Серија А 2017-2018

Трите нови екипи кои избориле промоција во Серија А биле СПАЛ, Верона и Беневенто.^[12] СПАЛ се вратил во Серија А за првпат по 49 години откако последно таму играле во сезоната 1967-1968,^[13] Верона се вратила по само една сезона пауза откако испаднале во сезоната 2015-2016, додека Беневенто кој им се приклучил преку плејофот бил дебитант во највисоката дивизија на италијанскиот фудбал.^[14]

Од гледна точка на правилата се истакнува воведувањето на VAR технологијата (откако била тестирана во текот на претходната сезона) и укинувањето на дополнителните помошници судии зад головите.^[15]

Конечно, почнувајќи од оваа сезона, како резултат на промената на правилата на натпреварувањето, италијанското првенство ќе дава 4 екипи кој директно ќе играат во групната фаза од Лигата на шампионите.^[16] Последен пат кога 4 италијански екипи биле во групите на Лигата на шампионите (во тој случај, 3 биле директно квалификувани плус 1 преку плеј-оф квалификациската рунда) било изданието 2009-2010, издание кое подоцна го освоил Интер (моментално последен успех на еден италијански клуб во најсилното европско натпреварување). Исто така од оваа сезона шесто или седмо пласираниот тим (седмиот, само ако победникот на Купот на Италија веќе ќе се квалификувал за некое европско натпреварување преку првенството) ќе играат во Лига Европа од втората преелиминарна рунда а не од третата, како што беше случај во тековната сезона.^[17]

Летна сесија

Во пресрет на новата сезона во првенството, најактивни екипи на пазарот биле Јувентус на Алегри и Милан на Монтела: бјанконерите изненадувачки го загубиле Бонучи кој заминал во соперничкиот табор на росонерите, кои, од своја страна, се поздравиле со Де Шиљо кој му се приклучил на Јувентус.^[18][19] Редовите на шесткратните италијански шампиони во последните шест години, исто така, ги засилиле Бернардески,^[20] и Даглас Коста доведени соодветно од Фјорентина и Бајерн Минхен.^[21] Исто така, голем број трансфери на пазарот направил Милан, мотивирани од враќањето во Европа и новиот кинески сопственик подготвен да инвестира,^[22] во дополнение на гореспоменатиот Бонучи во клубот меѓу другите стигнале и Кесие, Чалханоглу, Биља, Андре Силва и Калиниќ.^[23]

Останатите екипи кои исто така имале за цел да се квалификуваат во најсилното европско натпреварување имале различни стратегии на пазарот, Наполи на Сари избрал да го зачува составот од претходната сезона^[24] додека Интер и Рома започнале нови проекти со нови тренери на својте клупи: доскорашниот тренер на џалоросите Лучано Спалети пристигнал на клупата на нероаѕурите^[25] додека клубот од главниот град го назначил Еузебио Ди Франческо, кој дошол во клубот по неколку добри сезони како тренер на Сасуоло.^[26] Двете екипи се обиделе да го засилат тимот што им бил достапен на новите тренери, па затоа во Интер пристигнале Шкриниар од Сампдорија и поранешните фудбалери на Фјорентина Борха Валеро и Весино,^[27] додека во Рома пристигнале Коларов, Гоналон и Шик, и покрај тоа што некои важни играчи претходно си заминале како што се Ридигер, Паредес и Салах.^[28] Наместо нив, Лацио на Симоне Инѕаги морал да се справи со значителни продажби, како што биле оние на гореспоменатиот Биља и Кеита, кои ги замениле со Лукас Леива и Нани.

Зимска сесија

Зимската сесија на трансфер пазарот не евидентирала големи операции: Јувентус не довел никој па единствената нивна операција била излезна, преќајќи го Пјаца на заем во Шалке 04; истото важи и за Наполи, кој им ги позајмил Максимовиќ и Џакерини, соодветно на Спартак Москва и Кјево, но не успеале да реализираат купување на друг напаѓач што било желба на нивниот тренер.^[29] Меѓу најактивните екипи во зимската сесија бил Интер, кој се засилил со пристигнувањето на Лисандро Лопес од Бенфика^[30] и Рафиња од Барселона,^[31] додека во исто време ги продале Нагатомо на Галатасарај и Жоао Марио на Вест Хем Јунајтед; спртоивно на нив, Милан не извршил никаков вид на значителна операција на пазарот, ниту влезна ниту излезна. Рома го загубила Емерсон кој заминал во Челси (го замениле со Џонатан Силва), но пред сè успеале да издржат на притисокот на истиот лондонски тим за да го задржат напаѓачот Џеко,^[32] додека единствениот трансфер на Лацио бил Касерес кој дошол од Верона. Меѓу останатите екипи, вреди да се истакне Сасуоло, кој се засилил со доаѓањето на напаѓачот Бабакар од Фјорентина, во замена за Фалчинели, кој и се приклучил на виола.

Прв дел од сезоната (Андата)

Првиот месец од сезоната август не донел некој поголеми изненадувања, бидејќи екипите од "големата тројка" (Интер, Милан и Јувентус) веднаш го окупирале врвот на табелата со максимален број на бодови откако победиле во првите два натпревари, исто како и Сампдорија и Наполи,^[34][35][36] но невообичаена ситуација имало на дното на табелата каде покрај новакот Беневенто се нашле и екипи од кој се очекуваше многу повеќе како Фјорентина, Аталанта, Удинезе и Каљари (сите без бодови по две кола).^[37] Веќе септемвриската слика е многу попрецизна.^[38] Поразите од Лацио, Сампдорија и Рома го оддалечиле Милан од врвот,^[39] a тој останал окупиран од Наполи и Јувентус, додека Интер бил веднаш зад нив.^[40]

Во седмото коло од сезоната, искористувајќи го првиот кикс на актуелните италијански шампиони (нерешено 2-2 против Аталанта), наполитанците го преземале водството во првенството, останувајќи осамени на врвот со два бода предност.^[41][42] Во месеците октомври и ноември Наполи сè уште без пораз водел на табелата; а во потрага по нив биле Интер, Јувентус, Лацио и Рома, додека Милан на Винченцо Монтела (поразен во сите директни натпревари со првите пет) сè повеќе заостанувал зад наведените екипи. На другиот крај на табелата, на самото дно, ситуацијата на новопромовираниот Беневенто била многу тешка, поставувајќи негативен рекорд од 14 последователни порази од почетокот на сезоната.

Во текот на месец декември се регистрирани две промени на врвот на табелата; Наполи е за првпат поразен во ова првенство со 1-0 на домашен натпревар од Јувентус (со голот на некогашниот играч на Наполи, Игуаин), и во истото тоа коло е престигнат од Интер, кој пак е престигнат од Наполи и Јувентус две недели подоцна откако тие го регистрирале својот прв сезонски пораз со 1-3 на домашен терен од Удинезе.^[43][44] На дното на табелата, во меѓувреме, Беневенто го пронашол својата прв историски бод во Серија А во ремито 2-2 против Милан (кој сега бил воден од страна на Џенаро Гатузо, по отпуштањето на Монтела).^[45] По завршувањето на последното коло од првиот дел на првенството, Наполи и понатаму бил водач на табелата со бод предност во однос на Јувентус, додека Интер се чини дека го загубил тлото кога е во прашање Битката за врвот.

Втор дел од сезоната (Риторно)

На почетокот од вториот круг била потврдена сликата од крајот на годината: во битка за скудетото се издвоиле Наполи и Јувентус, при што партенопеите водат на пласман и ги принудуваат бјанконерите да ги следат, додека за преостанатите места кој водат во Лигата на шампионите за следната сезона во борба биле Интер, Рома и Лацио. На дното, покрај Беневенто кој сè повеќе и повеќе се оддалечувал од сигурната зона која носи опстанок и сè повеќе изгледал закован на дното на табелата (иако во меѓувреме успеале да дојдат до првите долгоочекувани победи во лигата против Кјево и Сампдорија), регистрирана е како и обично голема борба, меѓу 7 тима кој во разлика од само 6 бода. Месецот февруари не понудил големи пресврти; освен што може да се евидентира малото одлепување на Наполи од Јувентус, кој го искористил одложувањето на натпреварот Јувентус-Аталанта да дојде до предност од +4,^[46] и враќањето на Милан, кој под водството на Гатузо се чини дека повторно ја пронашол играта и резултатите, скратувајќи го јазот до екипите кој се борат за место во Лигаата на шампионите^[47](како и до Сампдорија, која била меѓу откровенијата на сезоната). Сасуоло и Кротоне во овој дел од сезоната се соочуваат со потешкотии, кои ги тераат загрижувачки да гледаат код пад во зоната за испаѓање (окупирана во тој момент од новаците СПАЛ, Верона и Беневенто).

27-мото коло од сезоната е нарушено со изненадната смрт на Давиде Астори, капитенот на Фиорентина, неколку часа пред натпреварот против Удинезе: Лигата ги одложи сите седум натпревари кој биле закажани за тој ден, вклучувајќи го и дербито на Милано, кое исто така било закажано за тој ден (другите три натпревари биле одиграни во сабота, ден пред смртта на Астори).^[48][49]

Во следниот коло забележано е престигнувањето на врвот на табелата: Наполи одиграл нерешено со Интер^[50] и, исто така, поради поразот дома од Рома една недела претходно, му го препуштаат првото место на актуелниот шампион Јувентус.^[51] Три дена подоцна, бјанконерите победиле во одложениот натпревар против Аталанта и стигнале до +4.^[52] Оваа дистанца помеѓу првите два тима на табелата останала актина сè до нивниот меѓусебен натпревар во 34-тото коло, и покрај некои обиди на Јувентус за зголемување на предноста: во Торино сепак победуваат небесно сините (со 1-0 со голот на Кулибали во 90-тата минута), и ја скратил предноста на противникот на -1.^[53] По истото ова коло, Беневенто била првата екипа што и математички испаднала во Серија Б.^[54] Сепак, веќе во следното коло, Јувентус се вратил на +4, победувајќи го Интер на Сан Сиро во Дербито д'Италија и искористувајќи го катастрофалниот пораз на Наполи на гостувањето кај Фјорентина ден подоцна.^[55][56] Името на втората екипа која испаднала било познато по 36-тото коло, кога Верона загубила со 4-1 од Милан и му се приклучила на Беневенто како уште една екипа која се вратила во Серија Б после само една сезона во највисоката италијанска лига.^[57]

Сликата околу конечниот поредок станала подетална во 37-мото коло, кога поразот на Интер од Сасуоло и овозможил на Рома и математички да избори место во Лигата на шампионите.^[59] Во неделата попладне, Милан го осигурал своето место во Лигата на Европа благодарение на ремито 1-1 со еден од директните конкуренти, екипата на Аталанта.^[60] двојната вечерна програма, го донела и името на шампионот за оваа сезона, тоа бил Јувентус кој одиграл нерешено 0-0 на гостувањето кај Рома, што му било доволно да го осигура историското седмо скудето едноподруго во последните 7 години или нивно 34-то во клупската историја;^[61] истата вечер згаснале надежите на двете екипи кој играле натпревар во Џенова - Сампдорија и Наполи, Наполи победил со 2-0 но таа победа не им донела ништо затоа што истата вечер ги загубиле шансите за скудетото (веќе ја имале осигурано втората позиција на табелата), додека поразот за Сампдорија значел и дефинитивен крај на шансите за изборување на квалификациите за Лигата на Европа.^[60] Сценаријата за тоа кој ќе го освои четвртото место и последната екипа која ќе испадне од лигата останале отворени до последното коло, поради ремито помеѓу Кротоне и Лацио: бјанкочелестите ја зголемиле својата предност во однос на Интер на 3 бода во пресрет на нивниот директен судир закажан за последното коло, додека за питагорејците патот за спасување втора година по ред во последното коло останал отворен.^[62]

Испаѓањето на Кротоне во претходното коло било само одложено, бидејќи поразот од Наполи (кој воспоставил свој сопствен клупски рекорд по бројот на освоени бодови во една лига, а за првпат во историјата на лигата еден клуб кој достигнал до 91 бод завршил како втор во пласманот) во последната рунда ги осудува на испаѓање во Серија Б, по две сезони во елитната италијанска конкуренција.^[63] Нивното испаѓање значело спас и опстанок во лигата за Удинезе, Кјево, СПАЛ и Каљари;^[64]сардинијците исто така сами си ја завршиле работата победувајќи ја Аталанта, која завршила на седмото место: поразот на Фјорентина од Милан, всушност, ја исклучил виола од Европа, во корист на токму на Аталанта, која ќе мора да започне со натпреварувањето од втората рунда на квалификации.^[65] Дилемата за последното слободно место кое води во Лигата на шампионите била решена во корист на Интер, кој го победи Лацио со 3-2, и го престигнал на табелата, поради фактот што бил подобар во меѓусебните натпревари. Така, бјанкочелестите завршиле во групната фаза од Лигата на Европа, заедно со Милан.^[66]

Рангирањето на најдобрите стрелци е завршено со поделба на првото место, помеѓу најдобриот стрелец на бјанкочелестите и нероаѕурите: Имобиле и Икарди, секој од нив постигнал по 29 голови.^[67] За двајцата ова е вторпат во кариерата да бидат најдобри стрелци во италијанското првенство: аргентинецот исто така ја освоил оваа награда пред 3 години, и тогаш завршувајќи со еднаков број голови со друг играч (во тој случај Тони од Верона, со по 22 гола), додека Имобиле веќе бил најдобар стрелец пред 4 години.^[67]

За тренерот на Јувентус, Масимилијано Алегри ова било петто лично скудето во кариерата (4 со Јувентус и 1 со Милан), со што тој се изедначил со Фабио Капело и Марчело Липи по бројот на освоени титули во италијанското првенство останувајќи единствено само зад Џовани Трапатони. Исто така тој станал само вториот тренер (по Карло Каркано) кој успеал да освои 4 шампионски титули едноподруго со кој било клуб.

Екипи по региони

Број на екипи	Регион	Екипи
3	Емилија-Ромања	Болоња, Сасуоло и СПАЛ
	Ломбардија	Аталанта, Интер и Милан
2	Венето	Кјево и Хелас Верона
	Кампанија	Наполи и Беневенто
	Лацио	Лацио и Рома
	Лигурија	Џенова и Сампдорија
	Пиемонт	Јувентус и Торино
1	Калабрија	Кротоне
	Сардинија	Каљари
	Тоскана	Фјорентина
	Фурланија-Јулиска Краина	Удинезе

Стадионите на екипите и нивните локации

Екипа Град Стадион Капацитет сезона 2016–2017 Аталанта Бергамо Атлети Аѕури д'Италија &1000000000000002130000021,300 04 4-ти во Серија А Беневенто Беневенто Стадион Чиро Вигорито &1000000000000001755399917,554 20 Серија Б Плејоф победник Болоња Болоња Стадион Ренато Дал'Ара &1000000000000003827900038,279 15 15-ти во Серија А Верона Верона Марк'Антонио Бентегоди &1000000000000003840200038,402 19 2-ри во Серија Б Интер Милано Сан Сиро &1000000000000008001800080,018 07 7-ми во Серија А Јувентус Торино Стадион Јувентус &1000000000000004150699941,507 01  Серија А шампион Каљари Каљари Сардења арена &1000000000000001623300016,233 11 11-ти во Серија А Кјево Верона Марк'Антонио Бентегоди &1000000000000003840200038,402 14 14-ти во Серија А Кротоне Кротоне Стадион Ецио Шида &1000000000000001654700016,547 17 17-ти во Серија А Лацио Рим Олимпико &1000000000000007063400070,634 05 5-ти во Серија А Милан Милано Сан Сиро &1000000000000008001800080,018 06 6-ти во Серија А Наполи Неапол Стадион Сан Паоло &1000000000000006024000060,240 03 3-ти во Серија А Рома Рим Олимпико &1000000000000007063400070,634 02 2-ри во Серија А Сампдорија Џенова Стадион Лујџи Ферарис &1000000000000003668500036,685 10 10-ти во Серија А Сасуоло Сасуоло Стадион Мапеи (Реџо Емилија) &1000000000000002371699923,717 12 12-ти во Серија А СПАЛ Ферара Стадион Паоло Маца &1000000000000001301999913,020 18 Серија Б шампион Торино Торино Олимпико ди Торино &1000000000000002799399927,994 09 9-ти во Серија А Удинезе Удине Стадион Фриули &1000000000000002514399925,144 13 13-ти во Серија А Фјорентина Фиренца Стадион Артемио Франки &1000000000000004314699943,147 08 8-ми во Серија А Џенова Џенова Стадион Лујџи Ферарис &1000000000000003668500036,685 16 16-ти во Серија А

Аталанта Беневенто Болоња Каљари Кјево Верона Кротоне Џенова Сампдорија Фјорентина Јувентус Милан Интер Лацио Рома Наполи Сасуоло СПАЛ Торино Удинезе class=notpageimage| Локации на екипите од Серија А 2017–2018

Личности и спонзори

Екипа	Тренер	Капитен	Опрема	Спонзор на дресот
Аталанта	Џан Пјеро Гасперини	Алехандро Гомес	Хома	TWS
Беневенто	Роберто Де Зерби	Фабио Лучони	FG Sport	La Molisana
Болоња	Роберто Донадони	Антонио Миранте	Макрон	Faac
Верона	Фабио Пекија	Ромуло	Најк	Metano Nord
Интер	Лучано Спалети	Мауро Икарди	Најк	Pirelli
Јувентус	Масимилијано Алегри	Џанлујџи Буфон	Адидас	Jeep
Каљари	Диего Лопес	Даниеле Десена	Макрон	Ichnusa
Кјево	Лоренцо Д'Ана	Серџо Пелисие	Џивова	Paluani
Кротоне	Валтер Ѕенга	Алекс Кордаз	Zeus Sport	Lewer
Лацио	Симоне Инѕаги	Сенад Лулиќ	Макрон	Seleco
Милан	Џенаро Гатузо	Леонардо Бонучи	Адидас	Fly Emirates
Наполи	Маурицио Сари	Марек Хамшик	Капа	Lete
Рома	Еузебио Ди Франческо	Даниеле Де Роси	Најк	Qatar Airways
Сампдорија	Марко Џампаоло	Васко Реџини	Хома	Invent Energy
Сасуоло	Џузепе Јакини	Франческо Мањанели	Капа	Мапеи
СПАЛ	Леонардо Семпличи	Мирко Антенучи	Макрон	Vetroresina
Торино	Валтер Маѕари	Андреја Белоти	Капа	Сузуки
Удинезе	Игор Тудор	Данило	HS Sport	Дачија
Фјорентина	Стефано Пиоли	Милан Бадељ	Le Coq Sportif	Folletto
Џенова	Давиде Балардини	Матија Перин	Лото	Eviva Energia

Тренерски промени

Екипа	Тренер кој заминал	Причина	Дата на заминување	Позиција	Тренер кој го заменил	Дата на назначување
Интер	Стефано Веки	Крај на привр. период	28 мај 2017	Пред-сезона	Лучано Спалети	9 јуни 2017 [68]
Рома	Лучано Спалети	Спогодбено	30 мај 2017[69]		Еузебио Ди Франческо	13 јуни 2017[70]
Фјорентина	Пауло Соуса	Му истекол договорот	6 јуни 2017		Стефано Пиоли	6 јуни 2017 [71]
Сасуоло	Еузебио Ди Франческо	Заминал во Рома	13 јуни 2017		Кристијан Буки	20 јуни 2017[72]
Каљари	Масимо Растели	Отпуштен	17 октомври 2017[73]	14-ти	Диего Лопес	18 октомври 2017[74]
Беневенто	Марко Барони		23 октомври 2017	20-ти	Роберто Де Зерби	23 октомври 2017[75]
Џенова	Иван Јуриќ		5 ноември 2017[76]	18-ти	Давиде Балардини	6 ноември 2017[77]
Удинезе	Лујџи Дел Нери		21 ноември 2017[78]	14-ти	Масимо Одо	21 ноември 2017[79]
Сасуоло	Кристијан Буки		27 ноември 2017[80]	16-ти	Џузепе Јакини	27 ноември 2017[81]
Милан	Винченцо Монтела		27 ноември 2017[82]	7-ти	Џенаро Гатузо	27 ноември 2017[83]
Кротоне	Давиде Никола	Оставка	6 декември 2017[84]	16-ти	Валтер Ѕенга	8 декември 2017[85]
Торино	Синиша Михајловиќ	Отпуштен	4 јануари 2018[86]	10-ти	Валтер Мацари	4 јануари 2018[87]
Удинезе	Масимо Одо		24 април 2018[88]	15-ти	Игор Тудор	24 април 2018[89]
Кјево	Роландо Маран		29 април 2018[90]	17-ти	Лоренцо Д'Ана	29 април 2018

Последно ажурирање: 22 мај 2018.^[91]

	Поз.	Екипа	Бод	ОН	П	Н	И	ДГ	ПГ	ГР
	1.	Јувентус	95	38	30	5	3	86	24	+62
	2.	Наполи	91	38	28	7	3	77	29	+48
	3.	Рома	77	38	23	8	7	61	28	+33
	4.	Интер	72	38	20	12	6	66	30	+36
	5.	Лацио	72	38	21	9	8	89	49	+40
	6.	Милан	64	38	18	10	10	56	42	+14
[92]	7.	Аталанта	60	38	16	12	10	57	39	+18
	8.	Фјорентина	57	38	16	9	13	54	46	+8
	9.	Торино	54	38	13	15	10	54	46	+8
	10.	Сампдорија	54	38	16	6	16	56	60	−4
	11.	Сасуоло	43	38	11	10	17	29	59	−30
	12.	Џенова	41	38	11	8	19	33	43	−10
	13.	Кјево	40	38	10	10	18	36	59	−23
	14.	Удинезе	40	38	12	4	22	48	63	−15
	15.	Болоња	39	38	11	6	21	40	52	−12
	16.	Каљари	39	38	11	6	21	33	61	−28
	17.	СПАЛ	38	38	8	14	16	39	59	−20
	18.	Кротоне	35	38	9	8	21	40	66	−26
	19.	Верона	25	38	7	4	27	30	78	−48
	20.	Беневенто	21	38	6	3	29	33	84	−51

Пласман

• Јувентус Шампион на Италија 2017-2018 (34-та титула) и освојувач на Купот на Италија 2017-2018
• Јувентус, Наполи, Рома и Интер се квалификувале за групната фаза на Лигата на шампионите 2018-2019.
• Лацио и Милан се квалификувале за групната фаза на УЕФА Лига Европа 2018-2019; Аталанта се квалификувала за третото коло од квалификациите за УЕФА Лига Европа 2018-2019.
• Кротоне, Верона и Беневенто испаднале во Серија Б 2018-2019.

Шампионскиот тим

Почетна постава 4-3-3 формација
1	Џанлујџи Буфон (21 настап)
26	Стефан Лихтштајнер (27)
4	Меди Бенатија (20)
3	Џорџо Кјелини (26)
12	Алекс Сандро (26)
6	Сами Хедира (26)
5	Миралем Пјаниќ (31)
14	Блез Матуиди (32)
10	Пауло Дибала (33)
11	Даглас Коста (31)
9	Гонсало Игуаин (35)

• Тренер: Масимилијано Алегри

Резерви:Марио Манџукиќ (32), Андреја Барцалји (26), Даниеле Ругани (22), Федерико Бернардески (22), Хуан Квадрадо (21), Родриго Бентанкур (20), Квадво Асамоа (19), Војќех Шченсни (17), Клаудио Маркизио (15), Матија Де Шиљо (12), Стефано Стураро (12), Бенедикт Хеведес (3), Карло Пинсољо (1).

Табеларен приказ

Последно ажуриање: 28 мај 2018.

Читањето хоризонтално ни ги покажува резултати на домашен терен на наведената екипа од првата колона, а читањето вертикално ни ги покажува резултатите во гости на наведената екипата од првиот ред.

Календар

Извлекувањето на календарот се одржало на 26 јули 2017 година.^[93][94]

Екипна

Лидери на табелата

• Од 7-мо до 14-то коло: Наполи
• Од 15-то до 16-то коло: Интер
• Од 17-то до 27-мо коло: Наполи
• Од 28-мо до 38-мо коло: Јувентус

Создавање на пласманот

Освоени бодови во сооднос

Сооднос дома-гости