1904 கோடைக்கால ஒலிம்பிக் விளையாட்டுப் போட்டிகள்
1904 கோடைக்கால ஒலிம்பிக் விளையாட்டுப் போட்டிகள், அலுவல்முறையாக மூன்றாம் ஒலிம்பியாட்டின் விளையாட்டுப் போட்டிகள் (Games of the III Olympiad) அமெரிக்காவின் மிசூரி மாநிலத்தில் செயின்ட். லூயிசில் ஆகத்து 29 இலிருந்து செப்தெம்பர் 3, 1904 வரை நடைபெற்ற பன்னாட்டுப் பல்துறை விளையாட்டுப் போட்டிகள் ஆகும். இது சூலை 1 முதல் நவம்பர் 23, 1904 வரை நடைபெற்றுவந்த விரிவாக்கப்பட்ட விளையாட்டுப் போட்டிகளின் அங்கமாக அமைந்திருந்தது. இது செயின்ட் லூயிசில் இருந்த வாசிங்டன் பல்கலைக்கழகத்தின் வளாகத்தில் தற்போது பிரான்சிசு தடகளம் என அறியப்படும் தடகள அரங்கில் நடைபெற்றது. ஆங்கிலம் பெரும்பான்மையாக பேசப்படும் நாடொன்றில் ஒலிம்பிக் விளையாட்டுக்கள் நடத்தப்படுவது இதுவே முதன்முறையாக இருந்தது. அவ்வாறே ஐரோப்பாவிற்கு வெளியே நடத்தப்பட்ட முதல் ஒலிம்பிக் போட்டிகளும் இதுவே ஆகும்.[2]
இந்த ஒலிம்பிக் போட்டிகள் லூசியானா கொள்முதல் கண்காட்சியின் (Louisiana Purchase Exposition) அங்கமாக இருந்தது. விளையாட்டு நிகழ்வுகள் திறனாக திட்டமிடப்படவில்லை; இதனால் இந்த ஒலிம்பிக் ஒரு தோல்வியாகவே கருதப்பட்டது.[3]
பங்குபெற்ற நாடுகள்
இந்த ஒலிம்பிக் போட்டிகளில் 12 நாடுகளைச் சேர்ந்த விளையாட்டு வீரர்கள் கலந்து கொண்டனர்.[4] செயின்ட் லூயிசிற்கு வருவதற்கு ஏற்பட்ட தடங்கல்களாலும் உருசிய-சப்பானியப் போரினாலும் வட அமெரிக்காவைத் தவிர்த்த பிற நாடுகளிலிருந்து 52 போட்டியாளர்களே கலந்து கொண்டனர்.
- Australia
- Austria
- Canada
- Cuba
- France
- Germany
- Great Britain
- Greece
- Hungary
- South Africa
- Switzerland
- United States
அமெரிக்க மிதிவண்டியாளர் பிராங்க் பிசோனி இத்தாலியின் போட்டியாளராகவும் கருதப்பட்டார்.[5] அவ்வாறே அமெரிக்க மற்போர் வீரர்கள் சார்லசு எரிக்சனும் பெர்னோஃப் ஆன்சனும் நோர்வேஜியப் போட்டியாளர்களாகக் கருதப்பட்டனர்.[6]
பதக்கப் பட்டியல்
1904 ஒலிம்பிக் போட்டிகளில் பதக்கங்கள் வென்ற முதல் 10 நாடுகள் கீழே தரப்பட்டுள்ளன.
நிலை | நாடு | தங்கம் | வெள்ளி | வெண்கலம் | மொத்தம் |
---|---|---|---|---|---|
1 | USA (போட்டி நடத்திய நாடு) | 78 | 82 | 79 | 239 |
2 | GER | 4 | 4 | 5 | 13 |
3 | CUB | 4 | 2 | 3 | 9 |
4 | CAN | 4 | 1 | 1 | 6 |
5 | HUN | 2 | 1 | 1 | 4 |
6 | GBR | 1 | 1 | 0 | 2 |
கலவை அணி | 1 | 1 | 0 | 2 | |
8 | GRE | 1 | 0 | 1 | 2 |
SUI | 1 | 0 | 1 | 2 | |
10 | AUT | 0 | 0 | 1 | 1 |
மேற்சான்றுகள்
மேலும் அறிய
- Lucas, Charles J. P. (1905). The Olympic Games 1904. St. Louis: Woodward & Tiernan Printing Co.
- Sullivan, James E. (1905). Spalding's Athletic Almanac for 1905. New York: American Publishing Co.
பிற வலைத்தளங்கள்
- பொதுவகத்தில் 1904 கோடைக்கால ஒலிம்பிக்சு தொடர்பாக ஊடகக் கோப்புகள் உள்ளன.
- St Louis 1904 at Olympic.org
- "Competitions on Anthropology Days" at St Louis Public Library பரணிடப்பட்டது 2007-03-10 at the வந்தவழி இயந்திரம்
- "Olympic" at Missouri History Museum பரணிடப்பட்டது 2016-03-05 at the வந்தவழி இயந்திரம்