கார்ஜியஸ்
கார்ஜியஸ் (Gorgias, கிரேக்கம்: Γοργίας ; கிமு 483-375) [1] என்பவர் ஒரு பண்டைய கிரேக்க சோபிஸ்டு ஆவார். இவர் சாக்ரடீசுக்கு முந்தைய மெய்யியலாளர் மற்றும் சொல்லாட்சிக் கலைஞர் ஆவார். இவர் சிசிலியில் உள்ள லியோன்டினோயை பூர்வீகமாகக் கொண்டவர். புரோட்டோகோராசுடன் சேர்ந்து சோபிஸ்டுகளின் முதல் தலைமுறையைச் சேர்ந்தவராக இவர் உள்ளார். பல டாக்ஸோகிராஃபர்கள் இவர் எம்ப்பிடோக்ளீசின் மாணவர் என்று தெரிவிக்கின்றனர். "மற்ற சோபிஸ்டுகளைப் போலவே, இவர் பல்வேறு நகரங்களில் பயணித்து பனிபுரிந்து, ஒலிம்பியா மற்றும் டெல்பியின் மையங்களில் தனது திறமையைக் காட்டும் பொது நிகழ்ச்சிகளை நிகழ்த்தினார். மேலும் இவரது நிகழ்ச்சிகளுக்கு வரும் பார்வையாளர்களிடம் கட்டணம் வசூலித்தார். பார்வையாளர்களிடமிருந்து எழுப்பப்படும் பலதரப்பட்ட கேள்விகளுக்கு உடனடியாக பதில்களை அளிப்பது இவரது நிகழ்ச்சிகளின் சிறப்பு அம்சமாகும்." [2] இவர் "மறுப்புவாதி கர்ஜியஸ்" என்று அழைக்கப்படுகிறார், இருப்பினும் இந்த அடைமொழி அவரது தத்துவத்தை போதுமான அளவில் விவரிக்கிறதா என்பது சர்ச்சைக்குரியது. [3] [4] [5]
| கார்ஜியஸ் | |
|---|---|
| பிறப்பு | கிமு 483 Leontinoi, சிசிலி (இன்றய லெண்டினி, இத்தாலி) |
| இறப்பு | கிமு 375 |
| காலம் | சாக்கிரடீசுக்கு முந்தைய மெய்யியல் |
| பகுதி | மேற்குலக மெய்யியல் |
| பள்ளி | சோபிஸ்டு |
முக்கிய ஆர்வங்கள் | உள்ளியம், அறிவாய்வியல், சொல்லாட்சிக் கலை, moral relativism |
குறிப்பிடத்தக்க எண்ணக்கருக்கள் | Paradoxologia |
செல்வாக்குச் செலுத்தியோர்
| |
செல்வாக்குக்கு உட்பட்டோர் | |
இவரது முக்கிய அங்கீகாரமாக தனது சொல்லாட்சி திறைமை மூலமாக தனது சொந்த பகுதியான சிசிலியிலிருந்து அட்டிகாவிற்கு இடம்பெயர்ந்தார். மேலும் இலக்கிய உரைநடை மொழியாக அட்டிக் பேச்சுவழக்கு பரவுவதற்கு பங்காற்றினார்.
வாழ்க்கை
கார்ஜியஸ் கிமு 483 இல் ஏதென்சுடன் இணைந்த கிழக்கு சிசிலியில் உள்ள கால்சிடியன் குடியேற்றமான லியோன்டினோய் என்ற இடத்தில் பிறந்தார். [6] இவருடைய தந்தையின் பெயர் சார்மண்டைட்ஸ். [6] இவருக்கு ஹெரோடிகஸ் என்ற ஒரு சகோதரர் இருந்தார், அவர் ஒரு மருத்துவர், சில சமயங்களில் இவரது பயணங்களின் போது இவருடன் இருந்தார். [6] இவருக்கு ஒரு சகோதரியும் இருந்தார், அவருடைய பெயர் தெரியவில்லை, ஆனால் அவரது பேரன் தெல்பியில் உள்ள தனது பெரிய மாமாவுக்கு தங்கத்தாலான சிலையை செய்தார். [6] கார்ஜியசுக்கு திருமணம் ஆனதா, குழந்தைகளைப் பெற்றாரா என்பது தெரியவில்லை. [6] கார்ஜியஸ் சிசிலியன் மெய்யியலாளர் எம்ப்பிடோகிளீசிடம் பயின்றதாகக் கூறப்படுகிறது ( அண். கிமு 490 - அண். 430 ), ஆனால் எப்போது, எங்கே, எவ்வளவு காலம் என்று தெரியவில்லை. [6] இவர் சொல்லாட்சிக் கலைஞர்களான கோராக்ஸ் ஆஃப் சைராக்ஸ் மற்றும் டிசியாஸ் ஆகியோரிடமும் பயின்றிருக்கலாம். [6] ஆனால் இந்த இருவரைப் பற்றியும் மிகக் குறைவாகவே அறியப்படுகிறது அல்லது கார்ஜியசுடனான அவர்களின் உறவு பற்றி எதுவும் அறியப்படவில்லை. [6]
இவரது சொந்த ஊரான லியோன்டினோய் அரசியலில் கார்ஜியஸ் எந்த வகையான பாத்திரத்தை வகித்திருப்பார் என்பது தெரியவில்லை, [6] ஆனால், கிமு 427 இல், இவருக்கு அறுபது வயதாக இருந்தபோது சிராகூசன்களின் ஆக்கிரமிப்புக்கு எதிராக ஏதெனியன் பாதுகாப்பைக் கேட்க இவர் தனது சகவரால் ஏதென்சுக்கு தூதுக்குழு தலைவராக அனுப்பப்பட்டார் என்பது அறியப்படுகிறது. [6] கிமு 427க்குப் பிறகு, ஏதென்ஸ் மற்றும் லாரிசா உட்பட பல நகர அரசுகளில் பல்வேறு இடங்களில் வாழ்ந்த கோர்கியாஸ் கிரேக்கத்தின் நிலப்பரப்பில் குடியேறியதாகத் தெரிகிறது. [6] இவர் பன்ஹெல்லெனிக் திருவிழாக்களில் சொற்பொழிவுகளை ஆற்றியதற்காக நன்கு அறியப்பட்டவர் மற்றும் ஒலிம்பியாவில் "வெளிப்படையானவர்" என்று விவரிக்கப்படுகிறார். [6] திருவிழாக்களை ஒழுங்கமைப்பதில் இவர் வகித்த பங்கு குறித்து எந்த பதிவுவும் எஞ்சி இல்லை. [6]
கார்ஜியசின் முதன்மையான தொழில் சொல்லாட்சிக் கலையின் ஆசிரியராக இருந்தது. [6] அரிசுடாட்டிலின் கூற்றுப்படி, இவரது மாணவர்களில் ஐசோக்ரேட்ஸ் போன்றவர் அடங்குவர். [7] (பிற மாணவர்களாக பிற்கால குறிப்புகளில் பெரிக்கிளீசு, போலஸ் அல்சிடமாஸ் ஆகியோரை சுடா குறிப்பிடுகிறார், [8] ஆண்டிஸ்தீனசை டியோஜெனெஸ் லார்டியஸ் குறிப்பிடுகிறார் . [9] ) மேலும் இவரது மாணவர்களாக குறிப்பிடப்படாவிட்டாலும் என்றாலும், கோர்கியாஸ் வரலாற்றாசிரியர் துசிடிடிஸ், துன்பிய நாடக ஆசிரியர் அகத்தான், மருத்துவர் இப்போகிரட்டீசு, சொல்லாட்சிக் கலைஞர் அல்சிடமாஸ், கவிஞரும் வர்ணனையாளருமான லைகோஃப்ரான் ஆகியோரின் பாணிகளில் இவர் தாக்கம் செலுத்தியதாக பரவலாக கருதப்படுகிறது. [6]
கார்ஜியஸ் நூற்றி எட்டு வயது வரை வாழ்ந்ததாகப் புகழ் பெற்றவர். எந்தவொரு விசயம் குறித்தும் பேசும் திறனுக்காக இவர் பாராட்டப் பெற்றார். ஒரு பொதுக் கோவிலில் தங்க சிலை ஒன்றை அமைக்க போதுமான அளவு பெரும் செல்வத்தை ஈட்டினார். சாதுரியமாக பேசுவதில் வல்லவரான இவர் கிரேக்கர்களுக்குள் சண்டை கூடாது என்பதை வலியுறுத்தி கிமு 408 ஆம் ஆண்டு ஒலிம்பிய விழாவில் நீண்டதொரு சொற்பொழிவை ஆற்றினார். அங்கு கூடியிருந்த ஆயிரக்கணக்கான மக்கள் இவரின் சொற்பொழிவில் மயங்கினர். இவரது பேச்சு வசனக் கவிதை போல இருக்கும். இவரது பைத்தியன் சொற்பொழிவுக்குப் பிறகு, கிரேக்கர்கள் தெல்பியில் உள்ள அப்பல்லோ கோவிலில் இவருக்கு திடமான ஒரு தங்க சிலையை நிறுவினர். இவர் தெசலியில் உள்ள லாரிசாவில் இறந்தார்.