata durse	Patàta duçe	Patata dósse	Patata duçe	Patòta duse
Verdûa da bùlbo	Aggio	Àggio	Aggiu	Aiu Aggiu[2]	Aggiu Aiu/Aiju/Agliu[9]	Àju	Agliu	Àgio	Ayu	Àiu
	Çiòula	Çiòula Çevólla[11]	Çioula	Seulla Siulla[12] Sioula[2]	Seùlla	Sevula	Çevula	Sióla Sigóla	Çevula	Sigùla
	Pöro	Pöro	?	?	Pòru	?	Porru	Póro	Porru	Poru
	Scialotta	Scialòtta	?	?	?	?	Scialiòta	?	Scialota	?
Zermóggi comestìbili	Spægo	Spægo	Spaigu	Sparagu	Pà(r)egu	Spàragu	Spargu	Spàrżo	Spargu	Spòrgu (pl. Spòrzi)

• Àggio de Vexàrgo: coltivòu inta Valàdda Aróscia, in particolâ a Vexàrgo, dónde tùtti i ànni (da-o 1760) a se têgne a fêa de l'àggio.
• Spægo viovétto d'Arbénga: asæ râro a-a giornâ d’ancheu.
• Articiòcca spinôza de Arbénga: co-a tomâta cheu de beu, o spægo viovétto e a tronbétta, a l'é un di coscì dîti "quàttro d'Arbénga".
• Çiòula de Pignón: insémme a-a patàtta, a l'é un di prodûti tìpichi de quésto pàize picìn da provìnsa da Spézza.
• Çiòula róssa zenéize: prezénte sorviatùtto inta Valàdda Gravéggia, into pàize de Né.
• Cöo gagétta: variêtæ de cöo garbûxo de dimenscioìn picìnn-e, coltivòu prinçipalménte tra Ciâvai e Lavàgna.
• Faxeu de l'Àquila de Pignón: dîto ascì "faxeu con l'éuggio", pi-â sò coloraçión.
• Faxeu lumê do Mangia: variêtæ òriginâia de Sèsta Godàn, de colôre rósso.
• Faxeu senerìn: variêtæ da Vàl de Vâa, o pìgia o nómme da-o sò tìpico colôre çénie.
• Meizànn-a tónda zenéize: da-a caraterìstica fórma ariondâ.
• Patàtta canéllìnn-a néigra: variêtæ coltivâ in sce l'Apenìn Lìgure.
• Patàtta quarantìnn-a: prezénte in divèrse variêtæ, cómme a quarantìnn-a zenéize ò a Brügnœa.
• Patàtta de Pignón: insémme a-a çiòula, a l'é un di prodûti tìpici de quésto pàize picìn da provìnsa da Spézza.
• Poîscio néigro de L'ago: variêtæ de poîsci néigri, coltivâ inte l'òmònima fraçión de Borghétto Vâa.
• Râva de Nazìn (ò da Valàdda Pennavaire): coltivâ inte l'òmònimo comûne.
• Sùcca de Rochétta: variêtæ de sùcca òriginâia de Rochétta, fraçión de Çéngio.
• Suchìn tronbétta (de Arbénga): coltivâ sorviatùtto inte sære, a-a giornâ d’ancheu a l'à 'na fórma ciù retilìnia de quélla da "tronbétta".
• Tomâta cheu de beu (de Arbénga): variêtæ locâle da tomâta cheu de beu.

Piâti de verdûa

• Ratatuia
• Insalatta nissarda

• 
  Vàrri tîpi de verdûa a-o Mercòu Òrientâle de Zêna.
• 
  Âtra verdûa, sénpre a-o Mercòu Òrientâle de Zêna.
• 
  In cànpo de articiòcche spinôze de Arbénga, a Lüxignan.
• 
  L'àggio de Vexàrgo, coltivòu inte l'òmònimo comûne.
• 
  A tomâta cheu de beu.
• 
  Vìsta de 'na særa de sùcche tronbétte d'Arbénga, in provìnsa de Sànn-a (O Borghétto).

• Frûta

• Wikimedia Commons a contêgne di files in sce a verdùa