அபீசு கொரியானா
அபீசு கொரியானா (தாவர வகைப்பாட்டியல்: Abies koreana, கொரிய மொழி: 구상나무 </link> , குசாங் நாமு ), கொரிய ஃபிர், யேயு தீவு உட்பட தென் கொரியாவின் உயரமான மலைகளுக்குச் சொந்தமான ஒரு வகை தேவதாரு மரம் ஆகும். இது 1,000–1,900 மீட்டர்கள் (3,300–6,200 அடி) உயரத்தில் வளரும். இது அதிக மழைப்பொழிவு, குளிர், ஈரப்பதமான கோடை, கடுமையான குளிர்கால பனிப்பொழிவு கொண்ட மிதவெப்ப மழைக்காடுகளில் வளரும் இயல்புடையதாகும்.
| Korean fir | |
|---|---|
.jpg) | |
உயிரியல் வகைப்பாடு  | |
| திணை: | |
| தொகுதி: | Pinophyta |
| வகுப்பு: | Pinopsida |
| வரிசை: | Pinales |
| குடும்பம்: | Pinaceae |
| பேரினம்: | Abies |
| இனம்: | A. koreana |
| இருசொற் பெயரீடு | |
| Abies koreana E.H. Wilson | |
வளரியல்புகள்
இது 10–18 m (33–59 அடி) உயரம் வரை வளரும் தன்மை கொண்டது. இது சிறிய, நடுத்தர அளவிலான பசுமையான ஊசியிலை மரவகையாகும். இது 0.7 m (2 அடி 4 அங்) வரையிலான தண்டு விட்டம் கொண்டு சிறியதாகவும், சில வேளைகளில் மரக் கோட்டுப் புதர் செடியாகவும் இருக்கும். பட்டை பிசின் கொப்புளங்களுடன் மென்மையாகவும், சாம்பல்-பழுப்பு நிறமாகவும் இருக்கும். இலைகள் ஊசி போன்ற தட்டையானது, 1–2 சென்டிமீட்டர்கள் (0.4–0.8 அங்) நீளம் 2–2.5 மில்லிமீட்டர்கள் (0.08–0.10 அங்) அகலம் 0.5 mm (0.02 அங்) தடிமன், மேலே பளபளப்பான அடர் பச்சை , கீழே இரண்டு பரந்த, தெளிவான வெள்ளை நிற ஸ்டோமாட்டா பட்டைகளும், நுனியில் சிறிது சுழித்தும் இருக்கும். இலையின் அமைப்பு சுருளின் மீது சுழலாக இருக்கும், ஆனால் ஒவ்வொரு இலையும் அடிவாரத்தில் மாறி மாறி முறுக்கப்பட்டு, அவை பெரும்பாலும் துளிரின் இருபுறமும் மேலேயும் கீழேயும் அமைய, துளிருக்குக் கீழே குறைவான முறுக்கு இருக்கும். தளிர்கள் முதலில் பச்சை-சாம்பலாகவும், முதிர்ச்சியடைந்த பின் இளஞ்சிவப்பு-சாம்பலாகவும், சிதறிய நுண்ணிய பூப்புடன் இருக்கும். கூம்புகள் நீளம் 4–7 cm (1.6–2.8 அங்) ஆகும்; அகலம் 1.5–2 cm (0.6–0.8 அங்) ஆகும். இவை முதிர்ச்சிக்கு முன் பரந்த, அடர் ஊதா-நீலத்தில் அமையும்; செதில்கள் நீளமாக, பச்சை அல்லது மஞ்சள் நிறத்தில் இருக்கும், மேலும் மூடிய கூம்பில் உள்ள செதில்களுக்கு இடையே வெளிப்படும். பொலன்(மகரந்தச்) சேர்க்கைக்கு சுமார் 5-6 மாதங்களுக்குப் பிறகு கூம்புகள் முதிர்ச்சியடையும் போது இறக்கைகள் கொண்ட விதைகள் வெளியிடப்படும்.
பயிரீடு
மிதவெப்பக் காலநிலையில் பூங்காக்கள், தோட்டங்களில் வளரும் இந்தக் கொரியத் தேவதாரு மிகவும் பரவலாக வழக்கில் உள்ள அலங்கார தாவரமாகும். இது அதன் பசுமைக்காக வளர்க்கப்படுகிறது, ஆனால் இளம் மரங்களில் கூட 1–2 m (3 அடி 3 அங் – 6 அடி 7 அங்) மட்டுமே அதிக கூம்பு ஆக்கத்துக்காக வளர்க்கப்படுகிறது. பின்வருபவை அரசு தோட்டக்கலைக் கழகத்தின் தோட்டத் தகைமை விருதைப் பெற்றுள்ளன:
வாழ்விடம்
தென் கொரியாவின் யேயு தீவில் உள்ள கலாசன் மலையில், காட்டுக் கொரியத் தேவதாருவின் மிகப்பெரிய அளவில் வளர்க்கப் படுகிறது.[6]
பயன்
கொரியத் தேவதாரு கிறிஸ்துமஸ் மரமாகவும் பயன்படுத்தப்படுகிறது.[7][8]
காட்சியகம்
இலைகள்
ஆண் கூம்புகள்
கூம்பு மற்றும் விதைகள்
சாகுபடியில்
மேற்கோள்கள்
வெளி இணைப்புகள்
பொதுவகத்தில் அபீசு கொரியானா பற்றிய ஊடகங்கள்
