Abjad Yunani

Aksara, Huruf atau Abjad Yunani (atau Abjad Grek) alah digunoan untuak manulih bahaso Yunani samanjak abaik ka-8 SM.^[2] Inyo tabik dari abjad Phoenicia nan labiah tuo,^[3] jo marupoan aksara partamo nan mampunyoi huruf untuak vokal jo konsonan. Inyo moyang kapado aksara-aksara Latin jo Cyril (atau Sirilik, Cyrillic).^[4] Salain dari panggunoannyo untuak manulih bahaso Yunani, inyo juo manjadi sumber simbol teknikal jo label di bidang-bidang matematika, sains jo bidang-badang lain.

Aksara Yunani
Jinih	Abjad
Bahaso	Yunani
Wakatu	c. 800 SM – kini ko[1]
Sistem induak	Hieroglif Mesir Abjad Proto-Sinaitik Abjad Phoenicia Aksara Yunani
Sistem anak	Goth Glagolitic Cyril Qibti Armenia Itali Tuo Latin
Arah tulih	Left-to-right
ISO 15924	Grek, 200
Alias Unikod	Greek
Jarak Unikod	U+0370–U+03FF Greek and Coptic U+1F00–U+1FFF Greek Extended
Artikel iko manganduang simbol fonetik IPA. Sanak akan maliek tando tanyo, bak, jo simbol lain jo indak aksara Unikod jikok indak ado bantuan tampilan

Dalam bantuak kuno jo moden, aksara Yunani mampunyoi 24 huruf, diatua dari huruf alpha ka omega. Sarupo jo Latin jo Cyril, pado asanyo, aksara Yunani anyo ado ciek bantuak untuak satiok huruf; inyo mangambangan pabedoan huruf gadang jo huruf ketek salari jo Latin di era moden.

Bunyi jo transkripsi lazim buek babarapo huruf babedo antaro Yunani Kuno jo Yunani Moden, sabauk caro bahaso Yunani disabuik lah batuka bana dari abaik ka-5 inggo kini ko. Yunani Moden jo Kuno manggunoan tando diakritik babedo. Ortografi politonik, nan digunoan dek Yunani Kuno mampunyoi banyaik diakritik, sarupo tando aksen untuak aksen nada, tando angok buek bunyi /h/, jo subskrip iota untuak bunyi /i/. Ortografi dalam ijoan Yunani Moden lah dimudahan ka sistem monotonik nan anyo manggunoan duo tando diakritik: aksen akut jo diaresis.