Xuegos olímpicos

Los xuegos olímpicos son los eventos multideportivos más importantes del mundu. Faense cada cuatro años nes sos dos modalidaes: Xuegos Olímpicos de Branu y Xuegos Olímpicos d'Iviernu, con dos años d'intercalación.

Xuegos olímpicos
Xeneral
Tipu de competición	actividá deportiva periódica
Deporte	deporte olímpicu
Organizador	Comité Olímpicu Internacional
Patrocinador	Visa Inc. (es)
Historia
Fundación	1896
Competición
Periodicidá	Cada 4 años
Xuegos Olímpicos na Antigüedá Xuegos olímpicos
Web oficial

Los xuegos orixinales remóntense al añu 776 e.C., cuando los griegos antiguos entamaron a celebralos na ciudá d'Olimpia, hasta l'añu 393. Nel añu 1896 la idea foi retomada pol noble francés Pierre Frédy, Barón de Coubertin, dando orixe a la dómina de los Xuegos Olímpicos Modernos, na capital griega d'Atenes.

Davezu nómase a los Xuegos tamién como Olimpiaes, pero esto ye un equívocu. Olimpiada yera'l nome que recibía'l periodu de cuatro años ente unos Xuegos Olímpicos y los vinientes.

Los Xuegos Olímpicos de Branu celébrense cada cuatro años dende 1896, coles esceiciones de 1916, 1940 y 1944, pola mor de la Primera y Segunda Guerra Mundial. Grecia y Australia son los únicos países qu'asistieron a tolos Xuegos disputaos.

Los Xuegos Olímpicos d'Iviernu celebráronse per primer vegada en 1924. Magar que nun entamu nun se ficieron como parte de los Xuegos Olímpicos, el Comité Olímpicu Internacional declarólos oficiales en 1925. Inicialmente celebrábense nel mesmu añu que los de branu, pero dende 1994 dambos eventos celébrense con dos años de desfase.