Ніхон
Ніхон (Nh)[1] — радыяактыўны штучна сынтэзаваны хімічны элемэнт 17 групы (III групы паводле старой клясыфікацыі) пэрыядычнай сыстэмы; атамны нумар 113. Адносіцца да катэгорыі трансуранавых элемэнтаў.
| |||||||||||||||||||||||||||||||||||||
| Выгляд | |||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Агульная інфармацыя | |||||||||||||||||||||||||||||||||||||
| Назва, сымбаль, атамны нумар | Ніхон, Nh, 113 | ||||||||||||||||||||||||||||||||||||
| Група, пэрыяд, блёк | 13, 7, d | ||||||||||||||||||||||||||||||||||||
| Адносная атамная маса | [286] г·моль−1 | ||||||||||||||||||||||||||||||||||||
| Канфігурацыя электронаў | [Rn] 5f146d107s27p1 | ||||||||||||||||||||||||||||||||||||
| Электронаў у абалонцы | 2 8 18 32 32 18 3 | ||||||||||||||||||||||||||||||||||||
| Фізычныя ўласьцівасьці | |||||||||||||||||||||||||||||||||||||
| Фаза | Цьвёрдае цела | ||||||||||||||||||||||||||||||||||||
| Уласьцівасьці атама | |||||||||||||||||||||||||||||||||||||
| Іншыя характарыстыкі | |||||||||||||||||||||||||||||||||||||
| Нумар CAS | 54084-70-7 | ||||||||||||||||||||||||||||||||||||
| Найбольш стабільныя ізатопы | |||||||||||||||||||||||||||||||||||||
| Асн. артыкул: ізатопы ніхону | |||||||||||||||||||||||||||||||||||||
| |||||||||||||||||||||||||||||||||||||
Упершыню атрыманы падчас экспэрымэнтаў 14 ліпеня — 10 жніўня 2003 у Аб’яднаным інстытуце ядзерных дасьледаваньняў у Дубне, Расея (у супрацоўніцтве зь Лівэрморскай нацыянальнай лябараторыяй, ЗША). Экспэрымэнты праводзіліся на цыклатроне U400 і дубненскім газанапоўненым сэпаратары аскелкаў (DGFRS). У гэтых экспэрымэнтах спачатку было атрымана чатыры ядры Маскову (атамны нумар 115). Потым гэтыя ядры распадаліся з выпрамяненьнем альфа-часьцінак у ізатопы ніхону. Вынікі апублікаваныя ў аўтарытэтным навуковым часопісе Physical Review C[2]. Пазьней у Японіі былі праведзеныя экспэрымэнты па запуску іёнаў цынку, якія рухаліся з хуткасьцю на 10% меншай за хуткасьць сьвятла, для сутыкненьня з тонкім слоем бісмуту. У гэтым экспэрымэнце відавочна атрымаўся вельмі цяжкі іён, які пасьлядоўна зазнаў некалькі альфа-распадаў. Была зробленая выснова, што гэтыя альфа-распады зазнаў ізатоп элемэнта з атамным нумарам 113 278Nh. Часовай сыстэматычнай назвай была "Унунтар" па-лацінску: Ununtrium), хімічны сымбаль Uut. У студзені 2016 адкрыцьцё ніхону было прызнанае Міжнародным саюзам тэарэтычнай і прыкладной хіміі (IUPAC) і IUPAP. Назву "ніхон" прапанавалі японскія навукоўцы. Гэтая назва паходзіць ад японскага слова, якое абазначае "Японія". 8 чэрвеня 2016 IUPAC была прапанаваная сучасная назва з тэрмінам 6 месяцаў. У лістападзе 2016 назва была афіцыйна зацьверджаная.
Пра хімічныя ўласьцівасьці ніхону нічога дакладна не вядома. Лічыцца, што ён паводзіць сябе аналягічна талю.
Крыніцы
Вонкавыя спасылкі
Ніхон — сховішча мультымэдыйных матэрыялаў
- Nihonium»the essentials (анг.) [WebElements Periodic Table]
- The Element Nihonium (анг.) It's Elemental. Thomas Jefferson National Accelerator Facility - Office of Science Education. Праверана 10 сакавіка 2017 г.
- nihonium (анг.) Britannica.com
- The Element Uranium (анг.) It's Elemental. Thomas Jefferson National Accelerator Facility - Office of Science Education. Праверана 8 сакавіка 2017 г.