Википедија:Вавилон

На проектите на Викимедија, именката Вавилон (според преданието за Вавилонската кула) се однесува на кориснички јазични предлошки кои ја помагаат повеќејазичната комуникација и го олеснуваат контактирањето на некој корисник кој зборува на некој определен јазик. Идејата потекна од Заедничката ризница и исто така беше имплементирана на Мета-Вики и на некои други википедии до определени нивоа. За да учествувате, можете да додадете Вавилон кориснички предлошка/ки на Вашата корисничка страница преку следење на следниве упатства:

• Почнете со {{Babel|
• Додадете еден од следниве кодови за секој јазик кој го зборувате или разбирате, разделено со |, каде што xx е кодот на Википедија за јазикот. Општата употреба за секое ниво на код е како што следува (забележете дека не сите јазици ги имаат сите нивоа, но можете да ја создадете предлошката што ви недостига); броењето е отприлика аналогно на ILR јазичната скала (повеќе информации на en:ILR scale на англиски), иако ова е случајно:

• • xx-0 ако воопшто не го разбирате јазикот. Не го користете за секој јазик кој не го знаете, туку само ако има некоја причина од Вас да се очекува да го знаете. На пример, можеби живеете во Канада, но не разбирате француски или пак имате италијанско потекло, но не познавате италијански. Слично на ова, може успешно да се уредува еден проект дури и без да се зборува јазикот. На пример, некој може да додава слики или да поправа врски на јапонската Википедија без да разбира јапонски;
  • xx-1 за основно познавање - доволно да се разбере пишан материјал или едноставни прашања во овој јазик;
  • xx-2 за средно познавање - доволно за уредување или дискусии;
  • xx-3 за напредно познавање - иако можете да пишувате во овој јазик без проблеми, некои мали грешки сепак можат да се случат;
  • xx-4 за познавање скоро како мајчин јазик - иако не е Вашиот прв јазик од раѓање, Вашата способност е нешто слична на домороден познавач на јазикот;
  • xx-5 за професионална течност. Имајте во предвид дека оваа предлошка моментално постои само за неколку јазици;
  • xx (без црта или број) за домородни говорници кои секојдневно го користат јазикот како мајчин и целосно го разбираат, вклучувајќи ги сите колоквијализми и фразеолошки изрази.
• Завршете преку додавање на две загради: }}

За пример, вавилон табелите прикажани десно се генерирани со овој код:
{{Babel|en-5|mk|ru-2|de-3|it-2|es-1|he-0}} (за првата)
{{Babel|mk|mk-4|mk-3|mk-2|mk-1|mk-0}} (за втората).