Elx Club de Futbol

Taldea 1922ko udan sortu zen Elche Football Club izenarekin eta 1925 urtean profesionala bihurtu zen. Ligak sortzerakoan Elx 3. mailan sartu zen eta 1935ean 2. mailara igotzea lortu zuen. Hurrengo hamarkadetan 3. mailan gehiago aritu zen bigarren mailan baino.

1959-60 denboraldian egin zuen debuta lehenengo mailan. Hamabi urtez jarraian izan zen lehenengo mailan. 1963-64 denboraldian une batez liderra ere izan zen. Harrobiarekin egindako lanak fruituak eman zituen 1967an Deportivo Ilicitano (bigarren taldeak) 2. mailan jokatzerakoan. 1969an Kopako finalera iritsi zen eta Bilboko Athletic Klubaren aurrean 1-0 galdu zuen. 1971ean maila galdu zuen baina berriz igo zen 1973an eta sei denboraldi egin zituen jarraian. 1976an gaur egungo bere zelaia den Manuel Martínez Valero estadioa inauguratu zen.

80. hamarkadan bi aldiz igo zen lehen mailara baina hurrengo urteetan jaitsi zen. Ordutik aurrera bigarren mailan izan da.

2010-11 denboraldian igoera fasea jokatu zuen baina ez zuen zorterik izan. 2012-13an berriz Bigarren mailako txapelketa irabazi eta zuzenean igo zen. Lehenengo urtean azken unean salbatu zen arren 2014-15 denboraldian 13. egin zuen. Hala ere zituen zorrak aintzat hartuta taldea bigarren mailara jaitsarazi zuten eta bere lekua Eibarrek hartu zuen. 2016-17an bigarren maila ere galdu zuen baina hurrengo urtean itzuli zen.

COVID-19 pandemiak baldintzaturiko 2019-20 denboraldian 6. postuan amaitu zuen liga eta igoera play-offetarako sailkatu zen. Finala Gironaren aurka jokatu zuen abuztuan. Etxean 0-0 berdindu zuen eta Gironan 96. minutuan sartutiko gol bakarrari esker Lehen Mailara igotzea lortu zuen. Hurrengo denboraldian azken partidan Athleticen aurka lorturiko garaipenari esker mantentzea lortu zuen.

2023-24 barne:

• Denboraldiak 1. mailan: 24
• Denboraldiak 2. mailan: 40
• Denboraldiak 2. B mailan: 8
• Denboraldiak 3. mailan: 19
• Ligako posturik onena: 5.a Lehen mailan (1963-64)

Azken urteetako ibilbidea

2022ko irailaren 2an eguneratua.

Zbk. Postua Jokalaria 1 ATE Axel Werner 3 ATZ Enzo Roco 4 ATZ Diego González 5 ATZ Gonzalo Verdú 6 ATZ Pedro Bigas 7 ERD Javier Pastore 8 ERD Raúl Guti 9 AUR Lucas Boyé 10 AUR Pere Milla 11 AUR Tete Morente 12 ERD Domingos Quina (Watfordetik utzita) 13 ATE Édgar Badía 14 ATZ Helibelton Palacios

Zbk. Postua Jokalaria 15 ERD Álex Collado (Bartzelonatik utzita) 16 AUR Fidel 17 AUR Josan 18 AUR Roger Martí 19 AUR Ezequiel Ponce 20 ERD Gerard Gumbau 21 ERD Omar Mascarell 23 ATZ Carlos Clerc 24 ATZ Pol Lirola (Marsellatik utzita) 26 ATZ John Nwankwo - ATZ Federico Fernández - ATZ Nicolás Fernández

Utzitako jokalariak

Zbk. Postua Jokalaria - ATZ Lautaro Blanco (Rosario Centralen utzita 2022ko abenduaren 31 arte)

Lehen maila

• Posturik onena: 5.a 1963-64 denboraldian.

Bigarren maila

• Txapelduna (2): 1958-59, 2012-13.

Errege Kopa

• Finalista (1): 1968-69.

• (Gaztelaniaz) Elcheren webgune ofiziala

2023-24 denboraldiko Espainiako Futbol Ligako Bigarren Mailako taldeak
Albacete | Alcorcón | Amorebieta | Andorra | Burgos | Cartagena | Eibar | Eldense | Elx | Espanyol | Huesca | Leganés Levante | Mirandés | Oviedo | Racing Ferrol | Racing Santander | Sporting Gijón | Tenerife | Valladolid | Villarreal B | Zaragoza