29. júlí

Jún – Júlí – Ágú
Su	Má	Þr	Mi	Fi	Fö	La
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31
2024 Allir dagar

29. júlí er 210. dagur ársins (211. á hlaupári) samkvæmt gregoríska tímatalinu. 155 dagar eru eftir af árinu.

Atburðir

904 - Serkneskir sjóræningjar undir stjórn Leó frá Trípólí fóru ránshendi um Þessalóníku.
1030 - Stiklastaðaorusta: Ólafur digri Noregskonungur var veginn. Eftir dauða sinn var hann nefndur Ólafur helgi.
1247 - Hákon gamli var hylltur sem konungur Noregs bæði af böglum og birkibeinum.
1565 - María Skotadrottning giftist Darnley lávarði.
1588 - Orrustan við Gravelines: Fimm skipum úr Flotanum ósigrandi var sökkt.
1693 - Níu ára stríðið: Englendingar og Hollendingar biðu ósigur fyrir Frökkum í orrustunni við Landen.
1703 - Daniel Defoe var settur í gapastokk fyrir háðsbækling gegn breskum íhaldsmönnum.
1858 - Japanar undirrituðu Harris-samkomulagið sem kvað á um vinskap og viðskipti við Bandaríkjamenn.
1900 - Úmbertó 1. konungur Ítalíu var myrtur af stjórnleysingjanum Gaetano Bresci. Viktor Emmanúel 3. tók við völdum.
1907 - Friðrik 8. Danakonungur kom í heimsókn til Íslands og stóð hún til 15. ágúst. Konungur ferðaðist víða um landið.
1934 - Ríkisstjórn Hermanns Jónassonar tók við völdum. Fjármálaráðherra var Eysteinn Jónsson og var hann yngstur allra sem gegnt höfðu ráðherraembætti, 27 ára.
1948 - Sumarólympíuleikarnir 1948 voru settir í London.
1957 - Alþjóða kjarnorkumálastofnunin var stofnuð af Sameinuðu þjóðunum.
1971 - Bretland dró sig formlega úr Geimkapphlaupinu með því að lýsa yfir að notkun Black Arrow-burðarflaugarinnar yrði hætt.
1977 - Þýskur bankaræningi, sem var eftirlýstur erlendis, var handtekinn í Reykjavík með 277 þúsund mörk.
1979 - Afhjúpaður var minnisvarði um Kollabúðafundi en á þeim ræddu Vestfirðingar stefnumálin 1849 til 1895.
1981 - Karl Bretaprins og lafði Díana Spencer gengu í það heilaga. Athöfnin var sýnd í beinni útsendingu um allan heim.
1983 - Íslenska hljómplatan The Boys From Chicago með Íkarus kom út.
1984 - Skrímslið í Flórens: Claudio Stefanacci og Pia Rontini voru myrt í bíl sínum við Vicchio í Flórens á Ítalíu.
1985 - Í Þorlákshöfn var vígð kirkja í minningu Þorláks biskups Þórhallssonar og var það fyrsta kirkja þar síðan 1770.

1991 - Bandaríski bankinn Bank of Credit and Commerce International var dæmdur fyrir stærstu bankasvik sögunnar sem kostuðu reikningshafa 5 milljarða dala.
1994 - Franskur ferðamaður lést þegar stór hluti af Drottningarstólnum á Møns Klint í Danmörku hrundi.
1996 - Windows NT 4.0 kom út.
2010 - 1600 manns fórust í miklum flóðum í kjölfar monsúnrigninga í Khyber Pakhtunkhwa í Pakistan.
2011 - Stjórnlagaráð afhenti Alþingi formlega frumvarp sitt að nýrri stjórnarskrá.
2021 - Rússneska geimrannsóknarstöðin Nauka var fest við Alþjóðlegu geimstöðina eftir 17 ára þróun.

Fædd

1166 - Hinrik 2., greifi af Champagne og konungur Jerúsalem (d. 1197).
1214 - Sturla Þórðarson, íslenskur sagnaritari (d. 1284).
1356 - Marteinn konungur af Aragóníu (d. 1410).
1751 - Johan Bülow, danskur hirðmarskálkur (d. 1828).
1802 - Jules de Blosseville, franskur sjóliðsforingi (d. 1833).
1814 - Hermann Bonitz, þýskur fornfræðingur (d. 1888).
1829 - Auguste Beernaert, forsætisráðherra Belgíu (d. 1912).
1883 - Benito Mussolini, ítalskur stjórnmálamaður og einræðisherra (d. 1945).
1900 - Eyvind Johnson, sænskur rithöfundur (d. 1976).
1905 - Dag Hammarskjöld, aðalritari Sameinuðu þjóðanna (d. 1961).
1927 - Harry Mulisch, hollenskur rithöfundur (d. 2010).
1937 - Ryūtarō Hashimoto, forsætisráðherra Japans (d. 2006).
1940 - Ole Lund Kirkegaard, danskur rithöfundur (d. 1979).
1957 - Fumio Kishida, forsætisráðherra Japans.
1961 - Búi Kristjánsson, íslenskur myndlistarmaður.
1974 - Josh Radnor, bandarískur leikari.
1980 - Rachel Miner, bandarísk leikkona.

Dáin

1030 - Ólafur digri, Noregskonungur (f. 995).
1030 - Þormóður Bersason Kolbrúnarskáld féll í Stiklastaðaorrustu.
1099 - Úrbanus 2. páfi.
1108 - Filippus 1. Frakkakonungur (f. 1053).
1201 - Agnes af Meraníu, drottning Frakklands, kona Filippusar 2.
1236 - Ingibjörg af Danmörku, drottning Frakklands, kona Filippusar 2. (f. 1175).
1644 - Úrbanus 8. páfi (f. 1568).
1856 - Robert Schumann, þýskt tónskáld (f. 1810).
1890 - Vincent van Gogh, hollenskur listamaður (f. 1853).
1898 - Jón Ásgeirsson frá Þingeyrum, íslenskur bóndi og skáld (f. 1839).
1900 - Úmbertó 1., konungur Ítalíu (f. 1844).
1913 - Tobias Asser, hollenskur lögfræðingur (f. 1838).
1979 - Herbert Marcuse, þýskur heimspekingur (f. 1898).
1983 - Luis Buñuel, spænskur kvikmyndaleikstjóri (f. 1900).
1983 - Sigurður S. Thoroddsen, íslenskur verkfræðingur, stjórnmálamaður og knattspyrnumaður (f. 1902).
1983 - David Niven, breskur leikari (f. 1910).