Շվեյցարիայի վարչական բաժանում

Շվեյցարիայում յուրաքանչյուր կանտոն ունի իր սահմանադրությունը և օրենքները, օրենսդիր մարմինը կանտոնային խորհուրդն է (գերմ.՝ Kantonsrat) կամ մեծ խորհուրդը, գործադիր մարմինը կառավարող խորհուրդն է ( գերմ.՝ Regierungsrat ) կամ նահանգային խորհուրդը, որը բաղկացած է նահանգապետից (գերմ.՝ Landammann) կամ նախագահից։ նահանգային խորհրդի և կառավարության խորհրդականները (գերմ.՝ Regierungsrat) կամ նահանգային խորհրդականները։ Կանտոնը լիովին անկախ է ներքին խնդիրների լուծման հարցում։ Կենտրոնական կառավարությունը տնօրինում է միջազգային հարցերը, դաշնային բյուջեն և դրամաշրջանառությունը։ Այնուամենայնիվ, Շվեյցարիան մեկ պետություն է։ Երկրի կարգախոսը՝ «Մեկը բոլորի համար և բոլորը՝ մեկի համար»։ (լատին․՝ Unus pro omnibus, omnes pro uno)

Կազմավորման առումով ամենավերջինը Յուրա կանտոնն է (անջատվել է Բեռն կանտոնից 1979 թվականին հանրաքվեից հետո)։

Ի տարբերություն այլ ունիտար պետությունների, դաշնային Շվեյցարիայի յուրաքանչյուր կանտոն ունի իր ներքին կազմակերպությունը։ Հետևաբար կանտոնի և համայնքի կամ կոմունայի միջև կան բազմաթիվ միջանկյալ մակարդակների կառույցներ։ Հաճախ օգտագործվում է շրջան (գերմ.՝ Bezirk) տերմինը։

Համայնք, կոմունա (ֆր.՝ commune, գերմ.՝ Gemeinde, իտալ.՝ comune) Շվեյցարիայի վարչական միավորն է, որը կանտոնի անբաժանելի մասն է։ 2011 թվականի տվյալներով Շվեյցարիայում կա 2551 համայնք^[1]։

Շվեյցարիայի յուրաքանչյուր քաղաքացի առաջին հերթին իր համայնքի քաղաքացին է, հետո՝ իր կանտոնի, հետո միայն Շվեյցարիայի Համադաշնության քաղաքացի։ Շվեյցարական հարկային համակարգը կառուցված է համապատասխանաբար. յուրաքանչյուր քաղաքացի վճարում է 3 տարբեր եկամտահարկ՝ մեկը Համադաշնության բյուջեին, երկրորդը՝ կանտոնի բյուջեին և երրորդը՝ իր համայնքին․ համապատասխանաբար, հարևան տներում ապրող և նույն եկամուտ ունեցող երկու քաղաքացիների հարկերը կարող են էապես տարբերվել տարբեր համայնքներում ապրելու պատճառով։

Ներքևում կանտոնները ներկայացված են համապատասխան դաշնային սահմանդրության^[2][1]:

Զինանշան	Հապավում	Կանտոն	Կազմավորում	Վարչկենտրոն	Բնակչություն[2]	Տարածք[3]	Խտություն[4]	Կոմունաների թիվ[5]	Պաշտոնական լեզու(ներ)
	ZH	Ցյուրիխի կանտոն	1351	Ցյուրիխ	1,307,567	1,729	701	171	Գերմաներեն
	BE	Բեռն	1353	Բեռն	962,982	5,959	158	388	Գերմաներեն, ֆրանսերեն
	LU	Լյուցեռն	1332	Լյուցեռն	363,475	1,493	233	88	Գերմաներեն
	UR	Ուրի	1291	Ալտդորֆ	34,989	1,077	33	20	Գերմաներեն
	SZ	Շվից	1291	Շվից	141,024	908	143	30	Գերմաներեն
	OW	Օբվալդեն	1291	Զարնեն	33,997	491	66	7	Գերմաներեն
	NW	Նիդվալդեն	1291	Շտանս	40,287	276	138	11	Գերմաներեն
	GL	Գլարուս	1352	Գլարուս	38,237	685	51	25 (from 2011: 3)	Գերմաներեն
	ZG	Ցուգի կանտոն	1352	Ցուգ (քաղաք)	109,141	239	416	11	Գերմաներեն
	FR	Ֆրիբուրգ	1481	Ֆրիբուր (քաղաք)	263,241	1,671	141	168	Ֆրանսերեն, գերմաներեն
	SO	Զոլոթուռն	1481	Զոլոթուռն	250,240	791	308	122	Գերմաներեն
	BS	Բազել-Շտադ	1501 (Բազելի մասն էր մինչև 1833)	Բազել	185,227	37	5,072	3	Գերմաներեն
	BL	Բազել-Լանդ	1501 (Բազելի մասն էր մինչև 1833)	Լիստալ	269,145	518	502	86	Գերմաներեն
	SH	Շաֆհաուզեն	1501	Շաֆհաուզեն	74,527	298	246	27	Գերմաներեն
	AR	Ապենցել Աուսերռոդեն	1513 (Ապենցելի մասն էր մինչև 1597)	Հերիզաու[6]	52,654	243	220	20	Գերմաներեն
	AI	Ապենցել Իներռոդեն	1513 (Ապենցելի մասն էր մինչև 1597)	Ապենցել	15,471	173	87	6	Գերմաներեն
	SG	Սանկտ Գալլեն	1803	Սանկտ Գալլեն	465,937	2,026	222	85	Գերմաներեն
	GR	Գրաուբյունդեն (Գրիզիոնի, Գրիսքուն, Գրիսոնս)	1803	Քուր	188,762	7,105	26	180	Գերմաներեն, Ռոմանշերեն, Իտալերեն
	AG	Արգաու (Արգովիա)	1803	Արաու	581,562	1,404	388	220	Գերմաներեն
	TG	Թուրգաու (Թուրգովիա)	1803	Ֆրաուենֆելդ[7]	238,316	991	229	80	Գերմաներեն
	TI	Տիչինո	1803	Բելինցոնա	328,580	2,812	110	169	Իտալերեն
	VD	Վո	1803	Լոզան	672,039	3,212	188	375	Ֆրանսերեն
	VS	Վալե	1815	Սյոն	298,580	5,224	53	143	Ֆրանսերեն, գերմաներեն
	NE	Նյոշատել (Նևշատել)	1815	Նյոշատել	169,782	803	206	53	Ֆրանսերեն
	GE	Ժնև	1815	Ժնև	438,177	282	1,442	45	Ֆրանսերեն
	JU	Յուրա	1979 (Բեռնի մի մասն էր)	Դելեմոն	69,555	838	82	64	Ֆրանսերեն
	CH	Շվեյցարիա		Բեռն	7,593,494	41,285	174	2,596	Գերմաներեն, Ֆրանսերեն, Իտալերեն, Ռոմանշերեն