6. júlí

Jún – Júlí – Ágú
Su	Má	Þr	Mi	Fi	Fö	La
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31
2024 Allir dagar

6. júlí er 187. dagur ársins (188. á hlaupári) samkvæmt gregoríska tímatalinu. 178 dagar eru eftir af árinu.

Atburðir

1189 - Ríkharður ljónshjarta var krýndur konungur Englands.
1483 - Ríkharður 3. var krýndur konungur Englands.
1607 - Konungssinnar unnu sigur á uppreisnarmönnum í orrustunni við Guzów í Pólsk-litháíska samveldinu.
1609 - Rúdolf 2. keisari veitti Bæheimi trúfrelsi.
1673 - Franskur her lagði Maastricht undir sig.
1685 - Orrustan við Sedgemoor: Her Jakobs 2. sigraði her hertogans af Monmouth.
1699 - Sjóræningjaforinginn William Kidd var handtekinn í Boston.
1758 - Carlo della Torre Rezzonico varð Klemens 13. páfi.
1849 - Danski herinn vann sigur á Prússum við Fredericia á Jótlandi.
1859 - Queensland varð sjálfstæð nýlenda Breta í Ástralíu.
1926 - Jón Þorláksson varð forsætisráðherra Íslands.
1942 - Fjölskylda Önnu Frank fór í felur í Amsterdam.
1946 - Íslendingar tóku við Reykjavíkurflugvelli af Bretum við hátíðlega athöfn.
1950 - Fyrsta landsmót hestamanna var sett á Þingvöllum.
1954 - Stórrigningar á Norðurlandi ollu skriðuföllum og flóðum, einkum í Norðurárdal í Skagafirði, þar sem jarðirnar Ytri-Kot og Fremri-Kot urðu mjög illa úti.
1958 - Eyjólfur Jónsson sundkappi synti frá Reykjavík til Akraness, en það er 22 km leið. Sundið tók rúmlega 13 klukkustundir.
1964 - Malaví hlaut sjálfstæði frá Bretlandi.
1971 - Hastings Banda var gerður að forseta til æviloka í Malaví.
1975 - Þing Kómoreyja samþykkti að lýsa yfir sjálfstæði frá Frakklandi.
1976 - Hljómsveitin The Damned kom fyrst fram sem upphitunarhljómsveit fyrir The Sex Pistols í 100 Club í London.
1987 - Sænska rokkhljómsveitin Europe hélt vel sótta tónleika í Laugardalshöll.
1988 - Eldur braust út á olíuborpallinum Piper Alpha í Norðursjó. 165 verkamenn og 2 björgunarsveitarmenn fórust.
1988 - Sjúkrahússúrgangur barst á land á strönd Long Island í New York í Bandaríkjunum.
1990 - Lífverðir forseta Sómalíu, Siad Barre, skutu á mótmælendur á knattspyrnuleik með þeim afleiðingum að 65 létust og 300 slösuðust.
1994 - Fjórtán slökkviliðsmenn létust í skógareldi á Storm King Mountain í Kóloradó í Bandaríkjunum.
1998 - Alþjóðaflugvöllurinn í Hong Kong var opnaður.
1998 - Bandaríski tennisleikarinn Pete Sampras sigraði Wimbledon-mótið.
2003 - Cosmic Call-verkefnið sendi skilaboð frá Jevpatoria á Krímskaga til fimm stjarna: Hip 4872, HD 245409, 55 Cancri, HD 10307 og 47 Ursae Majoris. Skilaboðin munu ná áfangastað á árunum frá 2036 til 2049.
2003 - Ísraelsstjórn lét 350 palestínska fanga lausa.

2005 - Evrópuþingið hafnaði tillögu að tilskipun um einkaleyfi á tölvuforritum.
2006 - Fjallaskarðið Nathu La á landamærum Kína og Indlands var opnað að nýju eftir að hafa verið lokað í 44 ár.
2013 - Í Yobe-fylki í Nígeríu réðust hryðjuverkamenn úr Boko Haram inn í skóla og brenndu 42 kennara og nemendur lifandi.
2013 - Járnbrautarslysið við Lac-Mégantic: Bensínflutningavagnar í járnbrautarlest við Lac-Mégantic í Kanada sprungu með þeim afleiðingum að 42 létust.
2016 - Snjallsímaleikurinn Pokémon Go kom út.
2018 - Shoko Asahara og sex aðrir meðlimir japönsku hryðjuverkasamtakanna Aum Shinrikyo voru teknir af lífi.
2018 - Bandarískir tollar á kínverskar innflutningsvörur að andvirði 34 milljarða dala tóku gildi. Kínverjar ásökuðu Bandaríkjamenn um að hrinda af stað stærsta viðskiptastríði sögunnar.
2019 - Bandaríski fjárfestirinn Jeffrey Epstein var handtekinn og ákærður fyrir mansal og kynlífsþrælkun.

Fædd

1387 - Blanka 1., drottning Navarra (d. 1441).
1621 - Jean de La Fontaine, franskur rithöfundur (d. 1695).
1781 - Stamford Raffles, stofnandi Singapúr (d. 1826).
1796 - Nikulás 1. Rússakeisari (d. 1855).
1832 - Maximilian 1. Mexíkókeisari (d. 1867)
1859 - Verner von Heidenstam sænskt skáld og Nóbelsverðlaunahafi (d. 1940)
1884 - Gísli Guðmundsson, íslenskur gerlafræðingur og frumkvöðull (d. 1928).
1886 - Marc Bloch, franskur sagnfræðingur (d. 1944).
1887 - Marc Chagall, rússnesk-franskur listmálari (d. 1985).
1904 - Rannveig Þorsteinsdóttir, íslensk stjórnmálakona (d. 1987).
1907 - Frida Kahlo, mexíkósk listakona (d. 1954).
1914 - Otto Bumbel, brasilískur knattspyrnuþjálfari (d. 1998).
1921 - Nancy Reagan, bandarísk forsetafrú (d. 2016).
1923 - Wojciech Jaruzelski, forseti Póllands (d. 2014).
1927 - Janet Leigh, bandarísk leikkona (d. 2004).
1929 - Högna Sigurðardóttir, íslenskur arkitekt (d. 2017).
1935 - Tenzin Gyatso, 14. Dalai Lama.
1936 - Dave Allen, írskur skemmtikraftur (d. 2005).
1937 - Ned Beatty, bandarískur leikari.
1937 - Vladímír Ashkenazy, rússneskur píanóleikari.
1940 - Nursultan Nazarbajev, kasakskur stjórnmálamaður.
1946 - George W. Bush, 43. forseti Bandaríkjanna.
1946 - Peter Singer, ástralskur heimspekingur.
1946 - Sylvester Stallone, bandarískur leikari.
1947 - Guðmundur Magnússon, íslenskur leikari og fyrrum formaður Öryrkjabandalags Íslands.
1951 - Magnús Kjartansson, íslenskur tónlistarmaður.
1951 - Geoffrey Rush, ástralskur leikari.
1955 - Sigurður Sigurjónsson, íslenskur leikari.
1958 - Jónína Rós Guðmundsdóttir, íslensk stjórnmálakona.
1968 - Ásdís Halla Bragadóttir, íslensk stjórnmála- og athafnakona.
1975 - 50 Cent, bandarískur rappari.
1976 - Takafumi Ogura, japanskur knattspyrnumaður.
1979 - Ragnar Pétursson, íslenskur blaðamaður og handknattleiksmaður.
1986 - Luigi Di Maio, ítalskur stjórnmálamaður.

Dáin

1189 - Hinrik 2. Englandskonungur (f. 1133).
1218 - Ottó 3., hertogi af Búrgund (f. 1166).
1249 - Alexander 2. Skotakonungur (f. 1198).
1415 - Jan Hus, tékkneskur siðbótamaður, brenndur á báli fyrir villutrú (f. 1369).
1533 - Ludovico Ariosto, ítalskt skáld (f. 1474).
1535 - Thomas More, enskur stjórnmálamaður (f. 1478).
1553 - Játvarður 6. Englandskonungur (f. 1537).
1901 - Chlodwig zu Hohenlohe-Schillingsfürst, kanslari Þýskalands (f. 1819).
1959 - George Grosz, þýskur listmálari (f. 1893).
1962 - William Faulkner, bandarískur rithöfundur og nóbelsverðlaunahafi (f. 1897).
1971 - Louis Armstrong, bandarískur tónlistarmaður (f. 1901).
1978 - Joseph Thorson, kanadískur stjórnmálamaður (f. 1889).
1978 - Denys Page, breskur fornfræðingur (f. 1908).
1984 - Jón Sigurðsson, íslenskur verkalýðsforingi (f. 1902).
1989 - János Kádár, ungverskur stjórnmálamaður (f. 1912).
1996 - Einar Kristjánsson, íslenskur rithöfundur (f. 1911).
1999 - Gary Michael Heidnik, bandarískur morðingi (f. 1943).
2005 - Claude Simon, franskur rithöfundur og Nóbelsverðlaunahafi (f. 1913).
2009 – Robert McNamara, bandarískur stjórnmálamaður (f. 1916).
2020 - Ennio Morricone, ítalskt tónskáld (f. 1928).