傾偈機械人

傾偈機械人king1 gai2 gei1 haai6 jan4（英文：chatbot，粵拼：cet1 bot4 / caat1 bot1）係軟件一種，能夠同人傾偈－一個傾偈機械人要能夠接收人類寫或者講嘅文字，再按收到嘅輸入俾適當嘅輸出，令個用家覺得自己係同一個有智能嘅物體交流緊。

喺人工智能上，傾偈機械人設計係自然語言處理（NLP）之下嘅項目，目的係要整出能夠通過圖靈測試（Turing test）嘅機械人－意思係話想製作出曉同人類用語言文字交流，而且能夠以假亂真（一般人齋睇個機械人嘅輸出分唔出佢到底係機械人定人類），到咗 2010 年代為止，傾偈機械人仲未有耐過得到圖靈測試^[1]，但經已俾人廣泛噉用喺客戶服務同搜集資訊等嘅用途上^[2][3]。