G

G abo g (při pismikowanju: gej) je sedmy pismik klasiskeho a moderneho łaćonskeho alfabeta a jědnaty w hornjoserbskim alfabeće. Wón reprezentuje konsonant a je so wokoło 230 do Chr. wot romskeho pisarja jako warianta pismika C zawjedł. Jemu wotpowěduje pismik Г w kyriliskim alfabeće. W Morsowym alfabeće zwoprawdźuje so G přez − − ·.

W hornjoserbšćinje wustupuje g nimale jenož w cuzych resp. z druhich rěčow wotwodźenych słowach (požčonkach), mjeztym zo je so prěnjotny słowjanski g kaž w čěšćinje, słowakšćinje a ukrainšćinje na h přeměnił.

G je mjezynarodna awtowa značka za Gabun. Při němskich awtach steji za město Gera.