காந்திநகர் மாவட்டம்
காந்திநகர் மாவட்டம் (Gandhinagar District) இந்தியாவின் குஜராத் மாநிலத்தின் வருவாய் மாவட்டம். காந்திநகர் 1964 முதல் குஜராத் மாநில தலைநகராகவும் அமைந்துள்ளது.[1]
இதன் பரப்பளவு 649 km² ஆகும்.[2] இதன் மக்கள் தொகையில் 1,391,753 பேரில் 35.02% நகர்ப்புறத்தில் வசிக்கின்றனர். (2001 மக்கள் தொகை கணக்கெடுப்பு).[3] இம்மாவட்டம் காந்திநகர் மோட்டேரா மற்றும் அதலஜ் ஆகிய மூன்று புறநகர்ப் பகுதிகளைக் கொண்டுள்ளது. காந்திநகர், கலோல் ஐ.என்.ஏ, தஹேகம் மற்றும் மான்சா ஆகிய நான்கு வட்டங்கள் மற்றும் 216 கிராமங்கள் ஆகியன் இதில் அடங்கும்.
எல்லைகள்
காந்திநகர் மாவட்டம் வடகிழக்கில் சபர்காந்தா மற்றும் ஆரவல்லி, தென்கிழக்கில் கெதா, தென்மேற்கில் அகமதாபாத் மற்றும் வடமேற்கில் மெக்சானா மாவட்டங்களால் சூழப்பட்டுள்ளது.
சர்கேசு-காந்திநகர் நெடுஞ்சாலையால் அகமதாபாத் இணைக்கப்பட்டுள்ளது, மேலும் வதோதராவுடன் அகமதாபாத்- வதோதரா நெடுஞ்சாலையும் இணைக்கப்பட்டுள்ளது, இந்த மூன்று நகரங்களும் குசராத் மற்றும் மேற்கு இந்தியாவின் சிறந்த மக்கள் மையங்களையும் வணிக மையத்தையும் உருவாக்குகின்றன.
காந்திநகர் நகரம் சண்டிகர் ( ஹரியானா மற்றும் பஞ்சாபின் மாநில தலைநகரம், இந்தியா ) போன்று நன்கு திட்டமிடப்பட்ட நகரமாகும் , இதில் 30 பகுதிகள் உள்ளன நீளம் மற்றும் அகலத்தில் தலா ஒரு கி.மீ. கொண்டுள்ளது. ஒவ்வொரு பிரிவிலும் ஒரு தொடக்கப்பள்ளி, மேல்நிலைப்பள்ளி, உயர்நிலை பள்ளி, மருத்துவம், பலசரக்கு மையம் மற்றும் பராமரிப்பு அலுவலகம் ஆகியன உள்ளன.
தொழில் நுட்ப நிறுவங்கள்
காந்திநகரில் திருபாய் அம்பானி இன்ஸ்டிடியூட் ஆப் ஐ.சி.டி, இ.டி.ஐ, இந்தியன் பிளாஸ்மா ஆராய்ச்சி நிறுவனம், குஜராத் சட்ட பல்கலைக்கழகம் போன்ற பல கல்வி நிறுவனங்கள் உள்ளன. காந்திநகரின் கல்வி நிலை குஜராத்தில் மிக உயர்ந்தது, குஜராத்தில் 87.11% ஆகும். எனவே காந்திநகர் மிகவும் பிரபலமான நகரம் மற்றும் குஜராத்தின் "இதயம்" என்று அழைக்கப்படுகிறது.
காந்திநகருக்கு அருகிலேயே பல தகவல் தொடர்பு நிறுவனங்கள் அமைந்துள்ளது. போன்ற பல பெரிய தகவல் தொடர்பு நிறுவனங்களான டிசிஎஸ், சைபேசு போன்றவை இப்பகுதியில் அமைந்துள்ளது. இன்னும் பல நிறுவனங்கள் முக்கியமாக குஜராத்தின் முக்கிய பிபிஓ நிறுவனத்தில் ஒன்றான இடெக், போன்றவை இங்கு வர திட்டமிட்டுள்ளன. வதோதரா மற்றும் டெக்சாஸில் செயல்படுவதோடு இங்கும் அமைந்துள்ளது.[4] அக்சார்தம் கோயில் காந்திநகர் பிரிவு -20 இல் அமைந்துள்ளது. இது குஜராத்தின் முக்கிய இந்து கோயில் வளாகங்களில் ஒன்றாகும்.
மக்கள் தொகை
2011ஆம் மக்கட்தொகை கணக்கெடுப்பின்படி 13,87,478 மக்கட்தொகை கொண்ட்து.[5] இது எசுவாத்தினி தேசத்திற்கு [6] அல்லது அமெரிக்க மாநிலமான கவாய் மாநிலத்திற்கு சமமாக உள்ளது.[7] 2001-2011 தசாப்தத்தில் அதன் மக்கள் தொகை வளர்ச்சி விகிதம் 12.15% ஆகும். காந்திநகரில் ஒவ்வொரு 1000 ஆண்களுக்கும் 920 பெண்கள் என்ற பாலின விகிதம் உள்ளது. இது 2001 இல் 76.5% கல்வியறிவு விகிதத்தைக் கொண்டிருந்தது, இது 10 ஆண்டுகளில் 10 சதவீத புள்ளிகளால் அதிகரித்து 2011 இல் கல்வியறிவு விகிதம் 85.78% ஆக உயர்ந்தது.
2011 இந்திய மக்கள் தொகை கணக்கெடுப்பின்படி மாவட்டத்தில் 93.94% மக்கள் குஜராத்தி மற்றும் 4.56% இந்தி முதல் மொழியாக பேசினர்.[8]
உட்பிரிவுகள்
காந்திநகர், சந்த்கேதா , அடாலாஜி, மொடெரா, போன்ற நகர்புறப் பகுதிகளும், காந்திநகர், கலோல் தாகேகாம், மான்சா என நான்கு வருவாய் வட்டங்களும், 216 கிராமங்களும் கொண்டுள்ளது.
மாவட்ட எல்லைகள்
வடகிழக்கே சபர்கந்தா, ஆராவல்லி மாவாட்டங்களும், தென்கிழக்கே கேடா மாட்டமும், தென்மேற்கே அகமதாபாத் மாவட்டமும், வடமேற்கே மேசானா மாவட்டமும் எல்லைகளாக கொண்டுள்ளது காந்திநகர் மாவட்டம்.
சுற்றுலா
பாரம்பரியம், வரலாறு மற்றும் கலாச்சாரத்தின் கலவையான காந்திநகர் எப்போதும் பார்வையிடக்கூடிய மிகவும் இணக்கமான நகரமாகும். இளஞ்சிவப்பு கல் மற்றும் அழகான செதுக்கலால் அலங்கரிக்கப்பட்ட அக்சார்தம் கோயில், காந்திநகரிலும் உள்ளது:[9]
குறிப்பிடத்தக்கச் சுற்றுலா இடங்கள்
சுவாமிநாராயண் கோயில்
சரிதா உதான்
கேப்பிடல் வளாகம்
அனுமான் கோயில்
குழந்தைகள் பூங்கா
இந்திரோதா டைனோசர் மற்றும் புதைபடிவ பூங்கா
மகாத்மா மந்திர்
வெளிமான் தேசியப் பூங்கா, வேளாவதர்
ராணி ரூபமதியின் கல்லறை