Бока Хуниорс

Клуб Атлетико Бока Хуниорс или само Бока Хуниорс е аргентински фудбалски клуб од Ла Бока, населба во Буенос Аирес. Моментално се натпреварува во Примера Дивисион, највисокото ниво на аргентинскиот фудбал. Својте домашни натпревар ги игра на стадионот Ла Бомбонера, кој има капацитет од 54,000 гледачи.

Бока Хуниорс
Целосно име	Клуб Атлетико Бока Хуниорс
Држава	Аргентина
Прекар	Los Xeneizes (Џеновјани) Azul y Oro (Сино-златни)
Основан	3 април 1905; пред 119 години (1905-04-03)
Локација	Буенос Аирес, Аргентина
Стадион	Ла Бомбонера
Капацитет	54,000
Претседател	Хорхе Амор Амеал
Менаџер	Себастијан Батаља
Лига	Примера Дивисион
2021	Примера Дивисион, 4. место
Мреж. место	Официјално мрежно место
Домашни бои Гостински бои Резервни бои
Тековна сезона

Клубот е основан на 3 април 1905 година и од неговата промоција во првото ниво на аргентинското првенство во 1913 година, тој никогаш повеќе не испаднал од таму. Бока е, исто така, до денес најуспешниот аргентински клуб со 71 освоена титула: од нив 34 во Примера Дивисион^[1][2] и 14 национални купови.^[3] Во меѓународните натпреварувања, Бока Хуниорс има освоено вкупно 22 титули,^[4][5][6] од кои 18 организирани од КОНМЕБОЛ^[7] и останатите од други асоцијации. Како резултат на тоа, Бока е рангирана на третото место во светот според бројот на освоени меѓународни титули, по Реал Мадрид (26) и египетскиот клуб Ал Ахли (25).^[8]

Својте домашни натпревари Бока ги игра на стадионот Ла Бомбонера, кој има капацитет од 54,000 седечки места. Бока Хуниорс отсекогаш имала жестоко ривалство со Ривер Плејт. Натпреварите меѓу нив се познати како Суперкласико и се едно од најжестоките ривалства во Аргентина и во светот, бидејќи двата клуба се двата најпопуларните во земјата.

Младинската академија произвела многу аргентински репрезентативци како што се Себастијан Батаља (моменталниот тренер на клубот), Николас Бурдисо, Карлос Тевес, Евер Банега, Николас Гаитан и Фернандо Гаго, кои играле или играат за врвни европски клубови.