Совет на Европа
Cоветот на Европа е најстарата европска меѓународна политичка организација. Основната задача на Советот на Европа е создавање на единствена Европа во чии основи лежат принципите на слободата, демократијата, заштитата на човековите права и владеење на правото. Седиштето на организацијата е во Стразбур, Франција.
| Council of Europe Conseil de l'Europe | |
 | |
.svg) | |
| Кратенка | CoE |
|---|---|
| Основана | Договор од Лондон 1949 |
| Вид | Регионална меѓувладина организација |
| Седиште | Стразбур, Франција |
| Место | Европа |
| Членство |
|
| Заменик генерален-секретар | Габриела Батаини-Драгони |
| Претседател на Парламентарното Собрание | Лилиен Мори Паскер |
| Претседател на Комитетот на министри | Марија Пејчиновиќ Буриќ |
| Претседател на Конгресот | Жан-Клод Фрекон |
| Мреж. место | www.coe.int |
Советот на Европа не треба да биде мешан со Европската Унија - тоа се две сосема различни организации. Исто така, иако знамињата на двете организации се идентични, не треба да се мисли дека станува збор за иста работа.
Едно од најзначајните достигнувања на Советот на Европа е изработката и потпишувањето на Европската конвенција за заштита на човековите права и основните слободи.
Основање
Советот на Европа е основан на 4 мај 1949 година со Уставот за Совет на Европа во Лондон, со мисија да го развива и помага ширењето во Европа на демократски принципи основани на Европската конвенција за правата на човекот и други нормативни текстови за заштита на поединецот.
Држави членки
Советот на Европа има навистина пан-европски карактер и во него членуваат:
Цели
- заштита на човековите права, плуралистичката демократија и владеење на правото;
- промовирање и стимулирање на развојот на европскиот културен идентитет и разноликост;
- наоѓање на заеднички решенија на проблемите во европското општество: како дискриминација на малцинствата, ксенофобија, нетолеранција, клонирање, тероризам, шверц на луѓе, организиран криминал и корупција, интернет криминал, насилство врз деца;
- консолидирање на демократска стабилност во Европа преку поддршка на политички, правни и уставни реформи.
Органи
Главните органи на Советот на Европа се:
- Комитет на министри
- Парламентарна асамблеја
- Конгрес на локални и регионални власти
- Европски суд за човекови права
- Секретаријат
Буџет
Буџетот на Советот на Европа за 2007 година изнесува 197.214.100 евра.
Службени јазици
Советот на Европа има два официјални јазика - англиски и француски, но германскиот, рускиот и италијанскиот исто така често се користат иако не се официјални. Некои документи на Советот се пишуваат и на други европски јазици.
Надворешни врски
- Официјална страница на Советот на Европа
- Карта на европски малцинства и етнички групи Архивирано на 21 јуни 2006 г.
- Игор Јанев, Statutary order of International Organizations, Institute of Political Studies, Belgrade, 2009, ISBN 978-86-7419-191-0