Матео Ренци

Ренци остварил брз подем во политиката. Во 2004 година, на возраст од 29 години, станал претседател на Покраината Фиренца, а во 2009 година бил избран за градоначалник на Фиренца. Тогаш почнал да напредува кон врвот на Демократската партија на Италија и во 2013 година станал нејзин претседател. Веднаш потоа, на почетокот до 2014 година, на возраст од 39 години, Ренци станал најмладиот премиер во историјата на Италија. Како премиер, тој направил бројни рефомри што ја стабилизирале Италија по Глобалната финансиска криза. Исто така, по двегодишни политички борби, во 2016 година, тој успеал да го истурка својот предлог за реформи на изборниот систем, со што обезбедил услови за одржување на референдум по тоа прашање.^[1]