ரவிச்சந்திரன் அசுவின்

அசுவின் செப்டம்பர் 17, 1986 இல் சென்னையில் ரவிச்சந்திரன் மற்றும் சித்ரா தம்பதியருக்கு மகனாகப் பிறந்தார்.^[3] His father, Ravichandran, played cricket at club level as a fast bowler.^[4][5] அசுவின் தனது பள்ளிப்படிப்பை பத்ம சேசாத்ரி பால பவன் மற்றும் புனித பேடின் மேல்நிலைப் பள்ளியில் பயின்றார்.^[6][7] ஒய்.எம்.சி.ஏ. அணிக்காக இவர் ஒன்பது வயதில் துடுப்பாட்டம் விளையாடத் தொடங்கினார். இவரது ஆரம்ப காலத்தில் சந்திரசேகர் ராவிடம் பயிற்சி எடுத்தார்.^[6] இளையோர் வயது போட்டிகளில் துவக்க மட்டையாளராகக் தனது துடுப்பாட்ட வாழ்க்கையை தொடங்கினார்.^[4] ஆனால் அதில் பெரிதாக வெற்றி காணாததால் பின்னர் ஒரு வலது கை சுழற்பந்துவீச்சாளராக மாறினார்.^[8][9] சென்னையிலுள்ள சிவ சுப்ரமணிய நாடார் பொறியியல் கல்லூரியில் தகவல் தொழில்நுட்பத்தில் பட்டம் பெற்றார்.^[10]

அசுவின் சென்னையிலுள்ள மேற்கு மாம்பலத்தில் வசிக்கிறார்.^[3] 2011 ஆம் ஆண்டு நவம்பர் 13 ஆம் தேதி தனது நண்பரான பிரித்தி நாராயணனை மணந்தார்.^[11] இவர்களுக்கு இரண்டு மகள்கள் உள்ளனர்.^[12][13]

உள்நாட்டு போட்டிகள்

அசுவின் ரஞ்சிக் கோப்பை மற்றும் இதர உள்நாட்டு போட்டிகளில் தமிழ்நாடு துடுப்பாட்ட அணிக்காக விளையாடினார்.^[14] அசுவின் 2006 ஆம் ஆண்டு தனது 20வது வயதில் அரியானாக்கு எதிரான ரஞ்சிக் கோப்பை போட்டியில் தமிழ்நாட்டிற்காக முதல்தர துடுப்பாட்டத்தில் அறிமுகமாகி ஆறு இலக்குகளை வீழ்த்தினார்.^[14][15] ஒரு நாள் மற்றும் இருபது20 துடுப்பாட்டத்தில் ஆந்திராவிற்கு எதிராக தமது ஆட்டத்தைத் துவங்கினார்.^[16][17][18] 2008-09 இல் விஜய் ஹசாரே கோப்பையை வென்ற தமிழக அணிக்கு அசுவின் கேப்டனாக இருந்தார்.^[19][20]

பன்னாட்டு போட்டிகள்

ஒருநாள் துடுப்பாட்டத்தில் சூன் 5, 2010 அன்று இலங்கை அணிக்கு எதிராக அசுவின் தனது முதல் போட்டியை ஆடினார். இவர் 32 பந்துகளில் 38 ஓட்டங்கள் எடுத்தும் இந்த ஆட்டத்தில் இந்திய அணி தோல்வியுற்றது.^[21][22] அசுவின் 15 பேர் கொண்ட 2011 துடுப்பாட்ட உலகக்கிண்ணதிற்கான இந்திய அணியில் ஒரு பகுதியாக இருந்தார்.^[23] அசுவின் உலகக் கோப்பையில் இரண்டு போட்டிகளில் மட்டுமே விளையாடினார், இறுதிப் போட்டியில் இலங்கையை வீழ்த்தி கோப்பையை வென்றது இந்திய அணி.^[24][25]

மேற்கிந்திய தீவுகள் அணிக்கெதிரான மூன்றாவது தேர்வு துடுப்பாட்டத்தின் போது 103 ஓட்டங்களைப் பெற்று நவம்பர் 25, 2011.இல் தனது முதல் சதத்தைப் நிறைவேற்றினார்.^[26] அறிமுகமாகிய முதல் தேர்வுத் துடுப்பாட்டப் போட்டியில் (நவம்பர் 6-10, 2011) ஒன்பது இலக்குகளை வீழ்த்திய அசுவின், தனது 3வது தேர்வுத் துடுப்பாட்டப் போட்டியில் ஒரே இன்னிங்ஸில் ஐந்து இலக்குகளை வீழ்த்தி, ஒரு சதமும் அடித்து சாதனை படைத்துள்ளனர். ஒரே இன்னிங்ஸில் ஐந்து விக்கெட் வீழ்த்தி, ஒரு சதமும் எடுத்த 3வது இந்தியர் ஆவார். இதற்கு முன்பு 1952ல் வினோ மன்கட்டும், 1962ல் பாலி உம்ரிகரும் இந்த சாதனையைப் படைத்துள்ளனர்.^[27][28]

இருபது20

2008 இந்தியன் பிரீமியர் லீக் (ஐபிஎல்) தொடக்க ஆண்டில் சென்னை சூப்பர் கிங்ஸ் அணியால் உள்நாட்டு வீரராக அசுவின் ஒப்பந்தம் செய்யப்பட்டார்.^[29] இவர் 2009 ஆம் ஆண்டு சென்னை சூப்பர் கிங்ஸ் அணிக்காக அறிமுகமானார். அப்போதிருந்து 2015 வரை தொடர்ந்து எட்டு ஆண்டுகளுக்கு இந்த அணிகாக்காக விளையாடினார்.^[30] 2010 ஆண்டு போட்டிகளில் இவர் 13 இலக்குகளை வீழ்த்தி, சென்னை முதல் ஐபிஎல் பட்டத்தை வெல்வதற்கும் பன்னாட்டு இருபது20 வாகையாளர் (சாம்பியன்ஸ் லீக் டுவென்டி20) கோப்பைக்கு தகுதி பெறுவதற்கும் உதவினார்.^[30][31] 2010ல் சென்னை பன்னாட்டு இருபது20 வாகையாளர் பட்டத்தை வென்றது, அசுவின் தொடரின் நாயகனாக தேர்ந்தெடுக்கப்பட்டார்.^[32] அசுவின் 2011 இந்தியன் பிரீமியர் லீக்கில் 20 இலக்குகளை வீழ்த்தி சென்னை அணி தொடர்ந்து இரண்டாவது வெற்றியைப் பெற உதவினார்.^[33] அசுவின் தனது இரண்டாவது பன்னாட்டு இருபது20 வாகையாளர் பட்டத்தை 2014 ஆம் ஆண்டு வென்றார்.^[34] ஐபிஎல்லில் சூப்பர் கிங்ஸ் அணிக்காக எட்டு ஆண்டுகளில் 97 போட்டிகளில் விளையாடி 90 இலக்குகளை அசுவின் வீழ்த்தியுள்ளார்.^[30]

சென்னை சூப்பர் கிங்ஸ் மற்றும் ராஜஸ்தான் ராயல்ஸ் அணிகள் இரண்டு வருடங்கள் இடைநீக்கபட்டதைத் தொடர்ந்து 2016 இந்தியன் பிரீமியர் லீக்கில் ரைசிங் புனே சூப்பர்ஜியான்ட்சு அணிக்காக விளையாடினார்.^[35] காயம் காரணமாக 2017 இந்தியன் பிரீமியர் லீக் போட்டிகளிலிருந்து விலகினார்.^[36] 2018 இந்தியன் பிரீமியர் லீக்கிற்கு முந்தைய ஏலத்தில் அசுவின் ₹7.5 கோடிக்கு பஞ்சாப் கிங்ஸ் அணியால் தேர்ந்தெடுக்கப்பட்டார், பின்னர் பஞ்சாப் அணியின் கேப்டனாக நியமிக்கப்பட்டார்.^[37][38]

2020 இந்தியன் பிரீமியர் லீக்குக்கு முன்னதாக, அசுவின் டெல்லி கேபிடல்ஸ் அணிக்கு மாறினார்.^[39] அந்த ஆண்டு போட்டிகளில் 13 இலக்குகளை வீழ்த்தி, அணியில் அதிக இலக்குகளை எடுத்தவர்களின் பட்டியலில் நான்காவது இடம் பிடித்தார்.^[40][41] 2022 ஐபிஎல் ஏலத்தில், அசுவினை ₹5 கோடிக்கு ராஜஸ்தான் ராயல்ஸ் அணி வாங்கியது.^[42][43][44] இவர் 12 இலக்குகளை வீழ்த்தி மற்றும் 191 ஓட்டங்கள் எடுத்து ராஜஸ்தான் அணி 2022 ஆம் ஆண்டு போட்டிகளின் இறுதிப் போட்டிக்கு சென்றதில் பெரும்பங்காற்றினார்.^[30] ஏப்ரல் 2022 இல், ஹர்பஜன் சிங்க்குப் பிறகு ஐபிஎல்லில் 150 விக்கெட்டுகளை எடுத்த இரண்டாவது சுழற் பந்துவீச்சார் ஆனார்.^[45][46]

மட்டையாளராக

ரவிச்சந்திரன் அசுவின் தேர்வுத்துடுப்பாட்டத்தில் சதம் அடித்த போட்டிகள்

வ.எ.	ஓட்டங்கள்	எதிரணி	இடம்	ஆண்டு	முடிவு
1	103	மேற்கிந்தியத் தீவுகள்	வான்கேடே அரங்கம், மும்பை	2011	டிரா[47]
2	124	மேற்கிந்தியத் தீவுகள்	ஈடன் கார்டன்ஸ், கொல்கத்தா	2013	வெற்றி[48]
3	113	மேற்கிந்தியத் தீவுகள்	விவியன் ரிச்சர்ட்ஸ் அரங்கம், ஆண்டிகுவா மற்றும் பர்புடா	2016	வெற்றி[49]
4	118	மேற்கிந்தியத் தீவுகள்	டேரன் சமி துடுப்பாட்ட அரங்கம், செயிண்ட் லூசியா	2016	வெற்றி[50]
5	106 !106	இங்கிலாந்து	எம். ஏ. சிதம்பரம் அரங்கம், சென்னை	2021	வெற்றி[51]

பந்துவீச்சாளராக

ரவிச்சந்திரன் அசுவின் தேர்வுத்துடுப்பாட்டத்தில் பத்து இலக்குகளுக்கு மேல் எடுத்த போட்டிகள்

வ.எ.	இலக்கு/ஓட்டங்கள்	எதிரணி	இடம்	ஆண்டு	முடிவு
1	12/85	நியூசிலாந்து	இராஜீவ் காந்தி பன்னாட்டு துடுப்பாட்ட அரங்கம், ஐதராபாத்து	2012	வெற்றி
2	12/198	ஆத்திரேலியா	எம். ஏ. சிதம்பரம் அரங்கம், சென்னை	2013	வெற்றி
3	10/160	இலங்கை	காலி பன்னாட்டு அரங்கம், காலி	2015	தோல்வி
4	12/98	தென்னாப்பிரிக்கா	விதர்பா துடுப்பாட்ட வாரிய அரங்கம், நாக்பூர்	2015	வெற்றி
5	10/225	நியூசிலாந்து	கிரீன் பார்க் அரங்கம், கான்பூர்	2016	வெற்றி
6	13/140	நியூசிலாந்து	ஹோல்கர் அரங்கம், இந்தோர்	2016	வெற்றி
7	12/167	இங்கிலாந்து	வான்கேடே அரங்கம், மும்பை	2016	வெற்றி
8	12/131	மேற்கிந்தியத் தீவுகள்	வின்ட்சர் பார்க், டொமினிக்கா	2023	வெற்றி

இந்தியா

• ஆசியக் கிண்ணம்: 2010,^[52] 2016^[53]
• துடுப்பாட்ட உலகக்கிண்ணம்: 2011^[54]
• ஐசிசி வாகையாளர் கோப்பை: 2013^[55]

சென்னை சூப்பர் கிங்ஸ்

• இந்தியன் பிரீமியர் லீக்: 2010,^[56] 2011^[57]
• பன்னாட்டு இருபது20 வாகையாளர் கோப்பை: 2010, 2014^[58]

தனிநபர்

• பிசிசிஐயின் பாலி உம்ரிக்கர் விருது: 2012-13^[59]
• இந்திய அரசின் அர்ஜுனா விருது: 2015^[60]
• ஐசிசி சர் கார்பீல்டு சொபர்ஸ் விருது: 2016^[61]
• ஐசிசி சிறந்த ஆண்கள் தேர்வு துடுப்பாட்ட வீரர்: 2016^[62]
• ஐசிசி ஆண்கள் தேர்வு துடுப்பாட்ட அணி: 2013,^[63] 2015,^[64] 2016,^[65] 2017,^[66] 2021^[67]
• சியட் ஆண்டின் சிறந்த சர்வதேச துடுப்பாட்ட வீரர்: 2016–17^[68]
• ஆனந்த விகடன் "டாப் 10" மனிதர்கள் விருது: 2016^[69]
• ஐசிசி தசாப்தத்தின் ஆண்கள் தேர்வு துடுப்பாட்ட அணி: 2011-20^[70]
• ஐசிசி மாதத்தின் சிறந்த வீரர்: பிப்ரவரி 2021^[71]

• தேர்வு துடுப்பாட்டத்தில் 250, 300 மற்றும் 350 இலக்குகளை வேகமாக எட்டியவர் (போட்டிகளின் அடிப்படையில்)^[72][73]
• 50, 100, 150, 200, 250, 300, 350, 400, 450 மற்றும் 500 தேர்வு துடுப்பாட்ட இலக்குகளை அதிவேகமாக எட்டிய இந்தியர் (போட்டிகளின் அடிப்படையில்)^{[74][75][76][77][78][79][80]}
• மூன்று வெவ்வேறு போட்டிகளில் ஒரே தேர்வு போட்டியில் சதம் அடித்த மற்றும் ஐந்து இலக்குகளை வீழ்த்திய ஒரே இந்திய துடுப்பாட்ட வீரர்^[81]
• டி20யில் 50 இலக்குகளை வீழ்த்திய முதல் இந்தியர்^[82]
• தேர்வு போட்டிகளில் இரண்டாவது அதிக தொடர் நாயகன் விருதுகள் (10)^[83]
• தேர்வு போட்டிகளில் அதிக முறை ஐந்து இலக்குகளை வீழ்த்தியதில் மூன்றாவது இடம் (36)^[84] and fastest to 25 five wicket hauls^[85][86]
• இந்தியாவுக்காக தேர்வு போட்டிகளில் இரண்டாவது அதிக இலக்குகளை வீழ்த்தியவர் (501)^[87][88]
• ஒரு ஆண்டில் 500 ஓட்டங்கள் மற்றும் 50 இலக்குகளை எடுத்த இரண்டாவது இந்தியர் (2016)^[89]
• ஒரு சீசனில் அதிக இலக்குகளை வீழ்த்தியவர் (82)^[90][91]
• தேர்வு போட்டிகளில் பெரும்பாலான இடது கை வீரர்களின் இலக்குகளை வீழ்த்தியவர்^[92][93]
• Second Indian bowler to take 300 Test wickets at home ^[94]
• பன்னாட்டு போட்டிகளில் 700 இலக்குகளை வீழ்த்திய மூன்றாவது இந்தியர்^[95]
• தேர்வு போட்டிகளில் 3000 ஓட்டங்கள் மற்றும் 500 இலக்குகளை வீழ்த்திய மூன்று வீரர்களில் ஒருவர்^[96]
• தேர்வு போட்டிகளில் இந்தியாவில் அதிக இலக்குகளை எடுத்தவர் (354)^[97]
• ஐசிசி ஆடவர் தரவரிசையில் (மார்ச் 2024) முதல் இடத்தில் உள்ள பந்துவீச்சாளர் மற்றும் டெஸ்டில் இதுவரை அதிக மதிப்பெண் பெற்ற இந்திய பந்துவீச்சாளர்^[98][99]

• கிரிக்கின்ஃபோவில் இருந்து விளையாட்டுவீரர் விபரக்குறிப்பு: ரவிச்சந்திரன் அசுவின்