Серија А 1997-1998

Во оваа сезона на Серија А, лигата имала 18 клубови, вклучувајќи ги 14-те клуба од претходната сезона и 4 новопромовирани екипи од Серија Б 1996-1997.

Четирите нови екипи кои избориле промоција во Серија А за оваа сезона биле Бреша, Емполи, Лече и Бари, заменувајќи ги Каљари, Перуџа, Верона и Реџана кои испаднале во претходната сезона. Бреша - како шампион на Серија Б - се вратила во Серија А по две сезони отсуство, Емполи се вратил по девет сезони отсуство, Лече по три, додека Бари само по една сезона пауза.

Сезоната започнала на 31 август 1997, со натпреварите од првото коло, кое било одиграно со сите натпревари 9 натпревари во истиот ден. Последното коло се одиграло на 16 мај 1998 година.

Летна сесија

Бранителот на титулата од претходната сезона, Јувентус, се засилил на трансфер-пазарот со потпишувањето на бекот Алесандро Бириндели и играчот од средниот ред Фабио Пекија,^[1] додека во предни позиции клубот довел двајца нови напаѓачи со цел да ги надополни заминувањата на Ален Бокшиќ во Лацио^[1][2] и Кристијан Виери во Атлетико Мадрид^[1][3]: најдобриот стрелец во Серија А во претходната сезона, Филипо Инѕаги,^[1] дошол од Аталанта и формирал одлично партнерство во нападот со Алесандро Дел Пјеро носејќи голем број голови со што го демантирал звукот на летната критика упатена кон него за „прекумерната физичка слабост“,^[4] додека уругваецот Даниел Фонсека дошол од Рома^[3] и имал статус на златна резерва, постигнувајќи важни голови по влегувањето од клупата за резерви.

Меѓу најголемите протагонисти на летниот пазар била екипата на Интер на Масимо Морати, која по исцрпувачките преговори коишто траеле со месеци,^[5] успеала за сума од 50 милијарди италијански лири - во тоа време рекорд за еден трансфер - да го доведе бразилскиот напаѓач Роналдо од Барселона, сметан за еден од најголемите фудбалери на својата генерација.^[6] Покрај Роналдо, нероаѕурите влегле во сезоната со нов тренер, Лујџи Симони,^[7] а го засиле својот тим и со доаѓањето на нигерискиот дефанзивец Тарибо Вест,^[3] играчите од средниот ред Франческо Мориеро,^[3] Беноа Кое^[3] и Диего Симеоне^[3] како и младиот уругвајски офанзивец Алваро Рекоба.^[3] Меѓу играчите кои си заминале од Интер пред почетокот на оваа сезона биле Пол Инс, Чириако Сфорца и Жоселин Англома.

Милан, го вратил од Мадрид тренерот Фабио Капело по една сезона во Реал со цел да ги отстрани разочарувањата од претходната и проблематична година,^[8] и донеле неколку засилувања како што биле голманот Масимо Таиби и бекот Кристијан Циге^[3] потоа играчите од средината на теренот Ибрахим Ба и Леонардо^[3] додека во нападот, го замениле Кристоф Дугари - кој само по една неуспешна сезона бил продаден во Барселона - со холанѓанецот Патрик Клајверт; исто така по една сезона во странство во Милано се вратил и легендарниот играч на клубот Роберто Донадони.^[9] Парма се засилила со Стефано Фјоре и Јеспер Бломквист, додека Фјорентина со новиот тренер Алберто Малезани^[10], дебитант како тренер во Серија А, му пружила шанса на младиот офанзивен играч за врска Доменико Морфео.^[3]

Рома била уште една од екипите која влегла со нов тренер во сезоната, назначувајќи го доскорашниот тренер на нивниот градски соперник, Зденик Земан, додека од засилувањата се издвојуваат дефанзивците Кафу^[3][11] и Венсан Кандела, играчот од средниот ред Еузебио Ди Франческо^[12] и напаѓачот Пауло Сержо.^[11] Во светлосиниот дел на Рим, Лацио пак се доверил на поранешниот тренер на Рома, Свен-Јоран Ериксон,^[13] и ги довел Матијас Алмеида и Владимир Југовиќ, додека во нападот, покрај гореспоменатиот Бокшиќ, дошол и Роберто Манчини, по петнаесет години поминати во Сампдорија.^[13]

Меѓу екипите со секундарни амбиции, Сампдорија се засилила со играчот од средина на теренот Ален Богосијан и го надомести заминувањето на гореспоменатиот Манчини со добро познато лице во италијанскиот фудбал, германецот Јирген Клинсман. Наполи сега се повеќе оддалечени од славното време на Марадона, се засилил со напаѓачите Клаудио Белучи^[14] и Игор Проти, додека Болоња се прославила со ангажманот на славниот Роберто Баџо, кој дошол во Емилија-Ромања со цел да се врати меѓу аѕурите по две сезони слаби сезони во дресот на Милан.^[15]

Удинезе се засилил со фудбалерите од средниот ред Џонатан Бакини, Мартин Јоргенсен и Јохан Валем.^[16] Откритието на претходната сезона Виченца, му го доверила предниот дел од тимот на тандемот Артуро Ди Наполи - Пасквале Луизо, и го редизајнирале средниот ред со Марко Шенарди и Ламберто Заули, како и со ветувачкиот млад италијански репрезентативец, Масимо Амброзини. Пјаченца се потпрела на ветераните како што биле Џовани Стропа и Пјетро Вјерховод,^[17] а Аталанта го заменила Инѕаги со Кристијано Лукарели.

Меѓу новопромовираните екипи, Бари се засилил со офанзивниот млад играч Џанлука Ѕамброта и напаѓачот Фил Масинга. Бреша инвестирала во својата ѕвезда во подем Андреја Пирло и одлучила да му верува на напаѓачот Дарио Хубнер, плоден стрелец во пониските лиги, кој во оваа сезона дебитирал во Серија А. Емполи, ги довел во својте редови Пјерпаоло Бизоли и Макс Тонето, а во Лече дошле Алесандро Контикио, Франческо Коца и Ненад Сакиќ.

Есенска сесија

Меѓу врвните екипи, пазарот за поправки најдобро го искористил Јувентус, кој со цел да го ребалансира средниот ред каде незадоволен од перформансите на двајцата играчи кои дошле во летото Рафаеле Аметрано (вратен од заем) и Фабио Пекија,^[1] го потпишале холанѓанецот Едгар Давидс.^[18] играч кој се наоѓал на маргините во неговиот тогашен клуб Милан,^[19] за оддеднаш да ја „оживее“ својата кариера играјќи со голем успех во средниот ред на бјанконерите.^[1] Покрај Давидс во клубот дошол и младиот уругвајски напаѓач Марсело Залајета.

Интер се простил со легендата на клубот Никола Берти, кој по една деценија во Милано заминал во Тотенхем, а клубот го напуштиле и напаѓачите Марко Бранка^[20] и Маурицио Ганц, вториот се приклучил на градскиот соперник Милан;^[21] наспроти тоа, црно-синиот дрес во овој преоден рок го облекле дефанзивците Франческо Колонезе и Мауро Миланезе, и играчот од средниот ред португалецот Пауло Соуса кој бил земен од европскиот шампион Борусија Дортмунд.^[3]

Лацио изненадувачки ја завршил соработката со својот „водач“ од претходните сезони, Џузепе Сињори, кој го загубил местото во почетната постава со доаѓањето на Манчини;^[22] Сињори се преселил во Сампдорија,^[22] а клубот од Џенова исто така се разделил со Клинсман кој се приклучил на Спарс и со францускиот играч од средниот ред Кристијан Карембе кој завршил во Реал Мадрид. Рома во овој период имала само една операција, која во Рим го довела бразилскиот играч од одбраната Заго.^[3] Милан кој веќе бил во криза се обидел да го засили предниот дел од тимот, купувајќи ги, споменатиот Ганц и поранешниот играч на Парма Филипо Маниеро;^[3] меѓу заминатите, покрај Давидс, си отишол уште еден холанѓанец, дефанзивецот Винстон Богард, кој одиграл разочарувачки неколку месеци во Милан по доаѓањето во летото и веднаш бил продаден во Барселона.^[19]

Кај екипите од долниот дел на табелата, Пјаченца се засилила со Ренато Бузо, додека Лече го довел играчот од средниот ред Џузепе Џанини од веќе катастрофалниот Наполи кон крајот на неговата кариера.

Екипи по региони

Број на екипи	Регион	Екипи
4	Ломбардија	Аталанта, Бреша, Интер и Милан
3	Емилија-Ромања	Болоња, Парма и Пјаченца
2	Апулија	Бари и Лече
	Лацио	Лацио и Рома
	Тоскана	Емполи и Фјорентина
1	Венето	Виченца
	Кампанија	Наполи
	Лигурија	Сампдорија
	Пиемонт	Јувентус
	Фурланија-Јулиска Краина	Удинезе

Стадионите на екипите и нивните локации

Екипа Град Стадион Капацитет сезона 1996–1997 Аталанта Бергамо Атлети Аѕури д'Италија &1000000000000002654200026,542 10. место во Серија А Бари Бари Сан Никола &1000000000000005827000058,270 4. место во Серија Б Болоња Болоња Ренато Дал'Ара &1000000000000003827900038,279 7. место во Серија А Бреша Бреша Марио Ригамонти &1000000000000001630799916,308 1. место во Серија Б Виченца Виченца Ромео Менти &1000000000000001716300017,163 8. место во Серија А Емполи Емполи Карло Кастелани &1000000000000001979500019,795 2. место во Серија Б Интер Милано Сан Сиро &1000000000000008007399980,074 3. место во Серија А Јувентус Торино Деле Алпи &1000000000000006929500069,295 Серија А шампион Лацио Рим Олимпико &1000000000000007269799972,698 4. место во Серија А Лече Лече Виа дел Маре &1000000000000003387599933,876 3. место во Серија Б Милан Милано Сан Сиро &1000000000000008001800080,018 11. место во Серија А Наполи Неапол Сан Паоло &1000000000000006024000060,240 13. место во Серија А Парма Парма Енио Тардини &1000000000000002790599927,906 2. место во Серија А Пјаченца Пјаченца Леонардо Гарили &1000000000000002790599927,906 14. место во Серија А Рома Рим Олимпико &1000000000000007269799972,698 12. место во Серија А Сампдорија Џенова Лујџи Ферарис &1000000000000003668500036,685 6. место во Серија А Удинезе Удине Фриули &1000000000000003064199930,642 5. место во Серија А Фјорентина Фиренца Артемио Франки &1000000000000004728199947,282 9. место во Серија А

Аталанта Бари Болоња Бреша Виченца Емполи Интер Милан Јувентус Лацио Рома Лече Наполи Парма Пјаченца Сампдорија Удинезе Фјорентина class=notpageimage| Локации на екипите од Серија А 1997-1998.

	Поз.	Екипа	Бод	ОН	П	Н	И	ДГ	ПГ	ГР
	1.	Јувентус	74	34	21	11	2	67	28	+39
	2.	Интер	69	34	21	6	7	62	27	+35
	3.	Удинезе	64	34	19	7	8	62	40	+22
	4.	Рома	59	34	16	11	7	67	42	+25
	5.	Фјорентина	57	34	15	12	7	65	36	+29
	6.	Парма	57	34	15	12	7	55	39	+16
[23]	7.	Лацио	56	34	16	8	10	53	30	+23
	8.	Болоња	48	34	12	12	10	55	46	+9
	9.	Сампдорија	48	34	13	9	12	52	55	-3
	10.	Милан	44	34	11	11	12	37	43	-6
	11.	Бари	38	34	10	8	16	30	45	-15
	12.	Пјаченца	37	34	7	16	11	29	38	-9
	13.	Емполи	37	34	10	7	17	50	58	-8
	14.	Виченца	36	34	9	9	16	36	61	-25
	15.	Бреша	35	34	9	8	17	45	63	-18
	16.	Аталанта	32	34	7	11	16	25	48	-23
	17.	Лече	26	34	6	8	20	32	72	-40
	18.	Наполи	14	34	2	8	24	25	76	-51

Шампионскиот тим

Формација	Играчи (настапи)
Перуци Бириндели Јулијано Монтеро Песото Ди Ливио Дешан Конте Зидан Инѕаги Дел Пјеро	Анџело Перуци (31)
	Алесандро Бириндели (29)
	Марк Јулијано (25)
	Паоло Монтеро (26)
	Џанлука Песото (21)
	Анџело Ди Ливио (30)
	Дидје Дешан (25)
	Антонио Конте (28)
	Зинедин Зидан (32)
	Филипо Инѕаги (31)
	Алесандро Дел Пјеро (32)
	Тренер: Марчело Липи
Останати играчи: Алесио Такинарди (23), Димаш (21), Фабио Пекија (21), Морено Торичели (20), Едгар Давидс (20), Чиро Ферара (17), Даниел Фонсека (15), Никола Аморузо (10), Микеланџело Рампуља (5), Марсело Залајета (5), Салваторе Ароника (1), Микеле Падовано (1), Марко Ѕамбони (1).

Табеларен приказ

Календар

Календарот бил извлечен на 31 јули 1997 година.^[24] Репрезентативните паузи биле закажани за 7 септември и 12 октомври.^[24] Божиќната пауза била одбележана на 28 декември.^[24]

Екипна

Лидери на табелата

• Од 3-то до 16-то коло: Интер
• Од 17-то до 34-то коло: Јувентус

Поединечна

Список на стрелци

Гол Пенали Играч Клуб 27 2 Оливер Бирхоф Удинезе 25 7 Роналдо Интер 22 11 Роберто Баџо Болоња 21 Габриел Батистута Фјорентина 21 4 Алесандро Дел Пјеро Јувентус 20 4 Винченцо Монтела Сампдорија 18 Филипо Инѕаги Јувентус 16 5 Дарио Хубнер Бреша 15 1 Луис Оливеира Фјорентина 14 3 Абел Балбо Рома 14 3 Кармине Еспозито Емполи 13 1 Франческо Тоти Рома 12 Кенет Андерсон Болоња 12 1 Ернан Креспо Парма 12 Пауло Сержо Рома 11 Павел Недвед Лацио 10 Ален Бокшиќ Лацио 10 Жорж Веа Милан 10 1 Клаудио Белучи Наполи 10 1 Паоло Поџи Удинезе 10 2 Енрико Кјеза Парма 10 2 Франческо Палмиери Лече

Најдобри асистенти

Поз.	Играч	Клуб	Асистенции
1	Алесандро Дел Пјеро	Јувентус	12
	Роберто Манчини	Лацио
3	Франческо Тоти	Рома	10
	Кафу	Рома
	Енрико Кјеза	Парма
	Франческо Мориеро	Интер
7	Ибрахим Ба	Милан	9
	Зинедин Зидан	Јувентус
	Роберто Баџо	Болоња
	Руи Кошта	Фјорентина
	Кенет Андерсон	Болоња

Факти и бројки

• Екипа со најмногу победи: Јувентус, Интер (21)
• Екипа со најмалку победи: Наполи (2)
• Екипа со најмногу порази: Наполи (24)
• Екипа со најмалку порази: Јувентус (2)
• Екипа со најмногу нерешени: Пјаченца (16)
• Екипа со најмалку нерешени: Интер (6)
• Екипа со најсилен напад: Јувентус, Рома (67 постигнати гола)
• Екипа со најдобра одбрана: Интер (27 примени гола)
• Екипа со најдобра гол-разлика: Јувентус (+39)
• Екипа со најслаб напад: Аталанта, Наполи (25 постигнати гола)
• Екипа со најслаба одбрана: Наполи (76 примени гола)
• Екипа со најслаба гол-разлика: Наполи (−51)

• Серија А 1997-1998 на RSSSF
• Серија А 1997–1998 - Екипи
• Серија 1997-1998: Список на стрелци (италијански)