Токиогийн олимп (2020 он)
| Зуны олимпын XXXII наадам Games of the XXXII Olympiad | |
| Зохиогдсон хот |  Япон, Токио |
|---|---|
| Оролцсон улс | 205 + дүрвэгчдийн баг |
| Оролцогчдын тоо | 11,656 |
| Зохиогдсон спортын тэмцээнүүд | 39 төрөлд 339 тэмцээн |
| Нээлтийн ёслол | Эзэн Хаан Нарүхито |
| Хаалтын ёслол | |
| Бамбар асаагч | Оосака Наоми |
| Төв цэнгэлдэх хүрээлэн | Олимпын цэнгэлдэх хүрээлэн |
2021 оны зуны олимп (2021年夏季オリンピック) буюу албан ёсоор Олимпын XXXII наадам (XXXII オリンピック競技大会 XXXII [Dai Sanjuni] Orinpikku Kyōgi Taikai) нь 2021 оны 7 сарын 24-нөөс 8 сарын 9-ний хооронд Японы Токио хотноо зохиогдсон олон улсын спортын томоохон арга хэмжээ юм. Токио хот 2013 оны 9 сарын 7-нд Аргентины Буэнос-Айрес хотод болсон ОУОХ-ны 125-р чуулганаар тус наадмыг зохион байгуулах эрхийг авсан.[1] Токио хот 1964 оны зуны олимпыг зохион байгуулж байсан бөгөөд Олимпын наадмыг хоёронтаа зохион байгуулсан Азийн анхны хот болжээ. Нийт 11,656 тамирчин тус наадамд оролцсон.
Нэр дэвшүүлэлт
Токио, Истанбул, Мадрид хотууд албан ёсоор нэр дэвшигч хотоор сонгогдож, зохион байгуулах эрхийг авахын төлөө өрсөлджээ. Баку, Доха хотуудын материалыг ОУОХ хүлээн авсан боловч нэр дэвшигчээр сонгоогүй. Мөн Ром хотын материал хүчингүй болжээ.