குவெண்டின் டேரண்டினோ

டேரண்டினோ மார்ச் 27, 1963 இல், டென்னிசியில் உள்ள நாக்ஸ்வில்லில், கோனி மெக்ஹக் மற்றும் நடிகர் டோனி டேரண்டினோ ஆகியோரின் ஒரே குழந்தையாகப் பிறந்தார், இவரது தந்தை இவர் பிறப்பதற்கு முன்பே குடும்பத்தை விட்டு வெளியேறினார். ^{[2] [3]} இவரது தாய் செரோகி மற்றும் ஐரிஷ் வம்சாவளியைச் சேர்ந்தவர்; இவரது தந்தை இத்தாலிய வம்சாவளியைச் சேர்ந்தவர். ^{[4] [3]} லாஸ் ஏஞ்சல்ஸ் பயணத்தின் போது டேரண்டினோவின் பெற்றோர் சந்தித்தனர். திருமணம் மற்றும் விவாகரத்துக்குப் பிறகு, கோனி லாஸ் ஏஞ்சல்ஸை விட்டு வெளியேறி அவரது பெற்றோர்கள் வசித்து வந்த நாக்ஸ்வில்லிக்கு குடிபெயர்ந்தார். 1966 இல், டேரண்டினோ தனது தாயுடன் லாஸ் ஏஞ்சல்சுக்குத் திரும்பினார். ^{[5] [6]}

1980

1980களில், டேரண்டினோ பல பணிகள் செய்தார். இவரது வயதைப் பற்றி பொய் சொன்ன பிறகு,டோரன்ஸில் உள்ள புஸ்ஸிகேட் தியேட்டர் என்று அழைக்கப்படும் ஒரு வயதுவந்த திரையரங்கில் உதவியாளராகப் பணியாற்றினார். மேலும் கலிபோர்னியாவின் மன்ஹாட்டன் கடற்கரையில் உள்ள வீடியோ ஆர்க்கிவ்ஸ் என்ற நிகழ்படக் கடையில் ஐந்து ஆண்டுகள் பணியாற்றினார். ^[7] 1986 இல், டேரண்டினோ தனது நிகழ்பட ஆவணக்காப்பகத்தின் சக ஊழியர் ரோஜர் அவரியுடன் இணைந்து டால்ஃப் லண்ட்கிரெனின் உடற்பயிற்சி நிகழ்படப் பதிவான மேக்சிமம் பொடன்சியலில் தயாரிப்பு உதவியாளராகப் பணியாற்றினா் .^[8]

தயாரிப்பாளராக

டேரண்டினோ சிறிய மற்றும் வெளிநாட்டுப் படங்களில் அதிக கவனம் செலுத்தினார். இந்தத் திரைப்படங்கள் பெரும்பாலும் "குவெண்டின் டேரண்டினோவால் வழங்கப்படும்" அல்லது "குவெண்டின் டேரண்டினோ வழங்கும்" என்று வெளியானது. இந்த தயாரிப்புகளில் முதன்மையானது 2001 ஆம் ஆண்டில் ஆங்காங் தற்காப்புக் கலைத் திரைப்படமான அயர்ன் மங்கி, உலகளவில் $14 மில்லியனுக்கும் அதிகமாக வசூலானது. ^{[9] [10]}

2002 ஆம் ஆண்டில், கில் பில்லுக்கு இலூசி லியுவுடன் பேச்சுவார்த்தை நடத்தியபோது, இருவரும் அங்கேரிய விளையாட்டு ஆவணப்படமான ஃப்ரீடம்ஸ் ப்யூரியைத் தயாரிக்க உதவினார்கள். ^[11] ப்ளட் இன் த வாட்டர் மேட்ச் பற்றிய ஆவணப்படம் பற்றி டேரண்டினோவை அணுகியபோது, "இது எனக்குச் சொல்லப்பட்ட சிறந்த கதை. நான் இதில் ஈடுபட விரும்புகிறேன்" என்று கூறினார். ^[11]

சூன் 2020 இல், டேரண்டினோ, அழுகிய தக்காளிகள் என்ற திரைப்பட விமர்சன இணையதளத்தில் அதிகாரப்பூர்வமாக அங்கீகரிக்கப்பட்ட விமர்சகரானார். அவரது மதிப்புரைகள் "டமாட்டோமீட்டர்" மதிப்பீட்டின் ஒரு பகுதியாகும். ^[12]

இவரது படங்கள் ஏழு அகாதமி விருதுகள், ஏழு பிரித்தானிய அகாதமி விருதுகள், ஏழு கோல்டன் குளோப் விருதுகள், இரண்டு டைரக்டர்ஸ் கில்ட் ஆஃப் அமெரிக்கா விருதுகள் மற்றும் பதினாறு சனி விருதுகள் உள்ளிட்ட முக்கிய விருதுகளுக்கு பரிந்துரைகளைப் பெற்றுள்ளன. பல்ப் ஃபிக்சன் மற்றும் ஜாங்கோ அன்செயின்ட் ஆகியவற்றிற்காக இரண்டு முறை சிறந்த அசல் திரைக்கதைக்கான அகாதமி விருதை வென்றுள்ளார். கான் திரைப்பட விழாவில் பால்ம் டி'ஓருக்கு நான்கு முறை பரிந்துரைக்கப்பட்டார், 1994 இல் பல்ப் ஃபிக்சனுக்காக ஒரு முறை வென்றார். திரைப்படங்களை எழுதி இயக்கியதற்காக டேரண்டினோ ஐந்து கிராமி விருது பரிந்துரைகளையும் பிரதான நேர எம்மி விருதுக்கான பரிந்துரையையும் பெற்றுள்ளார்.