கியூபிசம்

பிரான்சின் தலைநகரான பாரிஸில் மொண்ட்மாட்ரே வட்டாரத்தில் வாழ்ந்த ஜோர்ஜெஸ் பிராக்கும், பாப்லோ பிக்காசோவும் 1908 ஆம் ஆண்டில் கியூபிசத்தின் வளர்ச்சியை நோக்கிப் பணியாற்றி வந்தனர். 1907 இல் ஒருவரையொருவர் சந்தித்த அவர்கள் 1914 இல் முதலாவது உலக யுத்தம் வெடிக்கும்வரை மிக நெருக்கமாக இணைந்து வேலை செய்து வந்தனர்.

பிரான்சியக் கலை விமர்சகரான லூயிஸ் வௌக்ஸ்செல்ஸ் (Louis Vauxcelles) என்பார் 1908 ஆம் ஆண்டு முதன் முதலாக கியூபிசம் என்ற சொல்லைப் பயன்படுத்தினார். பிராக் வரைந்த ஓவியமொன்றைப் பார்த்த அவர், அதனை, சிறிய கனக் குற்றிகளினால் நிறைந்துள்ளது என்னும் பொருள்பட 'full of little cubes' என வர்ணித்தார். தொடர்ந்து இவ்வகை ஓவியங்களைக் குறிக்கக் கியூபிசம் என்ற சொல் பரவலாக வழங்கி வந்தது. எனினும் இந்த ஓவியப் பாணியை அறிமுகப் படுத்திய பிராக்கும், பிக்காசோவும் இச்சொல்லைப் பயன்படுத்துவதை நீண்ட காலமாகத் தவிர்த்தே வந்தனர்.

மொண்ட்பார்னசேயில் கூடிய கலைஞர்களில் கூட்டத்தினால் கியூபிச இயக்கம் விரிவடைந்தது.ஹென்றி கான்வெய்லெர் (Henry Kahnweiler) என்னும் கலைப்பொருள் விற்பனையாளரும் கியூபிச இயக்கத்தின் வளர்ச்சியை ஊக்குவித்தார். இது வெகுவிரைவாகச் செல்வாக்குள்ள ஒரு இயக்கமாகியது. 1910 ஆம் ஆண்டிலேயே, பிராக்கினதும், பிக்காசோவினதும் செல்வாக்குக்கு ஆட்பட்ட கலைஞர்களைக் கொண்ட "கியூபிசக் குழுமம்" (cubist school) பற்றி விமர்சகர்கள் குறிப்பிடத் தொடங்கினார்கள். தங்களைக் கியூபிச ஓவியர்கள் என்று கூறிக்கொண்ட பலர், பிராக், பிக்காசோ ஆகியோரின் பாதையிலிருந்து வேறுபட்ட திசையில் சென்று தங்கள் படைப்புக்களை ஆக்கத் தொடங்கினர். 1920க்கு முன்னர், பிராக், பிக்காசோ ஆகியோரின் ஆக்கங்கள்கூடப் பல்வேறு வேறுபாடான கட்டங்களினூடாகச் சென்றிருந்தது.

• ஜோர்ஜெஸ் பிராக் (Georges Braque)
• மார்சல் டுச்சாம்ப் (Marcel Duchamp)
• ஜுவான் கிரிஸ் (Juan Gris)
• போல் கிளீ (Paul Klee)
• பர்னாண்ட் லெகர் (Fernand Leger)
• ஜக்கிஸ் லிப்சிட்ஸ் (Jacques Lipchitz)
• லூயிஸ் மார்க்கோசிஸ் (Louis Marcoussis)
• மாரெவ்னா (Marevna)
• ஜேன் மெட்சிங்கெர் (Jean Metzinger)
• அலெக்சாண்ட்ரா நெச்சிதா (Alexandra Nechita)
• பிரான்சிஸ் பிக்காபியா (Francis Picabia)
• பாப்லோ பிக்காசோ (Pablo Picasso)
• லியுபோவ் பொபோவா (Liubov Popova)
• டியேகோ ரிவேரா (Diego Rivera) ("Master Cubist"[1] பரணிடப்பட்டது 2005-11-22 at the வந்தவழி இயந்திரம்)
• மாரி வசிலியேவ் (Marie Vassilieff)
• பிரிட்ஸ் வொட்ருபா (Fritz Wotruba)

• கலைப் பாணிகள், காலம் மற்றும் இயக்கங்கள்

• கியூபிசம் மற்றும் செக் நாட்டுக் கியூபிசம் பற்றி பரணிடப்பட்டது 2006-02-27 at the வந்தவழி இயந்திரம்
• கியூபிசமும், கியூபிசக் கலைஞரும்
• முன்னோடிக் கியூபிசம் பரணிடப்பட்டது 2005-11-25 at the வந்தவழி இயந்திரம்
• Mosaic Vision பரணிடப்பட்டது 2005-11-24 at the வந்தவழி இயந்திரம்