Марио Геце

Геце е производ на младинската академија на Дортмунд, пристигнувајќи во тимот на возраст од осум години. Марио го направи своето деби во Бундеслигата на 21 ноември 2009 година во ремито 0-0 против Мајнц, влегувајќи како замена за Јакуб Блажиковски во 88-та минута. За време на зимскиот одмор во Бундеслигата во сезоната 2009-10, менаџерот на Борусија Дортмунд, Јирген Клоп го промовираше Марио Геце во првиот тим.

Геце ја искористи својата шанса и беше важен играч за тимот на Дортмунд во Бундеслигата, победничкиот тим во сезоната 2010-11.

Геце постигна гол на првиот натпревар на Борусија Дортмунд во сезоната 2011-12 во победата од 3-1 против Хамбургер. Во јануари 2012 година, на Геце му беше дијагностицирана повреда на колкот. ‘Рскавицата во колкот на Геце се воспали под стрес.

На 27 март 2012 година, Геце потпиша нов договор со Борусија Дортмунд, што ќе го задржи во клубот до 2016 година. Геце прозборе околу неговото продолжување на договорот велејќи: “Секој знае како убаво се чувствувам во Дортмунд. Клубот е далеку од завршување со неговиот досегашен препород, и јас би сакал да бидам дел од овој развој”.

Во април 2012 година, Геце влезе во тимот за првпат од неговата повреда, но беше неискористена замена во натпреварот против соперникот Шалке. Геце го одигра својот прв натпревар по неговата повреда на колкот, кога тој влезе како замена против Борусија Менхенгладбах. Геце потоа постигна гол во победата од 5-2 на Борусија Дортмунд над Кајзерслаутерн.

По играњето во неколку младински тимови, Марио Геце беше повикан за неговиот прв натпревар во репрезентацијата на Германија во натпревар против Шведска на 17 ноември 2010 година. Марио тој ден го направи своето деби, влегувајќи во 78-та минута во ремито без голови, заменувајќи го неговиот тимски колега, Кевин Гроскројц и со тоа станувајќи најмладиот германски репрезентативец уште од времето на Уве Силер. Геце и Андре Шурле кои дојдоа истовремено се првите два германски фудбалери што се родени во обединета Германија. Марио го направи својот втор настап за репрезентацијата во пријателски натпревар против Италија на 9 февруари 2011 година. Првиот гол на Геце за Германија беше против Бразил на 10 август 2011 година, со 19 години и 68 дена стана најмладиот стрелец за репрезентацијата на Германија во пост-воениот период заедно со Клаус Штирмер, кој постигна гол на своето деби против Франција на 16 октомври 1954 година.

Неговиот татко, Јирген Геце е познат професор на универзитетот за технологија во Дортмунд. Неговиот брат, Фабијан Геце во моментов игра за вториот тим на Бохум, напуштајќи го младинскиот систем на Дортмунд во 2010година.

Клупска кариера

Меѓународни голови

Goal	Датум	Стадион	Противник	Постигнал	Резултат	Натпреварување
1.	10 август 2011	Мерцедес-Бенц Арена, Штутгарт, Германија	Бразил	2–0	3–2	Пријателска
2.	2 септември 2011	Велтинс-Арена, Гелзенкирхен, Германија	Австрија	6–2	6–2	Квалификации за УЕФА Еуро 2012

Борусија Дортмунд

• Бундеслига (2) : 2010–11, 2011–12
• Куп на Германија (1) : 2011–12.

Баерн Минхен

• Бундеслига (1) : 2013–14
• Куп на Германија (1) : 2013-14.

Германија

• Европско првенство до 17 години (1): 2009
• Светско првенство (1): 2014

Поединечни

• Фриц-Валтер златен медал во 2009 година (категорија до 17 години)
• Фриц-Валтер златен медал во 2010 година (категорија до 18 години)
• Член на тимот на годината Германска Бундеслига сезона 2010-11
• Награда златно момче: 2011

• Матична страница (германски)