1520 – Para pangjajah Spanyol dibuburak ti Tenochtitlan sabada urang Azték barontak ngalawan pangawasa Hernán Cortés. Loba soldadu nu maot alatan tikerelep nalika keur kalabur, ogé raja Azték, Moctezuma II maot dina campuh éta,
1908 – Bal seuneu Tunguska: Hiji bal seuneu raksasa, kamungkinan gedé tina niban lemahna meteoroid atawa komét, ngarubuhkeun 80 juta tangkal di Leuwi Tunguska di Yeniseysk, Rusia. Mangrupakeun kajadian nibanna barang langit pangtohagana nu kungsi kacatetkeun dina sajarah.
1920 - Rahayat Irak nu dipingpin ku Ayatullah Mirza Muhammad Taqi Shirazi ngamimitian perjuangan ngalawan penjajahan Inggris.
1936 – Novél "Gone with the Wind" beunang Margaret Mitchell dipedalkeun.
1938 – Superman munggaran kaluar dina Komik Aksi DC Comics pedalan kahiji.
1940 – Pasukan Jérman ngamimitian serangan ka Kapuloan Kanal.
1950 - Présiden Amérika Serikat, Harry Truman maréntahkeun tentara AS pikeun mantuan nangtayungan Koréa Selatan
1977 - Pakta Patahanan Asia Tenggara (SEATO) dibubarkeun.
1982 – Amandemén Kasataraan Hak Federal kurang tilu nagara bagéan deui sangkan bisa nyumponan ratifikasi.
2015 - Pasawat C-130 Hercules milik TNI-AU murag di Médan, Sumatra Kalér.
2016 – Muséum Ikea dibuka di tempat toko Ikea nu mimiti pisan di Älmhult, Swédia.
2019 – Présidén Donald Trump jadi présidén AS nu munggaran nu nincekkeun sukuna di Koréa Kalér, di Zona Démiliterisasi Koréa, pikeun nepungan Kim Joung Un.
_2020.svg){kind=link}
