Bahaso Esperanto
Esperanto adolah bahaso buatan nan dibuek dek L.L. Zamenhof, dan marupokan bahaso buatan nan paliang banyak diucapkan di saluruah dunia.[3] Namo "Esperanto" adolah namo samaran dari L.L Zamenhof surang katiko liau manabikan tantang bahasonyo pado taun 1887.[4] Tujuan utamo Zamenhof adolah untuak mambuek bahaso netral nan murah dipelajari dan digunoan sabagai bahaso parantaro dek babagai urang nan mamiliki bahaso mandeh nan bamacam-macam.
| Bahaso Esperanto | |
|---|---|
| Esperanto | |
 Bandera bahaso Esperanto | |
| Bacaan | [espeˈranto] |
| Dibuek dek | L.L. Zamenhof |
| Tangga | 1887 |
| Pangaturan jo panggunoan | – |
| Pangguno | sabagai bahaso mandeh: Sakitar 1.000 kaluarga, tamasuak 2.000 urang anak-anak (2004)[1] sabagai bahaso kadua: Sakitar 2 juta urang (1999)[2] |
| Tujuan | Bahaso buatan |
| Status rasmi | |
| Bahaso rasmi di | tak ado |
| Diatur dek | Akademio de Esperanto |
| Kode-kode bahaso | |
| ISO 639-1 | eo |
| ISO 639-2 | epo |
| ISO 639-3 | epo |
| Linguist List | epo |
| Linguasphere | 51-AAB-da |
Jumlah pangguno
Sakitar 2 juta urang manggunoan bahaso Esperanto sabagai bahaso keduo,[5] dan sakitar 1.000 inggo 2.000 urang nan manggunoan bahaso Esperanto sabagai bahaso ibu.[1] Wikipedia bahaso Esperanto masuak dalam urutan ka-32 Wikipedia bahaso tagadang manuruik jumlah artikel,[6] dan Wikipedia tagadang dalam bahaso buatan.[7] Jumlah duo juta pangguno bahaso iko didapek dari banyaknyo panjualan teks atau karya literatur nan manggunoan bahaso tasabuik, banyaknyo jumlah tulisan di Internet, dan lain sabagainyo. Jumlah dari sumber-sumber lain kiro-kiro antaro sapuluah ribu (dek lawan-lawan Esperanto) inggo tigo puluah atau ampat puluah juta (dek pangguno antusias Esperanto).
Pado taun 1927 katiko populasi bumi sakitar duo miliar urang, Dr. Johannes Dietterle dari Reich Institute fur Esperanto di Leipzig mangadoan survei dima liau mampakirokan jumlah pangguno Esperanto ado sakitar 128.000 urang. Kini populasi bumi sakitar anam miliar urang, dan dipakirokan jumlah pangguno Esperanto ado sakitar duo juta urang. Dari data tasabuik dapek disimpulkan baso pangguno Esperanto maningkek amaik pasek dalam kurun wakatu 80 tahun.
