بھارت کے موجودہ وزرائے اعلی کی فہرست

بھارت ایک جمہوری ملک ہے اور وزیر اعلیٰ ریاست کا سربراہ حکومت ہوتا ہے۔ فی الحال بھارت میں کل 28 ریاستیں ہیں اور 8 یونین علاقے ہیں۔ آئین ہند کے مطابق ریاستی سطح پر گورنر) ازروئے قانون ریاست کا سربراہ ہوتا ہے مگر درحقیقت وزیر اعلیٰ کے پاس تمام انتظامی اختیارات ہوتے ہیں۔ ودھان سبھا کے انتخابات کے بعد گورنر اکثریت حاصب کرنے والی سیاسی جماعت یا اتحاد کو تشکیل حکومت کی دعوت دیتا ہے۔ گورنر ہی وزیر اعلیٰ کو نامزد کرتا ہے اور اس کی ایک کونسل ہوتی ہے جسے وزرا کی کونسل کیا جاتا ہے۔ وزیر اعلیٰ اور اس کی کابینہ اسمبلی کو جوابدہ ہوتا ہے۔ اسمبلی میں ووٹ آف کانفیڈینس حاصب کرنے کے بعد وزیر اعلیٰ 5 برس تک عہدہ پر برقرار رہ سکتا ہے۔ ایک شخص متعدد بار وزیر اعلیٰ منتخب ہو سکتا ہے۔^[1]

فی الحال وزیر اعلیٰ جموں و کشممیر کا عہدہ خالی ہے۔ کل 30 وزرائے اعلیٰ میں سے صرف ایک خاتون ہیں:ممتا بنرجی مغربی بنگال کی وزیر اعلیٰ ہیں۔ نوین پٹنایک (20 سال 27 دن) سب سے زیادہ دنوں تک عہدہ پر رہنے والے وزیر اعلیٰ ہیں۔ وہ پہلی دفعہ مارچ 2000ء میں اس عہدہ پر فائز ہوئے تھے۔ پنجاب، بھارت کے وزیر اعلیٰ امریندر سنگھ (ولادت:1942ء) سب سے عمر دراز وزیر اعلیٰ ہیں جبکہ اروناچل پردیش کے وزیر اعلیٰ پیما کھانڈو (ولادت:1979ء) سب سے کم عمر ہیں۔^[2] 8 وزرائے اعلیٰ بھارتیہ جنتا پارٹی کے ہیں جبکہ 4 انڈین نیشنل کانگریس کے ہیں۔ ان دو پارٹیوں کے علاوہ کسی اور پارٹی کے ایک سے زیادہ وزیر اعلیٰ نہیں ہیں۔