क्रिस्टियानो रोनाल्डो

रोनाल्डोको जन्म पोर्चुगलको फञ्चल, म्याडेइराको एक बस्ती सान्तो आन्तोनियोमा ५ फेब्रुअरी १९८५ को दिन माता मारिया डोलोरेस डस सान्तोस अभेइरो र पिता होजे डिनिस अभेइरोका कान्छा सन्तानको रूपमा भएको थियो । क्रिस्टियानो रोनाल्डोका एक भाइ ह्युगो र दुई दिदी एल्मा र लिलाना कातिया छन् । क्रिस्टियानो रोनाल्डोको नामको दोश्रो भाग रोनाल्डो पोर्चुगलमा अपेक्षाकृत दुर्लभ छ । उनको मातापिताले उनको यो नाम त्यतिबेलाका अमेरिकी राष्ट्रपति रोनाल्ड रेगनको नाममा राखेका थिए किनकी रोनाल्ड रेगन उनका बुवाका मनपर्ने अभिनेता थिए ।

रोनाल्डो स्कुलमा रहँदा अन्य विद्यार्थी सरह पढाईमा अब्ब‌ल थिए तर उनी आफ्ना शिक्षकलाई कुर्सीले हिर्काएर स्कुलबाट निष्कासित भएका थिए । व्यवसायिक खेलाडीका रूपमा स्थापित भइसकेपछी उक्त घटनाको बारेमा बोल्दै उनले भनेका थिए, उहाँले मलाई अनादर गर्नुभयो । १४ वर्षको उमेरमा उनले आफ्नी आमाको कुरा मानेर सम्पूर्ण ध्यान फुटबलमा केन्द्रित गर्ने वचन दिए ।

स्पोर्तिङ सेपे

रोनाल्डो १६ वर्षको हुँदा उनको ड्रिबलिङ (विपक्षीलाई छक्याएर बल अगाडि बढाउने) क्षमताबाट प्रभावित भएर स्पोर्टिङ सिपीका प्रशिक्षकले उनलाई युवा टोलीबाट मुख्य टोलीमा बढुवा गरेका थिए। ^[२] उनी एकै सिजनमा क्लबको १६ वर्ष मुनिको उमेर समूह, १७ वर्ष मुनिको उमेर समूह, १८ वर्ष मुनिको उमेर समूह, बी टिम र मुख्य टोलीबाट खेल्ने पहिलो खेलाडी बने।^[३] सन २००२ अक्टोबर ७ मा उनले पोर्चुगलको प्रिमियर लिगाको पहिलो खेलमा दुई गोल गरे जुन खेलमा उनको टिम ३-० ले विजयी भयो।^[४] स्पोर्टिङ र म्यानचेस्टर युनाइटेडबिच सन् २००३ अगस्टमा लिस्बनमा भएको खेलमा युनाइटेड ३-१ ले पराजित हुँदा युनाइटेडका खेलाडीहरू र प्रशिक्षक सर एलेक्स फर्गुसन रोनाल्डोको खेल कौशलबाट अत्याधिक प्रभावित भए। यही खेलले रोनाल्डोलाई युनाइटेडमा स्थानान्तरण गराउन मुख्य भूमिका खेल्यो।^[५] फर्गुसनले त्यतिबेला रोनाल्डोलाई आफूले जीवनमा भेटेका सर्वोत्कृष्ट युवा खेलाडीमध्ये एक भनेका थिए।^[६][७] रोनाल्डो स्पोर्टिङबाट बाहिरिएको एक दशक पछि सन् २०१३ अप्रिलमा क्लबले उनलाई क्लबको १००,०००औँ सदस्य बनाएर सम्मान गरेको छ।^[८]

म्यानचेस्टर युनाइटेड

२००३-२००६: विकास र परिपक्वता

सन २००३-०४ को सिजन अगाडि म्यानचेस्टर युनाइटेडमा अनुबन्धित भएका रोनाल्डो क्लबमा खेल्ने पोर्चुगलको पहिलो खेलाडी बने।^[९] £१२.२४ मिलियनमा भित्र्याइएका उनी उक्त समयमा बेलायतको फुटबल इतिहासमा सर्वाधिक महङ्गा किशोर खेलाडी भएका थिए।^[१०] उनले २८ नम्बरको जर्सीको माग गरेका थिए किनकी उनले यो नम्बर स्पोर्टिङमा लाउने गरेका थिए तर उनले ७ नम्बरको जर्सी पाए जुन नम्बर क्लबका प्रभावशाली खेलाडीहरू जस्तै जर्ज बेस्ट, इरिक क्यान्टोना, डेभिड बेक्ह्याम आदिले लाउने गर्थे।^[११] यसले उनलाई थप उत्साहित बनायो,^[१२] र उनले ३ वर्षभित्र विश्वको सर्वश्रेष्ठ खेलाडी मध्ये एक बन्ने लक्ष्य राखे।^[१३] रोनाल्डोको खेल जीवनलाई उचाईमा पुर्‍याउन म्यानचेस्टर युनाइटेडका प्रशिक्षक सर एलेक्स फर्गुसनको महत्त्वपुर्ण भूमिका रह्यो। रोनाल्डोले भनेका छन, फुटबल खेलमा फर्गुसन मेरा पिता हुन, मेरो जीवनको एक अति नै महत्त्वपुर्ण र प्रभावशाली व्यक्ति हुन्। ^[१४]

विगतमा विभिन्न खेलाडीहरूलाई 'नयाँ जर्ज बेस्ट' भनेर भनियो, तर त्यसो भनेर मेरो प्रशंसा गरेको जस्तो मलाई पहिलो पटक लाग्दैछ।^[१५] १८ वर्षे रोनाल्डोको बारेमा पूर्व म्यानचेस्टर युनाइटेड खेलाडी जर्ज बेस्ट ।

सन २००३ अगस्त १६ मा रोनाल्डोले युनाइटेडको लागि पहिलो खेल खेले। बोल्टोन वान्डरर्स विरुद्ध युनाइटेड ४-० ले विजयी भएको प्रिमियर लिगको खेलको ६०औँ मिनेटमा रोनाल्डो मैदान प्रवेश गर्दा सबै दर्शकले उभिएर स्वागत गरेका थिए।^{[१६][१७]} उक्त खेलमा रोनाल्डोको प्रदर्शनलाई पूर्व म्यानचेस्टर युनाइटेड खेलाडी जर्ज बेस्टले सबैभन्दा आकर्षक पहिलो खेल भनेका थिए । युनाइटेडको लागि रोनाल्डोले पहिलो गोल सोही नोभेम्बर १ मा फ्री किक मार्फत गरे, उक्त खेलमा पोर्टस्माउथ ३-० ले पराजित भयो।^[१८] उक्त सिजन लिगमा रोनाल्डोले थप तीन गोल गरे।^{[१९][२०]} उक्त सिजन लिगको अन्तिम दिन एस्टन भिल्लाविरुद्ध उनले एक गोल गर्नुका साथै पहिलो पटक रातो कार्ड पनि पाए।^[२१] एफए कपमा मिलवाल एफसी विरुद्ध ३-० को जितमा पहिलो गोल गरेका रोनाल्डोले युनाइटेडमा पहिलो उपाधि जित्दै आफ्नो पहिलो सिजन बिताए।^[२२]

सन् २००४-०५ को सिजनमा उत्कृष्ट खेल पस्किदै उनले आफ्नो विकासक्रम जारी राखे। विङ्गबाट खेलेर अत्याधिक गोल नगरे पनि उनले सन् २००५-०६ को सिजनमा तीन खेलमा दुई/दुई गोल गरे।^[२३] सन् २००५ अक्टोबर २९ मा उनले प्रिमियर लिगमा युनाइटेडको १०००औँ गोल गरे तर उक्त खेलमा युनाइटेड पराजित भयो।^[२४] सोही सिजनको मध्यतिर उनले क्लबसँगको अनुबन्ध दुई वर्ष थपेर सन् २०१० सम्म पुर्‍याए।^[२५] सन् २००५-०६ को लिग कप फाइनलमा गोल गर्दै उनले युनाइटेडको लागि दोस्रो उपाधि जिते।^[२६]

सन २००६ को विश्वकप फुटबलमा रोनाल्डोको कारणले क्लबका अर्का खेलाडी वाइने रोनीलाई रातो कार्ड दिइएको आरोप लागेपछि,^[२७] युनाइटेडले आफूलाई बचाऊ नगरेको भन्दै उनले अर्को क्लबमा स्थानान्तरण गरिदिन माग गरे।^{[२८][२९]} तर उनको क्लबले यसलाई अस्वीकार गर्यो।^{[३०][३१]} सोही घटनाको कारणले युनाइटेड र रोनीका समर्थकहरूले रोनाल्डोलाई सन् २००६-०७ सिजनभर गिज्याए पनि यो सिजनले उनलाई एक उत्कृष्ट खेलाडीको रूपमा उदय गरायो।^[३२] उनले सो सिजनमा २०-गोलको सीमा पार गरे भने पहिलो पटक प्रिमियर लिगको उपाधि जित्न सफल भए। नोभेम्बरमा उनलाई खेलमा प्रतिस्थापन गरिदाँ विपक्षी ब्ल्याकबर्न रोवर्स एफसीका समर्थकहरूले उभिएर सम्मान गरेका थिए।^[३३] डिसेम्वरमा उनले लगातार तीन खेलमा दुई/दुई गोल गरेका थिए। ^[३४] नोभेम्बर र डिसेम्बरमा उनी प्रिमियर लिगको उत्कृष्ट खेलाडी हुदैँ उनी यसरी लगातार दुई महिनाभित्र उत्कृष्ट हुने प्रिमियर लिग इतिहासकै तेस्रो खेलाडी भएका थिए।^{[३५][३६]}

२००७-२००९: सफलता नै सफलता

सन् २००६-०७ को सिजनमा युइएफए च्याम्पियन्स लिगको उत्कृष्ट आठको खेलमा रोमा क्लब विरुद्ध युनाइटेडले ७-१ को जित निकाल्दा रोनाल्डोले दुई गोल गर्दै च्याम्पियन्स लिगमा गोलको खाता खोले। ^{[३७][३८]} सन् २००७ मे ५ को म्यानचेस्टर डर्बीमा एक गोल गर्दै उनले युनाइटेडको लागि गोल सङ्ख्या ५० पुर्‍याए। सोही सिजन युनाइटेडले चार वर्ष पछि फेरि लिगको उपाधि जित्यो।^[३९] उत्कृष्ट प्रदर्शनको कारणले रोनाल्डोले पिएफए, व्यवसायिक फुटबल खेलाडी सङ्गठन) वर्ष खेलाडी, पिएफए फ्यान वर्ष खेलाडी, पिएफए युवा वर्ष खेलाडी तथा एफडब्लुए, फुटबल पत्रकार सङ्गठन) वर्ष खेलाडीको उपाधि जिते ।^{[४०][४१]} यी चार उपाधि एकैसाथ जित्ने उनी पहिलो खेलाडी बने।^[४२] क्लबले उनको तलब बढाएर £१२०,००० प्रतिहप्ता पुर्‍यायो भने उनले पाँच वर्षको लागि अनुबन्ध बढाउन सहमति जनाए।^[४३]

सन् २००७-०८ को सिजनमा उनले ४२ गोल गरे, यो उनले म्यानचेस्टर युनाइटेडका लागि एक सिजनमा गरेको सबैभन्दा धेरै गोल हो। ^[४४] बेलोन डी' ओर २००७ मा उप-विजेता घोषित भए, जसमा काका विजेता भएका थिए। ^[४५] साथै फिफा वर्ष खेलाडीमा काका र मेस्सी पछि तेस्रो भएका थिए। ^[४६]सन् २००८ जनवरी १२ मा उनले युनाइटेडको लागि पहिलो ह्याट्रिक गरे, उक्त खेलमा न्युक्यासल युनाइटेडलाई ६-० गोलअन्तरले पराजित गर्दै म्यानचेस्टर युनाइटेड शीर्ष स्थानमा उक्लियो। ^[४७] मार्च १९ मा उनले पहिलो पटक म्यानचेस्टर युनाइटेडको कप्तानी गर्दै बोल्टोन विरुद्ध दुई गोल गरे।^[४८] बोल्टोन विरुद्धको दोस्रो गोल उक्त सिजनमा रोनाल्डोको ३३औँ गोल थियो, यससँगै मध्यपङ्तिमा खेल्ने रोनाल्डोले सन् १९६७-६८ को सिजनमा जर्ज बेस्टले राखेको ३२ गोलको क्लब किर्तिमान तोडेका थिए।^[४९] मे ११ मा विगान विरुद्ध पेनाल्टीबाट निर्णायक गोल गर्दै उनले युनाइटेडलाई अर्को प्रिमियर लिग उपाधि जिताए। ^[५०] लिगमा ३१ गोल गरेका कारण उनले प्रिमियर लिग गोल्डेन बुट जिते भने युरोपेली गोल्डेन शू जित्ने पहिलो विङ्गर बने। ^{[५१][५२]}

सन २००७-०८ को सिजनमा युनाइटेडले युइएफए च्याम्पियन्स लिगको उपाधि जित्दा रोनाल्डोको भूमिका महत्त्वपुर्ण रहेको थियो।^[५३] च्याम्पियन्स लिगको उक्त संस्करणमा सर्वाधिक गोल गरेका रोनाल्डोले युइएफए वर्ष खेलाडी भएका थिए।^[५४] उनले लगातार दोस्रो वर्ष पिएफए वर्ष खेलाडी तथा एफडब्लुए वर्ष खेलाडीको उपाधि पनि जितेका थिए।^[५५]

सन २००८-०९ को संस्करण युनाइटेडमा उनको अन्तिम संस्करण थियो। उनले २००८ नोभेम्बर १५ मा स्टोक सिटी विरुद्ध गोल गर्दै युनाइटेडका लागि आफ्नो गोल सङ्ख्या १०० पुर्‍याएका थिए।^[५६] यस सँगै उनले एकै संस्करणमा प्रिमियर लिगका सबै १९ विपक्षी विरुद्ध गोल गर्न सफल भएका थिए।^[५७] २००८ मा युनाइटेडले क्लब विश्वकप जित्दा रोनाल्डोको योगदान महत्त्वपुर्ण रह्यो।^[५८] प्रतियोगितामा उनले सिल्भर बल जिते।^{[५९][६०]} उनले सन २००८ को बेलोन डी' ओर जितेर जर्ज बेष्ट (१९६८) पछि सो पुरस्कार जित्ने पहिलो युनाइटेड पहिलो खेलाडी बने। ^{[६१][६२]} सोही वर्ष उनी फिफा वर्ष खेलाडी घोषित भए, प्रिमियर लिग खेलाडीले यो पुरस्कार पाएको यो पहिलो अवसर थियो।^[६३] २००८-०९ को सिजन उनको प्रेरणामा युनाइटेड युइएफए च्याम्पियन्स लिगको फाइनलमा पुग्यो तर बार्सिलोनासँग पराजित भएर उप-विजेता बन्यो। ^[६४] पोर्तो क्लब विरुद्धको दोस्रो खेलमा उनले ४० यार्डबाट गरेको गोलले वर्षको सर्वोत्कृष्ट गोलको रूपमा फिफा पुस्कास अवार्ड जित्यो। ^[६५]युनाइटेडले लिग कप र लगातार तेस्रो प्रिमियर लिग उपाधि जित्दा रोनाल्डोले सो क्लबबाट नौ उपाधिहरू जिते।^{[६६][६७]} म्यानचेस्टर युनाइटेडका लागि रोनाल्डोले अन्तिम गोल २००९ मे १० मा म्यानचेस्टर डर्बीमा फ्री किकमार्फत गरे।^[६८]

रियल म्याड्रिड

२००९-२०१२: किर्तिमानी स्थानान्तरण र ला लिगा उपाधि

सन २००९ मा £८० मिलियन को किर्तिमानी स्थानान्तरण रकम तिरेर रियल म्याड्रिडले रोनाल्डोलाई क्लबमा भित्र्याएको थियो। ^[७०] उनलाई क्लबको रङ्गशालामा स्वागत गर्न करीब ८०,००० समर्थक भेला भएका थिए, यसले २५ वर्ष अगाडिको मारादोनालाई नेपोली क्लबमा करीब ७५,००० ले स्वागत गरेर राखेको किर्तिमानी तोड्न सफल भएको थियो।^[७१] उक्त समयमा क्लबका कप्तान राउलले ७ नम्बरको जर्सी लाईरहेको हुनाले उनलाई ९ नम्बरको जर्सी दिइएको थियो।^[७२]

२००९-१० को संस्करण अन्तर्गत सन् २००९ अगस्ट २९ मा रियल म्याड्रिडको लागि पहिलो खेल खेल्दा रोनाल्डोले पेनाल्टीबाट गोल गरेका थिए भने उक्त खेल म्याड्रिडले ३-२ ले जितेको थियो।^[७३] आफ्ना पहिला चार खेलमा गोल गरेर उनी रियल म्याड्रिडको सो किसिमको पहिलो खेलाडी बनेका थिए।^[७४] युइएफए च्याम्पियन्स लिगमा म्याड्रिडको लागि उनका पहिला दुई गोल फ्री किक मार्फत ज्युरिच क्लब विरुद्ध बर्सिएका थिए।^[७५] सन २००९ को बेलोन डी' ओर र फिफा वर्ष खेलाडीमा उनी उप-विजेता बने भने उनका प्रतिष्पर्धी मेसीले दुबै पुरस्कार जितेका थिए। स्पेनको लिगको आफ्नो पहिलो संस्करण रोनाल्डोले एक ह्याट्रिक (२०१० मे ५ मा मालोर्सा विरुद्ध) सहित ३३ गोल गरेका थिए,^{[७६][७७]} तर क्लबले उपाधि जित्न भने असमर्थ रहेको थियो ।^[७८]

राउलले क्लब छाडेपछि सन् २०१०-११ को संस्करण देखि रोनाल्डोले ७ नम्बरको जर्सी लाएर खेल्न थालेका थिए।^[७९] २०१० अक्टोबर २३ मा उनले जीवनमै पहिलोपल्ट एक खेलमा चार गोल गर्दै रेसिङ् सान्तान्देर विरुद्ध म्याड्रिडलाई ६-१ को जित दिलाए। ^[८०] उनले सोही सिजन एथ्लेटिक बिल्बाओ, लेभान्टे, भिल्लार्रियाल र मालागा विरुद्ध ह्यट्रिक गरे।^[८१]

२०११ अप्रिलमा भएका चार एल क्लासिको (बार्सिलोना विरुद्ध) खेलमा उनले दुई गोल गर्दै आफ्नो गोल सङ्ख्या ४२ पुर्याए र आफूले एक सिजनमा गरेको जम्मा गोलको बराबरी गरे। युइएफए च्याम्पियन्स लिगको सेमिफाइनलबाट म्याड्रिड बाहिरिए पनि कोपा डेल रेको फाइनलमा रोनाल्डोले विजयी गोल गर्दै स्पेनमा पहिलो उपाधि जिते।^{[८२][८३]} त्यसको दुई हप्ता भित्र रोनाल्डोले सेभिल्ला विरुद्ध चार गोल^[८४] गेटाफे विरुद्ध ह्यट्रिक,^[८५] र भिल्लार्रियाल विरुद्ध फ्री किकमार्फत दुई गोल गर्दै सिजनमा आफ्नो लिग गोलसङ्ख्या ३८ पुर्याए, यो टेल्मो जार्रा र ह्युगो स्यान्चेजको लिग किर्तिमानको बराबरी थियो।^[८६] सिजनको अन्तिम खेलमा अल्मेरिया विरुद्ध दुई गोल गर्दै उनी ला लिगाको एक सिजनमा ४० गोल गर्ने पहिलो खेलाडी बने।^{[८७][८८]} स्पेनको पिचीची अवार्ड (सर्वाधिक गोलकर्ता) सँगै उनले युरोपियन गोल्डेन शू जिते र दुई फरक लिगबाट सो उपाधि जित्ने पहिलो खेलाडी बने।^[८९] उक्त सिजन रोनाल्डोले सबै प्रतियागिताहरूमा जम्मा ५३ गोल गरे।

सन २०११-१२ को सिजनमा उनले सबै प्रतियागिताहरूमा जम्मा ६० गोल गरे।^[९०] रियल म्याड्रिडको लागि १०० औँ गोल उनले सुपरकोपा डे स्पेनको खेलमा बार्सिलोना विरुद्ध क्याम्प नउमा गरे।^[९१] सन २०११ मा उनी पुन: फिफा बेलोन डी' ओरमा उप-विजेता बने। पाँच क्लबहरू (रियल जारागोजा, रायो भाल्लेकानो, मालागा, ओसासुना, सेभिल्ला) विरुद्ध ह्याट्रिक गर्दै रोनाल्डोले म्याड्रिडलाई लिगको आधा खेल सकिदा शीर्ष स्थानमा पुर्याए।^[९२] सो संस्करण रियल म्याड्रिडले किर्तिमानी १०० अङ्क सहित लिग जितेको थियो।^[९३] रोनाल्डोले ९२ लिग खेलबाट १०० गोल गर्दै सन २०१२ मार्च २४ मा क्लबको लागि नयाँ किर्तिमान राख्दा पुस्कासको पुरानो रेकर्ड तोडियो।^[९४] रोनाल्डोले सो सिजनमा ४६ गोल गरे।^[९५] साथै, एकै सिजनमा लिगका सबै १९ विपक्षी टिम विरुद्ध गोल गर्ने पहिलो खेलाडी बने।^[९६]

२०१२-१३ को सिजनको सुरुवातमा म्याड्रिडले सुपरकोपा डे स्पेन जित्यो। साथै बार्सिलोना विरुद्ध सुपर कपमा रोनाल्डोले २ गोल गर्दा म्याड्रिडले उपाधि चुम्यो^[९७] उनले च्याम्पियन्स लिगमा पहिलो ह्याट्रिक अज्याक्स विरुद्ध गरे जुन खेल म्याड्रिडले ४-१ ले जित्यो।^[९८] चार दिन पछि उनी एल क्लासिकोमा २-२ को बराबरी हुँदा दुबै गोल गरेर लगातार छ एल क्लासिकोमा गोल गर्ने पहिलो खेलाडी बने। सन २०१२ को फिफा बेलोन डी' ओरमा पनि रोनाल्डो दोस्रो भए।^[९९]

२०१३–२०१४: लगातार बेलोन डी' ओर र ला डेसिमा

२०१२-१३ सिजन अन्तर्गत सन २०१३ जनवरी ६ मा रोनाल्डोले पहिलो पटक रियल म्याड्रिडको कप्तानी गरे। उक्त खेलमा दुई गोल गरेर १० खेलाडीमा सीमित म्याड्रिडलाई रेआल सोसिदाद विरुद्ध ४-३ को जित दिलाएका थिए।^[१००] उनले क्लब जीवनको ५०० औँ खेल बार्सिलोना विरुद्ध खेल्दा एल क्लासिकोमा म्याड्रिडको कप्तानी गर्ने ६० वर्षमा पहिलो गैर-स्पेनी खेलाडी बनेका थिए।^[१०१] त्यसको तीन दिन अघि गेटाफे विरुद्ध ह्याट्रिक गरेर उनले आफ्नो क्लब गोल ३०० पुर्याएका थिए। मे ८ मा मालागा विरुद्ध उनले रियल म्याड्रिडको लागि २०० औँ गोल (१९७ खेलमा) गरे।^[१०२] रोनाल्डोले उत्कृष्ट प्रदर्शन गरे पनि म्याड्रिड कोपा डेल रेको फाइनल र लगातार तेस्रोपटक च्याम्पियन्स लिगको सेमिफाइनलमा पराजित भयो भने लिगको उप-विजेतामा सिमित भयो।^[१०३] तर रोनाल्डो भने क्याम्प नउमा लगातार छ खेलमा गोल गर्ने खेलाडी बने, १२ गोलका साथ दोस्रोपटक च्याम्पियन्स लिगको सर्वाधिक गोलकर्ता बने, भने उक्त सिजनमा सबै प्रतियोगितामा गरेर जम्मा गोल सङ्ख्या ५५ पुर्याए।

२०१३-१४ को संस्करणको सुरुवातमा क्लबसँगको आफ्नो अनुबन्ध परिमार्जन तथा थप गरेर सन् २०१८ सम्म पुर्याउदा उनी सर्वाधिक कमाउने फुटबल खेलाडी बनेका थिए। सन २०१३ मा रोनाल्डोले ५९ खेलबाट ६९ गोल गरेका थिए।^[१०४] सन २०१३ को अन्त्यतिर रोनाल्डोले २२ खेलबाट ३२ गोल गरे जसमा ५ ह्याट्रिक (गालातासारे, सेभिया, रेआल सोसिदाद, उत्तर आयरल्यान्ड, र स्विडेन विरुद्ध) रहेका थिए। सो वर्ष उनी फिफा बेलोन डी' ओर विजेता बन्न सफल भएका थिए।^[१०५]

रियल म्याड्रिडले आफ्नो दशौँ युरोपेली उपाधि जित्दा रोनाल्डोको भूमिका उल्लेखनिय रहेको थियो।^[१०६] साल्के, डर्टमुण्ड, बायर्न म्युनिख जस्ता क्लबसँग उत्कृष्ट प्रदर्शन गरेका उनले फाइनलमा आत्लेतिको माद्रिद विरुद्ध ४-१ को जितमा पेनाल्टीबाट गोल गरेपछि युरोपेली कपको फाइनलमा दुई विजयी टोलीबाट गोल गर्ने पहिलो खेलाडी बनेका थिए।^[१०७] उक्त फाइनलमा रोनाल्डो डाक्टरको सल्लाह विरुद्ध गएर खेलेका थिए, र यस बारेमा उनले भनेका थिए: “जीवनमा त्याग नगरी जित असम्भव छ, त्यसैले जोखिम उठाउनै पर्छ।”^[१०८] १७ गोल गरेर तेस्रोपल्ट च्याम्पियन्स लिगको सर्वाधिक गोलकर्ता बनेका रोनाल्डो, युइएफए वर्ष खेलाडी पनि बन्न सफल भएका थिए।

कोपा डेल रेको सेमिफाइनलमा आत्लेतिको माद्रिद विरुद्ध २ गोल गरेका उनी फाइनल भने चोटका कारण खेल्न पाएनन, जसमा रियल बार्सिलोना विरुद्ध २-१ ले विजयी भयो। सेमिफाइनलमा एत्लेटिको म्याड्रिडविरुद्धको पहिलो गोल गरेपछि उनी खेलको ९० मिनेटको हरेक मिनेटमा गोल गर्ने पहिलो खेलाडी बने। ^[१०९] उद्दरण त्रुटी: The opening <ref> tag is malformed or has a bad name ला लिगामा तेस्रो भए पनि रोनाल्डोले ३१ गोल गरेर पिचीची अवार्ड र युरोपियन गोल्डेन शू (स्वारेजसँग संयुक्त रूपमा) जिते।^[११०] जनवरी ६ मा सेल्टा भिगो विरुद्ध २ गोल गर्दा उनले ६५३ खेलबाट क्लब र देशको लागि ४०० औँ गोल गरेका थिए। भालेन्सिया विरुद्ध मे ४ मा पछाडी फर्केर हानेको गोल (ब्याकहिल भली) उनको सो सिजनको ५० औँ गोल थियो जुन गोललाई ला लिगाले वर्षको उत्कृष्ट गोलको दर्जा दियो भने रोनाल्डोलाई ला लिगा वर्ष खेलाडीको पुरस्कार प्रदान गरिएको थियो।^[१११]सन २०१४-१५ को सिजनमा रोनाल्डोले ६१ गोल गर्दै नया व्यक्तिगत किर्तिमान राखेका थिए।^[११२] डिसेम्बर ६ मा ला लिगाको २३ औँ ह्याट्रिक गर्दा रोनाल्डो ला लिगामा सबैभन्दा छिट्टो ला लिगामा २०० गोल (१७८ खेल) गर्ने खेलाडी बनेका थिए। २०१४ को फिफा क्लब विश्वकप जितेपछि,^[११३] रोनाल्डोले लगातार दोस्रो पटक फिफा बेलोन डी' ओर विजेता बन्दै तीन पटक सो अवार्ड जित्ने सिमित खेलाडीमा पर्न सफल भए।^[११४]

२०१५-२०१६: रियल म्याड्रिडको सर्वाधिक गोलकर्ता र ला अनडेसिमा

२०१४-१५ सिजनको शितकालिन विश्रामपछि रियल र रोनाल्डो दुबैको स्तर खस्किएको थियो।^[११५] सन् २०१५ को पहिलो खेलमा रोनाल्डोले सुरुवाती गोल गरेपनि म्याड्रिड भ्यालेन्सियासँग २-१ ले पराजित भई २२ खेलको विजयी यात्रा टुङ्गिएको थियो।^[११६] रियल म्याड्रिडले सो सिजन ला लिगामा दोस्रो स्थानमा चित्त बुझायो भने च्याम्पियन्स लिगमा सेमिफाइनलबाट बाहिरिएको थियो।^[११७] च्याम्पियन्स लिगमा टिमलाई सेमिफाइनलमा पुर्याउन रोनाल्डोले उत्कृष्ट खेल खेलेका थिए।^[११८] च्याम्पियन्स लिगमा १० गोल गरेका उनी लगातार तेस्रो र समग्रमा चौथो पटक सर्वाधिक गोलकर्ता भएका थिए।^[११५]

ला लिगामा रियल म्याड्रिड दोस्रो भयो तर रोनाल्डोको गोलको वर्षा जारी रहेको थियो। अप्रिल ५ मा ग्रानाडा विरुद्ध उनले जीवनमा पहिलो पटक एक खेलमा ५ गोल गरेका थिए।^[११९] तीन दिन पछि उनले म्याड्रिड क्लबको लागि ३०० औँ गोल रायो भाल्लेकानो विरुद्ध गरे।^[१२०] सेभिल्ला, इस्प्यानोल र ग्रानाडा विरुद्ध ह्याट्रिक गरेर उनले रियलमा आफ्नो ह्याट्रिक ३१ पुर्याए। रियल म्याड्रिड क्लबमा २८ ह्याट्रिकका साथ अल्फेडो डि स्टेफ्यानो सर्वाधिक ह्याट्रिककर्ता थिए।^{[११५][१२१]} उक्त सिजनमा रोनाल्डोले ४८ लिग गोल गरे। पिचीची अवार्डको साथमा उनले युरोपियन गोल्डेन शू किर्तिमानी चौथोपल्ट जिते।^[११५]

रियल म्याड्रिडमा रोनाल्डोको सातौँ संस्करण (सन् २०१५-१६) को सुरुवातमा उनी लिगमा र सबै प्रतियोगितामा क्लबको तर्फबाट सर्वाधिक गोलकर्ता बने। २०१५ सेप्टेम्बर १२ मा इस्प्यानोल विरुद्ध ५ गोल गरेर उनले ला लिगामा आफ्नो गोल सङ्ख्या २३० (२०३ खेलबाट) पुर्याए र राउललाई उछिन्न सफल भएका थिए।^[१२२] अक्टोवर १७ मा लेभान्टे विरुद्ध १ गोल गरेर सबै प्रतियोगिताहरूमा आफ्नो गोल सङ्ख्या ३२४ पुर्याए र यस किर्तिमानमा पनि राउललाई उछिने। ^[१२३] युइएफए च्याम्पियन्स लिगमा साख्तर डोनेस्क विरुद्ध ह्याट्रिक गर्दै उनी सो प्रतियोगिताको इतिहासमा सर्वाधिक गोलकर्ता पनि बने।^[१२४] सेप्टेम्रब ३० मा माल्मो क्लबसँगको खेलमा २ गोल गर्दा उनले क्लब र देशको लागि ५०० गोल गरेर एउटा कोशेढुङ्गो पार गरेका थिए।^[१२५] माल्मो क्लबसँगको अर्को खेलमा ४ गोलसहित युइएफए च्याम्पियन्स लिगको समूह चरणमा ११ गोल गरेर उनी समूह चरणमा दोहोरो अंकको गोल गर्ने पहिलो खेलाडी बन्न सफल भए।^[१२६] सन २०१५ को फिफा बेलोन डी' ओरमा रोनाल्डो दोस्रो भए।^[१२७]

सन २०१६ मार्च ५ मा साल्ता भिगो विरुद्ध चार गोल गरेर उनले ला लिगामा आफ्नो गोल सङ्ख्या २५२ पुर्याए, यसरी प्रतियोगिताको इतिहासमा जार्रालाई उछिन्दै उनी दोस्रो सर्वाधिक गोलकर्ता बन्न सफल भए।^[१२८] अप्रिल २ मा १० खेलाडीमा सिमित रियललाई एल क्लासिकोमा २-१ को जित दिलाउन निर्णायक गोल गरेका रोनाल्डोले,^[१२९] वुल्फ्सबर्ग क्लबसँगको खेलमा ह्याट्रिक गर्दै पहिलो खेलमा २-० को हार उल्टाएर समग्रमा ३-२ को जित सहित रियल म्याड्रिडलाई च्याम्पियन्स लिगको सेमिफाइनलमा पुर्याए।^[१३०] च्याम्पियन्स लिग उक्त संस्करण १६ गोल गर्दै उनी लगातार चौथो र समग्रमा पाँचौपल्ट सर्वाधिक गोलकर्ता बनेका थिए।^[१३१] २०१६ को च्याम्पियन्स लिग फाइनल पुन: एत्लेटिको म्याड्रिडविरुद्ध भयो। १२० मिनेटसम्मको खेल १-१ को बराबरी भएपछि पेनाल्टी सुटआउटमा उनले निर्णायक गोल गरे। यो रियल म्याड्रिडको ११ औँ युरोपियन कप (ला अनडेसिमा) र रोनाल्डोको तेस्रो च्याम्पियन्स लिग उपाधि थियो।^[१३२] यो सँगै रोनाल्डोले लगातार छैठौँ सिजन ५० गोलभन्दा धेरै गरे। उनलाई सो संस्करणको युइएफए वर्ष खेलाडीको पुरस्कार दिइएको थियो।^[१३२]

२०१६ नोवेम्बर ६ मा उनले क्लबसँगको अनुबन्ध सन २०२१ सम्म बढाउन सहमति जनाएका थिए।^[१३३] नोवेम्बर १९ मा एत्लेटिको म्याड्रिडसँगको खेलमा ह्यट्रिक गर्दा उनी म्याड्रिड डर्बीमा सर्वाधिक (१८) गोल गर्ने खेलाडी बने।^{[१३४][१३५]} २०१६ डिसेम्बर १५ मा क्लब वर्ल्डकपको सेमिफाइनल खेलमा क्लब अमेरिका विरुद्धको गोल उनको ५०० औँ क्लब गोल (३७७ रियल, ११८ युनाइटेड, ५ स्पोर्टिङ) थियो।^[१३६] क्लब वर्ल्डकपको फाइनलमा उनले जापानको कासिमा एन्ट्लर्स क्लबसँगको खेलमा ह्याट्रिक गरे।^[१३७] प्रतियोगितामा सर्वाधिक ४ गोल गरेका उनी सो प्रतियोगिताको सर्वोत्कृष्ट खेलाडी चुनिए।^[१३८] सन २०१६ को बेलोन डी' ओर विजेता बनेका रोनाल्डोले फिफा वर्ष खेलाडी २०१६ को उपाधि पनि पाए, जसमा उनले आफ्नो देश पोर्चुगलबाट जितेको युरोकप २०१६ ले पनि मुख्य भूमिका खेल्यो।^[१३९]

२०१७–हालसम्म: ४०० रियल म्याड्रिड गोल र ला डुओडेसिमा

२०१७ जनवरी २७ मा भिल्लार्रियाललाई पराजित गर्ने क्रममा रोनाल्डोले पेनाल्टीबाट ला लिगामा ५७ औँ गोल गरे र ह्युगो स्यान्चेजको किर्तिमान भङ्ग गर्दै नयाँ किर्तिमान बनाए। ^{[१४०][१४१]} उक्त गोल ला लिगामा रियल म्याड्रिडको ५९०० औँ गोल थियो र यो कोशेढुङ्गो पार गर्ने रियल म्याड्रिड ला लिगाको पहिलो क्लब बनेको थियो।^[१४२]रोनाल्डोले २०१६ अप्रिल १२ मा च्याम्पियन्स लिगको क्वाटर-फाइनलमा बायर्न म्युनिख विरुद्ध पहिलो खेल (बायर्नको मैदान) मा २ गोल र दोस्रो खेल (रियलको मैदान) मा ३ गोल गरेका थिए। यी गोलहरु सँगै उनी च्याम्पियन्स लिगमा १०० गोल गर्ने पहिले खेलाडी बनेका थिए।^[१४३] २०१७ मे २ मा च्याम्पियन्स लिगकै सेमिफाइनल अन्तर्गतको पहिलो खेलमा एत्लेटिको म्याड्रिड अर्को ह्याट्रिक गर्दै उनी सो प्रतियोगिताको समुह चरण पछीका खेलमा ५० गोल गर्नै पहिलो खेलाडी भएका थिए।^[१४४] सोही मे १७ मा सेल्टा भिगो विरुद्धको लिग खेलमा २ गोल गर्दा उनले युरोपमा पाँच प्रमुख लिगमा सबै भन्दा धेरै गोल गर्ने किर्तिमान आफ्नो नाममा पार्न सफल भएका थिए।^[१४५] सो संस्करण रियल म्याड्रिडले ला लिगाको उपाधि जितेको थियो^[१४६] भने च्याम्पियन्स लिग जित्दै लगातार दुई संस्करण नयाँ स्वरूपको च्याम्पियन्स लिग जित्ने पहिलो टोली बन्न सफल भएको थियो।^[१४७] सो फाइनलमा युभेन्टस विरुद्ध २ गोल गरेका रोनाल्डो च्याम्पियन्स लिगको ३ फाइनलमा गोल गर्ने पहिलो खेलाडी बने भने उनले आफ्नो खेल जिवनमा ६०० गोल पनि पुरा गरेका थिए।^[१४८] साथै, लगातार ५ औँ र समग्रमा ६ औँ पटक च्याम्पियन्स लिग सिजनको सर्बाधिक गोलकर्ता भए। यो रियल म्याड्रिडको चार वर्षमा तेस्रो च्याम्पियन्स लिग र समग्रमा बाह्रौ युरोपियन उपाधि (स्पेनिसमा ला डुओडेसिमा) थियो।^[१४९]

२००१–२००६: सुरुवात

पोर्चुगलको राष्ट्रिय फुटबल टिमको युवा समुहबाट रोनाल्डोले सन २००१ मा आफ्नो खेल जीवन सुरुवात गरे। उनले १५ वर्ष मुनिको उमेर समुह, १७ वर्ष मुनिको उमेर समुह, २० वर्ष मुनिको उमेर समुह, २१ वर्ष मुनिको उमेर समुह, र २३ वर्ष मुनिको उमेर समुहमा जम्मा ३४ खेल खेलेर १८ गोल गरे।^[१५०] सन २००३ अगस्त २० मा १८ वर्षको उमेरमा उनले आफ्नो राष्ट्रिय टोलीको लागि पहिलो खेल काजख्स्तान विरुद्ध खेले। उक्त खेल पोर्चुगलले १-० ले जित्यो।^[१५१]

उनले पोर्चुगलमै भएको युइएफए युरोकप २००४ को समुह चरणको खेलमा ग्रीस विरुद्ध राष्ट्रिय टोलीको लागि पहिलो गोल गरे तर पोर्चुगल २-१ ले पराजित भयो।^[१५२] बेलायतसँगको क्वाटर फाइनलमा पेनाल्टी सुटआउटमा र नेदरल्याण्डसँगको सेमिफाइनलमा सुरुवाती गोल गरेर उनले टिमलाइ फाइनलमा पुर्याउन मद्दत गरे।^[१५३] तर फाइनल खेल पोर्चुगलले ०-१ ले युनानसँग हार्‍यो।^[१५४] प्रतियोगितामा २ गोल र २ गोल सहायता प्रदान गरेका उनी टिम अफ द टुर्नामेन्टमा छानिए।सन २००६ को विश्वकप छनौटको युरोपियन खेलमा सात गोल सहित उनी दोस्रो सर्वाधिक गोलकर्ता भए।^[१५५] २००६ को विश्वकपमा उनले आफ्नो पहिलो विश्वकप गोल इरानसँगको समुह चरणको खेलमा पेनाल्टीमार्फत गरे। बेलायतसँगको क्वाटर फाइनलमा पोर्चुगलका रक्षकलाई कुल्चेपछि वायन रुनीलाई रातो कार्ड दिइयो, तर रोनाल्डो माथि रेफ्रीलाई उक्साएको आरोप लाग्यो।^[१५६] सेमिफाइनलमा रोनाल्डोको टोली फ्रान्ससँग १-० ले पराजित भयो।^[१५७]

२००६–२०१२: कप्तानी

आफ्नो २२ औँ जन्मदिनको भोलिपल्ट सन २००७ फेब्रुअरी ६ मा ब्राजिलसँगको मैत्रीपुर्ण खेलमा रोनाल्डोले पहिलोपल्ट पोर्चुगलको कप्तानी गरे।^[१५८] युइएफए युरोकप २००८ को पुर्वसंध्यामा रोनाल्डोलाइ राष्ट्रिय टोलीमा पहिलोपटक ७ नम्बरको जर्सी दिइयो।^[१५९] छनौट चरणमा ८ गोल गरेका उनले प्रतियोगितामा भने १ गोल मात्र गर्नसके।^[१६०]

२००८ जुलाईमा उनी पोर्चुगलका स्थायी कप्तान बनेका थिए। २०१० को विश्वकप छनौट खेलमा रोनाल्डोले गोल गर्न सकेनन। विश्वकपको समुह चरणको सबै खेलमा उनी सर्वोत्कृष्ट खेलाडी चुनिएका थिए।^[१६१] उक्त प्रतियोगितामा उनले एक गोल मात्र गरेका थिए।^[१६२]

युइएफए युरोकप २०१२ को छनौट चरणमा ७ गोल गर्दै रोनाल्डोले टिमलाई प्रतियोगितामा सामेल गराए।^[१६३] उनको प्रेरणामा पोर्चुगलले सेमिफाइनलसम्मको यात्रा तय गर्यो।^{[१६४][१६५][१६६]} तीन गोल सहित संयुक्त रूपमा प्रतियोगिताको सर्वाधिक गोलकर्ता बनेका उनी टिम अफ द टुर्नामेन्टमा परे।^[१६७]

२०१२–२०१६: सर्वाधिक गोलकर्ता र युरोकप विजेता

सन २०१४ को विश्वकप छनौटको खेलहरूमा उनले आठ गोल गरे। २०१२ अक्टोवर १७ को नर्दन आयरल्यान्डसँगको खेल उनको १०० औँ अन्तर्राष्ट्रिय खेल थियो।^[१६८] २०१३ सेप्टेम्वर ६ मा नर्दन आयरल्यान्डविरुद्ध नै उनले आफ्नो पहिलो अन्तर्राष्ट्रिय ह्याट्रिक गरे।^[१६९] पोर्चुगल सोझै छनौट हुन नसके पछि स्विडेनसँगको प्ले-अफमा उनले टिमको तर्फबाट सबै चार गोल (पहिलो खेल १ गोल, दोस्रो खेल ३ गोल) गरेर विश्वकपमा स्थान सुरक्षित गराए।^[१७०] रोनाल्डोले २०१४ मार्च ५ को क्यामरूनसँगको खेलमा विजयी हुने क्रममा दुई गोल गरेर पोर्चुगल राष्ट्रिय टोलीको सर्वाधिक गोलकर्ता बने।^[१७१]

सन २०१४ को विश्वकपमा पोर्चुगलको सम्पुर्ण आशा रोनाल्डोमाथि केन्द्रित थियो। फलस्वरुप, तिघ्रामा समस्या भएपनि उनले आफ्नो खेल जीवन नै धरापमा राखेर प्रतियोगितामा भाग लिए।^{[१७२][१७३]} प्रतियोगितामा एक गोल गरेर उनले आफ्नो अन्तर्राष्ट्रिय गोल ५० पुर्याए भने पोर्चुगलबाट विश्वकपको तीन संस्करणमा गोल गर्ने पहिलो खेलाडी बने।^[१७४] गोलअन्तरका आधारमा पोर्चुगल समुह चरणबाटै बाहिरियो।

युइएफए युरोकप २०१६ को छनौट चरणमा रोनाल्डोले ६ गोल गरे।^{[१७५][१७६][१७७][१७८]} यसरी, २३ गोलका साथ उनी २०१४ नोवेम्बर १४ मा युइएफए युरोको सर्वाधिक गोलकर्ता (छनौट चरणसमेत गरेर) बन्न सफल भए।^[१७९] युरो २०१६ का सुरुवाती दुई खेलमा आइसल्यान्ड र अस्ट्रियासँग पोर्चुगल बराबरीमा रोकिदा रोनाल्डोले गोलपोष्टमा गरेका २० प्रहारहरूबाट एक गोल पनि हुन सकेन। अस्ट्रियासँगको खेल रोनाल्डोको १२८ औँ अन्तर्राष्ट्रिय खेल थियो र उनी लुइस फिगोलाई पछि पार्दै पोर्चुगलका लागि सबैभन्दा धेरै अन्तर्राष्ट्रिय खेल खेल्ने खेलाडी बने।^[१८०] समुहचरणको अन्तिम खेलमा दुई गोल र एक सहयोग सँगै उनी पोर्चुगललाई अघिल्लो चरणमा पुर्याउन सफल भए। यो सँगै उनी युरोको चार संस्करणमा गोल गर्ने पहिलो खेलाडी बने सो प्रतियोगितामा किर्तिमानी १७ खेल पनि खेले। ^[१८१]

पोर्चुगलले उत्कृष्ट १६ मा क्रोएसियालाई अतिरिक्त समयमा र उत्कृष्ट ८ मा पोल्याण्डलाई पेनाल्टी सुटआउटमा हरायो।^[१८२] वेल्ससँग सेमिफाइनल खेल्दा उनी तीनवटा युरो सेमिफाइनल खेल्ने पहिलो खेलाडी बने।^[१८३] उक्त खेलमा उनले एक गोल र एक सहयोग गर्दै पोर्चुगललाई फाइनलमा पुर्याए। साथै, युरोमा नौ गोल गरेका मिचेल प्लाटिनीको रेकर्डको बराबरी पनि गरे।^[१८४] फाइनलमा विपक्षी फ्रान्सका खेलाडी ठोक्किन आए पछि रोनाल्डो घाइते भए। खेल्न अनेकौँ प्रयास गर्दा पनि असफल भए पछि उनी २५ औँ मिनेटमा खेलबाट बाहिरिए। खेलको अतिरिक्त समयमा एक गोल गर्दै पोर्चुगलले उपाधि जित्यो।^[१८५] टोलीको कप्तानको रूपमा उनले पोर्चुगलको पहिलो अन्तर्राष्ट्रिय उपाधिको कप उचाले। तीन गोल र तीन सहयोग सहित उनले प्रतियोगिताको सिल्भर बुट (दोस्रो सर्वाधिक गोलकर्ता) पाए भने टिम अफ द टुर्नामेण्टमा तेस्रो पटक छानिए।^{[१८६][१८७]}

सन् २०१६–२०१८: युरोपेली उपाधि र फिफा विश्वकप छनौट

सन २०१८ को विश्वकप छनौटको एन्डोरा राष्ट्रिय फुटबल टिमसँगको खेलमा २०१६ अक्टोबर ८ मा उनले चार गोल गरे। यो उनले राष्ट्रिय टोलीबाट एक खेलमा गरेको सबैभन्दा धेरै गोल हो।^[१८९] नोवेम्वर १३ मा ल्याट्भिया विरुद्ध २ गोल गरेर उनले आफ्नो अन्तर्राष्ट्रिय गोल सङ्ख्या ६८ पुर्याए र युरोपको चौथो सर्वाधिक अन्तर्राष्ट्रिय गोलकर्ता बन्न सफल भए।^[१९०] २०१७ मार्च २८ मा आफ्नो गृह नगरमा उनले आफ्नो खेल जीवनको पहिलो व्यवसायिक खेल खेले। सो खेलमा गरेको एक गोल सँगै उनले आफ्नो अन्तर्राष्ट्रिय गोल संख्या ७१ पुर्याए र युरोपको तेस्रो सर्वाधिक अन्तर्राष्ट्रिय गोलकर्ता (जर्मनीका मिरोस्लाव क्लोज समान) बन्न सफल भए।^[१९१] सन २०१७ को कन्फेडेरेसन्स कपमा समूह चरणका सबै तीन खेलमा रोनाल्डो म्यान अफ द म्याच चुनिए।^[१९२] न्यू जिल्याण्ड विरुद्धको समूह चरणको खेलमा पेनाल्टीबाट गोल गर्दै उनले ७५ औँ अन्तर्राष्ट्रिय गरे र युरोपको सर्वाधिक अन्तर्राष्ट्रिय गोलकर्ताको सूचीमा दोस्रो स्थानमा उक्लिए।^[१९३] सो प्रतियोगितामा पोर्चुगल तेस्रो भयो।^[१९४]अगस्त ३१ मा विश्वकप छनौट चरणको खेलमा फारो द्वीप विरुद्ध पोर्चुगलले ५-१ को जित निकाल्दा रोनाल्डोले ह्याट्रिक गरे। सो सँगै उनले पेलेलाई उछिन्दै सर्वाधिक अन्तर्राष्ट्रिय गोलकर्ताको सूचीमा ७८ गोल सहित पाँचौ स्थानमा उक्लिन सफल भए।^[१९५]

सन् २०१८- हाल, निष्क्रियता र राष्ट्र लिगको उपाधि

सन् २०१८ को फिफा विश्वकप पश्चात्, रोनाल्डो ६ अन्तर्राष्ट्रिय खेलहरूमा सहभागी भएका थिएनन् जसमा युइएफए राष्ट्र लिगका समूह चरणका सम्पूर्ण खेलहरू समावेश छ। स्वीट्जरल्यान्ड विरुद्धको खेलमा रोनाल्डोको ह्याट्रिकसँगै पोर्चुगल यसको फाइनलमा प्रवेश गरेको थियो।^[१९६]यसको फाइनल खेलमा पुर्तुगालले नेदरल्यान्डलाई १-० गोल अन्तरले पराजित गरेको थियो।

१७ नोभेम्बर २०१९ मा, रोनाल्डोले आफ्नो ९९औँ गोल गरेका थिए जसमा राष्ट्रिय टोलीले लक्जेमबर्गलाई हराएको थियो र युरो २०२० को लागि छनोट भएको थियो।^[१९७]

क्लब

सिजन अनुसार गोल विवरण

अद्यावधिक १३ अगस्त २०१७

अन्तर्राष्ट्रिय

अद्यावधिक ३ सेप्टेम्बर २०१७^{[२०७][२०८][२०९][२१०]}

साल अनुसार गोल विवरण

साल अनुसार गोल विवरण

राष्ट्रिय टिम	वर्ष	खेल	गोल सङ्ख्या	औसत
पोर्तगाल	२००३	२	०	०.०
	२००४	१६	७	०.४
	२००५	११	२	०.१८
	२००६	१४	६	०.४३
	२००७	१०	५	०.५०
	२००८	८	१	०.१३
	२००९	७	१	०.१४
	२०१०	११	३	०.२७
	२०११	८	७	०.८
	२०१२	१३	५	०.३८
	२०१३	९	१०	१.१
	२०१४	९	५	०.५
	२०१५	५	३	०.६०
	२०१६	१३	१३	१.००
२०१७	९	१०	१.११
जम्मा		१४५	७८	०.५४

प्रतियोगिता अनुसार गोल विवरण

रोनाल्डोले हाल सम्म विभिन्न २४ उपाधिहरू जितेका छन जसमध्ये १ अन्तर्राष्ट्रिय उपाधि रहेको छ। रोनाल्डोले २०१६^[२११] मा युरोकप जितेका थिए। उनले चार युइएफए च्याम्पियन लिग र दुई फिफा क्लब विश्व कप समेत जितेका छन जुन उपाधिहरू क्लब फुटबलका सर्वाधिक महत्त्वपूर्ण उपाधिहरू हुन्।

अन्तर्राष्ट्रिय

1. युरोकप २०१६ (विजेता)
2. युरोकप २००४ (उप-विजेता)

क्लब स्तरीय

स्पोर्टिङ सिपि

• सुपरटाका क्यान्दिदो डे ओलीभेइरा: २००२

म्यान्चेस्टर युनाइटेड

(२००३-२००९) (०९ उपाधिहरू)

• प्रिमियर लिग: २००६-०७,२००७-०८,२००८-०९
• फा कप: २००३-०४
• फुटबल लिग कप:२००५-०६,२००८-०९
• फा कम्युनिटी शिल्ड:२००७
• युइएफए च्याम्पियन लिग:२००७-०८
• फिफा क्लब विश्वकप:२००८

रियल म्याड्रिड

(२००९-२०१८ सम्म) (१५ उपाधिहरू)

• ला लिगा:२०११-१२, २०१६-१७
• कोपा डेल रे:२०१०-११, २०१३-१४
• सुपरकोपा डे स्पेन:२०१२, २०१७
• युइएफए सुपर कप:२०१४, २०१७
• युइएफए च्याम्पियन लिग:२०१३-१४, २०१५-१६, २०१६-१७, २०१७-१८
• फिफा क्लब विश्वकप:२०१४, २०१६,२०१७

युभेन्टस

(२०१८- देखि) (२ उपाधिहरू)

• सिरीया-ए : २०१९-१९
• इटालियन लिग कप : २०१९

• बेलोन डी' ओर: २००८, २०१६
• फिफा बेलोन डी' ओर : २०१३, २०१४
• युइएफए वर्ष खेलाडी: २०१३, २०१६, २०१७
• फिफा क्लब विश्वकप गोल्डेन बल :- २०१६
• फिफा क्लब विश्वकप शिल्भर बल :- २००८,२०१४

,२०१७

• फिफा क्लब विश्वकप गोल्डेन शू :- २०१६
• फिफा विशेष युवा खेलाडी: २००३-०४, २००४-०५
• वर्ल्ड सक्कर (World Soccer) वर्ष खेलाडी: २००८, २०१३, २०१४, २०१६
• ग्लोवल सक्कर (Global Soccer) वर्ष खेलाडी: २०११, २०१४, २०१६
• युरोपियन गोल्डेन सुज: २००७-०८, २०१०-११, २०१३-१४, २०१४-१५
• फिफा पुस्कास अवार्ड: २००९
• फिफा टिम अफ द ईयर: २००७, २००८, २००९, २०१०, २०११, २०१२, २०१३, २०१४, २०१५, २०१६
• युइएफए टिम अफ द ईयर: २००७, २००८, २००९, २०१०, २०११, २०१२, २०१३, २०१४, २०१५, २०१६
• युइएफए क्लब वर्ष खेलाडी: २००७-०८
• युइएफए क्लब अग्रपङ्तिका वर्ष खेलाडी: २००७-०८, २०१६-१७
• युइएफए च्याम्पियन्स लिग टिम अफ द सिजन: २०१३-१४, २०१४-१५, २०१५-१६, २०१६-१७
• युइएफए च्याम्पियन्स लिग सर्वाधिक गोलकर्ता: २००७-०८, २०१२-१३, २०१३-१४, २०१४-१५, २०१५-१६, २०१६-१७
• युइएफए युरो कप टिम अफ द टुर्नामेन्ट: २००४, २०१२, २०१६
• युइएफए युरो अहिलेसम्मको सर्वोत्कृष्ट टिम
• युइएफए युरो सर्वाधिक गोलकर्ता (संयुक्त रूपमा): २०१२
• म्यानचेस्टर युनाइटेड वर्ष खेलाडी: २००६-०७, २००७-०८
• पिएफए युवा वर्ष खेलाडी: २००६-०७
• पिएफए वर्ष खेलाडी (फ्यानको रोजाइ): २००६-०७, २००७-०८
• पिएफए वर्ष खेलाडी (लिग खेलाडीको रोजाइ): २००६-०७, २००७-०८
• एफडब्लुए वर्ष खेलाडी: २००६-०७, २००७-०८
• पिएफए प्रिमियर लिग टिम अफ द ईयर: २००५-०६, २००६-०७, २००७-०८, २००८-०९
• बार्क्लेज वर्ष खेलाडी: २००६-०७, २००७-०८
• प्रिमियर लिग गोल्डेन बुट: २००७-०८
• ला लिगा सर्वाधिक महत्त्वपुर्ण खेलाडी: २०१२-१३
• ला लिगा वर्ष खेलाडी: २०१३-१४
• ला लिगा अग्रपङ्तिका वर्ष खेलाडी: २०१३-१४
• ला लिगा सर्वोत्कृष्ट गोल: २०१३-१४
• ला लिगा सर्वाधिक गोलकर्ता: २०१०-११, २०१३-१४, २०१४-१५
• ला लिगा टिम अफ द सिजन: २०१३-१४, २०१४-१५, २०१५-१६
• कोपा डेल रे सर्वाधिक गोलकर्ता: २०१०-११
• बिबिसी वर्ष खेल व्यक्तित्व (बेलायत बाहिर): २०१४
• च्याम्पियन्स लिग फाइनल म्यान अफ द म्याच: २०१७
• सिरिया ए उत्कृष्ट खेलाडी : २०१८-१८

अद्यावधिक १२ डिसेम्बर २०१६

विश्व

• विश्वका सबैभन्दा महंगा फुटबल खेलाडी: २००९-२०१३ ^[२१२]
• एक सालमा राष्ट्रिय टोलीका लागि सबैभन्दा धेरै गोल गर्ने फुटबल खेलाडी: २५ गोल (२०१३) ^[२१३]
• व्यवसायिक लिग फुटबलमा लगातार दुई सिजन ४० भन्दा धेरै गोल गर्ने पहिलो फुटबल खेलाडी ^[२१३]
• आधिकारिक फुटबल खेलको हरेक मिनेटमा गोल गर्ने पहिलो फुटबल खेलाडी ^[१०९]
• दुई फरक क्लबबाट लिग, राष्ट्रिय कप, राष्ट्रिय सुपरकप, युइएफए च्याम्पियन्स लिग, फिफा क्लब वर्ल्डकप, लिगको सर्वश्रेष्ठ वर्ष खेलाडी, युरोपियन गोल्डेन शू (सर्वाधिक गोलकर्ता), फिफा वर्ष खेलाडी र बेलोन डी' ओर जित्ने पहिलो र एकमात्र फुटबल खेलाडी: म्यानचेस्टर युनाइटेड र रियल म्याड्रिड ^{[२१४][२१५]}
• दुई फरक लिगबाट लिग, राष्ट्रिय कप, राष्ट्रिय सुपरकप, युइएफए च्याम्पियन्स लिग, फिफा क्लब वर्ल्डकप, लिगको सर्वश्रेष्ठ वर्ष खेलाडी, युरोपियन गोल्डेन शू (सर्वाधिक गोलकर्ता), फिफा वर्ष खेलाडी र बेलोन डी' ओर जित्ने पहिलो र एकमात्र फुटबल खेलाडी: प्रिमियर लिग र ला लिगा ^{[२१४][२१५]}
• फिफप्रो विश्व ११ (फिफा टिम अफ द ईयर) मा सबैभन्दा धेरैपल्ट चुनिने खेलाडी: ९ पल्ट (२००७ देखि २०१५ सम्म) (मेस्सी समेत) ^[२१६]
• फिफप्रो विश्व ११ मा दुई क्लबबाट चुनिने पहिलो र एकमात्र खेलाडी
• फिफा क्लब वर्ल्डकपको सिल्भर बल एक पटक भन्दा बढी जित्ने एकमात्र खेलाडी ^[२१७]
• फेसबुकमा सबैभन्दा धेरै लाईक्स पाएर (फोलोअर्स भएर) गिनिज बुक अफ वर्ल्ड रेकर्डसमा दर्ता भएका व्यक्ति ^[२१८]
• लगातार सातवटा मुख्य अन्तराष्ट्रिय प्रतियोगितामा गोल गर्ने एकमात्र खेलाडी: युइएफए युरो २००४, २००८, २०१२, २०१६ तथा फिफा वर्ल्डकप २००६, २०१०, २०१४ ^[२१९]
• खेलको ६ सिजनमा ५० भन्दा धेरै गोल गोल गर्ने खेलडी (लगातार ६ सिजनमा समेत)
• फिफा क्लब विश्वकप वा इन्टरकन्टिनेन्टल कपको फाइनलमा ह्याट्रिक गर्ने खेलाडी (पेले समेत)
• फिफा क्लब विश्वकप वा इन्टरकन्टिनेन्टल कपमा सबैभन्दा धेरै ह्याट्रिक गर्ने खेलाडी (पेले र लुइस स्वारेज समेत)

युरोप

• युरोपको उत्कृष्ट ६ लिगमा सबैभन्दा धेरै गोल गर्ने खेलाडी: ३७२ गोल^{[२२०][२२१]}
• युइएफएका प्रतियोगिताहरूमा सबैभन्दा धेरै गोल गर्ने खेलाडी: १३७
• युरोपियन क्लब प्रतियोगिताहरूमा १०० गोल गर्ने पहिलो खेलाडी
• युइएफए च्याम्पियन्स लिगमा १०० गोल गर्ने पहिलो खेलाडी^[२२२]
• युरोपियन क्लब प्रतियोगिताहरूमा सबैभन्दा धेरै गोल गर्ने खेलाडी: १०८
• युइएफए च्याम्पियन्स लिगको सर्वाधिक गोलकर्ता: १०५ गोल
• युइएफए च्याम्पियन्स लिग/ युरोपियन कपको एक सिजनमा सर्वाधिक गोलकर्ता: १७ गोल, २०१३-१४ मा ^[२२३]
• युइएफए च्याम्पियन्स लिगको एक सिजनमा समुह चरणको सर्वाधिक गोलकर्ता: ११ गोल, २०१५-१६ मा ^{[१२६][२२४]}
• युइएफए च्याम्पियन्स लिगको समुह चरण बाहेकको खेलमा सर्वाधिक गोलकर्ता: ४२ गोल
• एक सालमा युइएफए च्याम्पियन्स लिगको सर्वाधिक गोलकर्ता: १५ गोल, २०१३ मा ^[२२५]
• युइएफए च्याम्पियन्स लिगको दुई सिजनमा १५ भन्दा धेरै गोल गर्ने एकमात्र खेलाडी: २०१३–१४ र २०१५–१६ मा ^[२२६]
• युइएफए च्याम्पियन्स लिगको एक सिजनमा तीन ह्याट्रिक गर्ने पहिलो खेलाडी: २०१५–१६ मा ^[२२६]
• दुई फरक लिगबाट युरोपियन गोल्डेन शू जित्ने पहिलो फुटबल खेलाडी: प्रिमियर लिग (२००७-०८) र ला लिगा (२०१०–११, २०१३–१४, २०१४–१५)^[२२७]
• युइएफए युरोको सर्वाधिक गोलकर्ता (छनौट चरणसहित): २९ गोल, पोर्चुगलका लागि]].^[१७९]
• युइएफए युरोको सर्वाधिक गोलकर्ता: ९ गोल, पोर्चुगलका लागि (मिचेल प्लाटिनी समेत)^[२२८]
• युइएफए युरोको चार सिजनमा गोल गर्ने एकमात्र खेलाडी: २००४, २००८, २०१२ र २०१६ ^[२२८]
• युइएफए युरोको एक भन्दा धेरै सिजनमा तीन वा धेरै गोल गर्ने एकमात्र खेलाडी: २०१२ र २०१६
• युइएफए युरोमा टाउकोले सबैभन्दा धेरै गोल गर्ने खेलाडी: ५
• युइएफए युरोमा सबैभन्दा धेरै खेल खेल्ने खेलाडी: २० खेल
• युइएफए च्याम्पियन्स लिगमा लगातार ६ सिजन १० गोल भन्दा धेरै गोल गर्ने खेलाडी: २०११-१२ देखि २०१६-१७ सम्म ^[२२९]-->
• युइएफए च्याम्पियन्स लिगमा दुई फरक बिजेता क्लबको लागि फाइनलमा गोल गर्ने खेलाडी: म्यानचेस्टर युनाइटेड (२००७-०८) र रियल म्याड्रिड (२०१३-१४)^[२३०]
• युइएफए च्याम्पियन्स लिगमा विपक्षीको मैदानमा सर्वाधिक गोल गर्ने खेलाडी: ४२ गोल ^[२३१]
• युइएफए च्याम्पियन्स लिगमा विपक्षीको मैदानमा सर्वाधिक खेलमा लगातार गोल गर्ने खेलाडी: १२ खेल
• युइएफए च्याम्पियन्स लिगमा समुह चरण बाहेकको खेलमा सर्वाधिक जीत: २९ जीत
• युइएफए च्याम्पियन्स लिगमा सर्वाधिक एक खेलमा दुई गोल गर्ने खेलाडी: २० खेल
• सर्वाधिक युरोपियन गोल्डेन शू जित्ने खेलाडी: ४
• सर्वाधिक युइएफए टिम अफ द ईयरमा चुनिने खेलाडी: १२ पल्ट^[२३२]
• सर्वाधिक युइएफए टिम अफ द ईयरमा लगातार चुनिने खेलाडी: ११ पल्ट (२००७–२०१७)
• युइएफए टिम अफ द ईयरमा एक भन्दा धेरै पोजिसनबाट चुनिने एक मात्र खेलाडी
• युइएफए वर्ष खेलाडीको लागि हरेक वर्षको उत्कृष्ट तीनमा परेको एक मात्र खेलाडी: २०१०-११ देखि २०१६-१७ सम्म ^[२३३]
• एकै क्लबका लागि सबैभन्दा छिट्टो ३५० गोल गर्ने खेलाडी: ३३५ खेलबाट^[२३४]
• सर्वाधिक युइएफए वर्ष खेलाडीको उपाधी जित्ने खेलाडी: ४ (२००८, २०१४, २०१६, २०१७)
• च्याम्पियन्स लिगमा सबै भन्दा धेरै पटक सर्बाधिक गोलकर्ता: ६
• च्याम्पियन्स लिगमा सबै भन्दा धेरै पटक सर्बाधिक गोलकर्ता (लगातार): ५ (२०१२-१३ देखि २०१६-१७ सम्म)
• च्याम्पियन्स लिगको क्वाटर-फाइनलमा सबै भन्दा धेरै गोल गर्ने खेलाडी: २० गोल
• च्याम्पियन्स लिगको सेमिफाइनलमा सबै भन्दा धेरै गोल गर्ने खेलाडी: १३ गोल
• च्याम्पियन्स लिगमा फ्रि-किक मार्फत सबै भन्दा धेरै गोल गर्ने खेलाडी: १२ गोल
• च्याम्पियन्स लिगमा पेनाल्टी मार्फत सबै भन्दा धेरै गोल गर्ने खेलाडी: ११ गोल
• च्याम्पियन्स लिगमा टाउकोले सबै भन्दा धेरै गोल गर्ने खेलाडी: १८ गोल
• च्याम्पियन्स लिगमा एकै विपक्षी विरुद्ध सबै भन्दा धेरै गोल गर्ने खेलाडी: ९ गोल (बायर्न म्युनिख विरुद्ध)

स्पेन

• ला लिगाको इतिहासमा सबैभन्दा धेरै ह्याट्रिक गर्ने खेलाडी: ३२ ^[२३५]
• ला लिगाको इतिहासमा पेनाल्टीबाट सबैभन्दा धेरै गोल गर्ने खेलाडी: ५७ गोल^[१४१]
• ला लिगाको इतिहासमा सबैभन्दा छिट्टो १५० लिग गोल गर्ने खेलाडी: १४० खेलमा^[२३६]
• ला लिगाको इतिहासमा सबैभन्दा छिट्टो २०० लिग गोल गर्ने खेलाडी: १७८ खेलमा ^[२३७]
• सबैभन्दा छिट्टो क्लबका लागि ३०० आधिकारिक गोल गर्ने खेलाडी
• म्याड्रिड डर्बीका खेलमा (एत्लेटिको म्याड्रिडविरुद्ध) सबैभन्दा धेरै गोल गर्ने खेलाडी: १८ गोल^{[१३४][१३५]}
• लगातार सबैभन्दा धेरै एल क्लासिको खेलमा (बार्सिलोनाविरुद्ध) गोल गर्ने खेलाडी: ६ खेलमा ^[२३८]
• ला लिगाको इतिहासमा सुरुवाती ८ खेलमा सबैभन्दा धेरै लिग गोल गर्ने खेलाडी: १५ गोल .^[२३९]
• ला लिगाको इतिहासमा सबैभन्दा छिट्टो २० लिग गोल गर्ने खेलाडी: १२ खेलमा ^[२४०]
• ला लिगाको इतिहासमा लगातार छ सिजनमा ३० भन्दा बढी गोल गर्ने एकमात्र खेलाडी ^[२४१]
• ला लिगाको एक सिजनमा (२०१२-१३) सबैभन्दा धेरै टिमहरूविरुद्ध गोल गर्ने खेलाडी: १९ टिम (ब्राजिलका रोनाल्डो र मेस्सी समेत) ^[२४२]
• ला लिगाको एक सिजनमा सबैभन्दा धेरै ह्याट्रिक गर्ने खेलाडी: ८ ह्याट्रिक (मेस्सी समेत) ^[२४३]
• सबैभन्दा धेरै ह्याट्रिक गर्ने खेलाडी (सबै प्रतिस्पर्धामा): ३६ ^[२४४]

रियल म्याड्रिड

• रियल म्याड्रिड फुटबल क्लवको इतिहासमा क्लवको लागि सबैभन्दा धेरै गोल गर्ने खेलाडी: ३९० गोल ^[२४५]
• ला लिगामा रियल म्याड्रिड फुटबल क्लवको लागि सबैभन्दा धेरै गोल गर्ने खेलाडी: २७९ गोल ^[२४६]
• ला लिगामा रियल म्याड्रिड फुटबल क्लवको लागि सबैभन्दा छिट्टो ५० गोल गर्ने खेलाडी ^[२४७]
• ला लिगामा रियल म्याड्रिड फुटबल क्लवको लागि सबैभन्दा छिट्टो १०० गोल गर्ने खेलाडी ^[२४८]
• रियल म्याड्रिड फुटबल क्लवको लागि सबैभन्दा छिट्टो २०० आधिकारिक गोल गर्ने खेलाडी ^[२४९]
• रियल म्याड्रिड फुटबल क्लवको लागि सबैभन्दा छिट्टो २५० आधिकारिक गोल गर्ने खेलाडी
• ला लिगाका सात लगातार खेलमा सबैभन्दा धेरै गोल गर्ने खेलाडी: १५ गोल ^[२५०]
• रियल म्याड्रिड फुटबल क्लवको लागि लगातार आठ आधिकारिक खेलमा गोल गर्ने खेलाडी ^[२५१]
• रियल म्याड्रिड फुटबल क्लवको लागि सबैभन्दा धेरै ह्याट्रिक गर्ने खेलाडी: ३८ ह्याट्रिक
• रियल म्याड्रिड फुटबल क्लवको लागि च्याम्पियन्स लिगमा सबैभन्दा धेरै गोल गर्ने खेलाडी: ७८ गोल
• रियल म्याड्रिड फुटबल क्लवको लागि युरोपियन प्रतियोगिताहरूमा सबैभन्दा धेरै गोल गर्ने खेलाडी: ८० गोल

युभेन्टस

फोर्व्स पत्रिकाले रोनाल्डोलाई सन २०१३-१४ (तलब, बोनस र बाहिरी कमाई ७३० लाख अमेरिकी डलर) र २०१४-१५ (तलब, बोनस र बाहिरी कमाई ७९० लाख अमेरिकी डलर) मा सर्वाधिक कमाई गर्ने फुटबल खेलाडीको रूपमा सूचीकृत गरेको छ। ^[२५२] सन २०१५-१६ मा उनी ८८० लाख अमेरिकी डलर कमाएर फोर्व्स को सर्वाधिक कमाउने खेलाडीको एक नम्बरमा पुग्ने पहिलो फुटबल खेलाडी बने। ^[२५३] रोनाल्डो विश्वका सबैभन्दा धेरै बजारीकरण गर्न सकिने खेलाडी मध्ये एक मानिन्छन: स्पोर्ट्सप्रो ले उनलाई सन २०१२ मा ५औँ र सन २०१३ मा ८औँ मोष्ट मार्केटेबल खेलाडी घोषणा गरेको थियो।^{[२५४][२५५]} खेल बजार अनुसन्धान कम्पनी "रेप्युकम" ले सन २०१५ मा उनलाई सर्वाधिक बजारीकरण गर्न सकिने र सर्वाधिक परिचित फुटबल खेलाडी घोषणा गर्यो। ^[२५६] साथै सन २०१५ मा टाइम पत्रिकाले रोनाल्डोलाई विश्वका सर्वाधिक प्रभावशाली व्यक्तित्वहरूको सूची टाइम १०० मा समावेश गर्यो। ^[२५७] सन २०१६ मा ईएसपिएनले रोनाल्डोलाई विश्वको सबैभन्दा प्रख्यात खेलाडी घोषणा गर्यो। ^[२५८]

म्यान्चेस्टर युनाइटेडमा हुँदा देखि नै उनको चर्चा बढ्दै गयो, फलस्वरुप उनलाई खेल सामग्री उत्पादक, पेय पदार्थ, लुगा, वित्तीय सेवा, भिडियो गेम, इलेक्ट्रोनिक्स कम्पनी आदिले आकर्षक मूल्यमा प्रायोजन गरेका छन्। ^[२५९]

रोनाल्डो सामाजिक सञ्जालमा सर्वाधिक चर्चित खेलाडी हुन्। फेसबुक, ट्वीटर र इन्स्टाग्राममा सन २०१६ को जुलाई सम्ममा उनका १५ करोड ८० लाख अनुयायी थिए र यो अझै बढिरहेको छ। ^[२६०] सन २०१५ को जुनमा उनी १० करोड ३० लाख फ्यान सहित फेसबुकको सर्वाधिक फ्यान हुने व्यक्ति बने। उनी ट्वीटर र इन्स्टाग्राममा समेत सबैभन्दा धेरै फ्यान भएका फुटबल खेलाडी हुन् । ^[२६१] इन्टरनेटमा रोनाल्डोको खोजि यति धेरै हुन्छ कि एउटा कम्पुटर सुरक्षा सम्बन्धी कम्पनीले सन २०१२ मा चर्चित व्यक्तिको नाम इन्टरनेटमा खोजेर असुरक्षित वेबसाईटमा पुग्ने सम्भावनाको आधारमा रोनाल्डो १ नं. मा रहेको तथ्य सार्वजनिक गरेको थियो। ^[२६२]

रोनाल्डोको जीवनी आधारित भएर धेरै कृतिहरू बनेका छन्। उनको आत्मवृतान्त मोमेन्ट्स (पलहरू) सन २००७ मा प्रकाशित भयो। ^[२६३] रोनाल्डो: टेस्टेड टु द लिमिट (रोनाल्डोको शारीरिक र मानसिक सिमाको परीक्षण, टेलिभिजन चलचित्र २०११),^[२६४] क्रिस्टियानो रोनाल्डो: द वर्ल्ड एट हिज फिट (क्रिस्टियानो रोनाल्डो जसको खुट्टामा संसार छ, वृत्तचित्र २०१४) ^[२६५] रोनाल्डो (रोनाल्डोको जीवनीमा आधारित चलचित्र २०१५) आदि श्रव्यदृष्य प्रकाशित भएका छन्।

सन २०१३ मा रोनाल्डोले आफ्नो गृहनगर फुन्चल, मदेइरामा म्युजियम सिआरसेभेन नामक सङ्ग्राहालय खोलेका छन्। यहाँ उनले जितेका पुरस्कार तथा खेल जीवन र व्यक्तिगत जीवनका महत्त्वपुर्ण र स्मरणीय सामग्री सङ्ग्रहित छन्। ^[२६६] सन २०१४ मा बेलेम दरबारमा एक औपचारिक समारोह आयोजना गरी पोर्चुगलका तत्कालिन राष्ट्रपतिले पोर्चुगललाई अन्तराष्ट्रिय स्तरमा चिनाएको, फुटबलमा अब्बल भएको, आगामी पुस्ताहरूको लागि उदाहरणिय व्यक्तित्व भएको भन्दै रोनाल्डोलाई पोर्चुगलको उच्च सम्मान Grand Officer of the Order of Prince Henry प्रदान गरे। ^[२६७] गृहनगरमा फुन्चलमा सन २०१४ मा नै उनको पित्तलको प्रतिमा निर्माण गरेर अनवरण गरिएको थियो। ^[२६८]

सन २०१० को विश्वकपको पुर्वसन्ध्यामा लन्डनको एक विश्वचर्चित सङ्ग्राहालयमा रोनाल्डोको मैनको प्रतिमा प्रतिस्थापन गरियो। यसरी मैनको प्रतिमा राखिने उनी जेरार्ड, पेले, र बेख्याम पछिका चौथो खेलाडी बने। ^[२६९] उनको अर्को मैनको प्रतिमा सन २०१३ मा म्याड्रिडको मैन सङ्ग्राहालयमा राखिएको छ।

क्रिस्टियानो रोनाल्डोको सम्मानमा सन २०१५ मा अन्तरीक्षशास्त्रीहरू डेविड सोव्रल र लेइदेनले पत्ता लाएको तारापुञ्जको नाम सिआरसेभेन (CR7: कसमस रेडशिफ्ट ७) राखियो। ^[२७०] सन २०१६ मा रोनाल्डोको कप्तानीमा पोर्चुगलले युइएफए युरो कप जिते पछि फुन्चलको मदेइरा विमानस्थललाई क्रिस्टियानो रोनाल्डो विमानस्थल नामाकरण गरियो। ^[२७१]

दुबै जनाले युइएफए च्याम्पियन्स लिगको २/२ फाईनल खेलमा गोल गरेका छन्। दुबैले फुटबलको एक सिजनमा ५० गोल धेरैपल्ट कटाएका छन्। रोनाल्डो र मेस्सीबिचको यो अमुक प्रतिष्पर्धालाई खेल जगतकै एक महान प्रतिष्पर्धाको रूपमा हेरिन्छ। ^[२७२]

यी दुईको तुलना गर्दा कसैले उनीहरूको फरक शारीरिक बनावट तथा खेल्ने तरीकालाई आधार बनाउँछन,^[२७३] कतिले भने यी दुईको भिन्न व्यक्तित्वको आधारमा बहस गर्छन: जसमा कहिलेकाहीँ रोनाल्डोलाई संकाहा र बढी नाटकीय भएको आरोप लाइन्छ भने मेस्सी लजालु, ज्ञानी व्यक्तिको रूपमा चित्रण गरिन्छ। ^[२७४] रोनाल्डोले सन २०१२ मा एक अन्तर्वार्तामा भनेका थिए,"मेरो विचारमा हामी प्रतियोगितामा एक अर्कालाई राम्रो खेल्न प्रेरित गर्छौँ, जसले गर्दा प्रतिष्पर्धा झन धेरै हुन्छ।"^[२७५] म्यान्चेस्टर युनाइटेडका तत्कालीन प्रशिक्षक सर एलेक्स फर्गुसनको भनाईमा यो प्रतिष्पर्धाले दुबैजनालाई खराब असर गरेको छैन र उनीहरूमा म नै विश्वको सर्वोत्कृष्ट फुटबल खेलाडी हुँ भन्ने आत्मविश्वास छ। ^[२७६] मेस्सीले रोनाल्डोसँग आफ्नो कुनै दुश्मनी नभएको भन्दै भनेका छन, "सञ्चार माध्यमहरू यस्तो चाहान्छन् तर मेरो र क्रिस्टियानोको कहिल्यै झगडा भएको छैन।" ^[२७७]

सन २०१३ मा अक्सफोर्ड युनियनको एउटा बाद विबादमा फिफाका तत्कालिन अध्यक्ष सेप ब्लाटरलाई रोनाल्डो र मेस्सीमा को मन पर्छ भनेर सोधिएको थियो। उनले सुरुमा दुबैको लगावप्रति सम्मान रहेको बताए, तर एकजनाले कपालको लागि अर्को भन्दा धेरै खर्च गर्छ भनेर रोनाल्डो माथि व्यङ्ग गरे। रियल म्याड्रिडले यसमा क्षमायाचनाको माग गर्यो र ब्लाटरले माफी पनि मागे। रोनाल्डोले भने लगत्तैको खेलमा सेभिल्ला विरुद्ध ह्याट्रिक गरेपछि आर्मीले जस्तै सलाम गरेर ब्लाटरलाई कटाक्ष गरे किनभने उनले रोनाल्डोलाई मैदानमा कमाण्डर जस्तो व्यवहार गर्ने भनेर चित्रण गरेका थिए। ^[२७८]

फेसन आईकन

फेसनको दुनियामा रोनाल्डो अद्वितीय मानिन्छन्। उनलाइ लुगा उत्पादकहरू, स्वास्थ्य विज्ञहरू, फेसन पत्रिकाहरू, अत्तर कम्पनीहरू, श्रृंगार सामग्री उत्पादकहरू, सैलुनहरू, कसरत सामग्री उत्पादकहरू, मनोरञ्जन कम्पनीहरू एक अत्याधिक आकर्षक प्रवक्ताका रूपमा लिन्छन्।

उनले सन २००६ मा आफ्नो जन्मस्थानमा "सिआरसेभेन" (CR7) नाम गरेको फेसन बुटिक खोलेका छन्। यसलाई सन २००८ मा पोर्चुगलकै लिस्बनमा समेत बिस्तार गरिएको छ। ती पसलहरूमा हीराजडित पेटीहरू, छालाको गोजी भएका जिन्सहरू, र तुनारहित जुत्ताहरू (बुटिकमा प्याटेन्ट अधिकार भएको) उपलब्ध छन्। साथै, महिलाका लागि आकर्षक पहिरनहरूसमेत सिआरसेभेन ब्राण्डमा उपलब्ध छन्।^[२७९]

रोनाल्डोले सन २०१३ मा सिआरसेभेन ब्राण्डबाट भित्री पहिरन (कटटु) र मोजा बजारमा उपलव्ध गराए। ^[२८०] केही पछि सोही ब्राण्डबाट उच्चस्तरीय कमिज ^[२८१] र जुत्ता पनि निकालियो। ^[२८२] सन २०१५ मा रोनाल्डोले अत्तरको आफ्नै ब्राण्ड ल्याउने घोषणा गरे। ^[२८३]

समाज सेवा

सन २००४ मा हिन्द महासागरमा भुकम्प र सुनामी आएर आफ्नो परिवारका सबै मारिए पछि पोर्चुगलको फुटबल टिमको ७ नं. को जर्सी लाएको एक आठ वर्षिय इन्डोएसियन बालक १९ दिन देखि अलपत्र परेको भिडियो टेलिभिजनमा प्रसारण भयो। यसपछि रोनाल्डो आफैँ त्यहा गएर पुननिर्माण तथा पुनस्थापनामा सहयोग गरे। ^{[२८४][२८५]} बेलायतको द सन पत्रिकाले सन २००८ मा मानहानी गरेको अभियोगमा रोनाल्डोलाई तिरेका रकम (कति भनेर गोप्य राखिएको) उनले आफ्नो गृहनगर मदेइराको एक सामाजिक संस्थालाई दान दिए। ^[२८६] सन २००९ मा आफ्नो आमाको क्यान्सर रोगको उपचार गरेर ज्यान बचाई दिएको मदेइराको अस्पताललाई अत्याधुनिक क्यान्सर उपचार केन्द्र उनले बनाउन १ लाख पाउण्ड दान दिए। ^[२८७]

सन २०१२ मा रोनाल्डो र उनका एजेण्टले क्यान्सरबाट पीडित एक नौ वर्षिय वालकको विषेश उपचारको सम्पूर्ण खर्च व्यहोरिदिए। ^[२८८] सोही वर्षको नोवेम्बरमा गाजा देशका बालबालिकाको लागि विद्यालय खोल्न रकम जुटाउने उदेश्यले रोनाल्डोले आफूले सन २०११ मा जितेको गोल्डेन बुट १५ लाख युरोमा बिक्री गरे। ^[२८९] डिसेम्बर मा उनी “स्वास्थ्यको लागि फिफा ११” मा सहभागी भएर बालबालिकामा लागुऔषध, एड्स, औलो, कुपोषण विरुद्द चेतना जगाउन लागि परे। ^{[२९०][२९१]}

सन २०१३ मा रोनाल्डो “सेभ द चिल्ड्रेन” को विश्व सत्भावना दूत भए, उनले बालबालिकाको भोकमरी र कुपोषण विरुद्ध काम गर्ने इच्छा देखाएका छन्। ^[२९२] सोही वर्ष उनी ईन्डोनेसियाको सिमसारको बारेमा चेतना फैलाउने संस्थाको सत्भावना दूत बने। ^[२९३]

सन २०१४ मा रोनाल्डो “इबोला भाइरस विरुद्ध फिफा ११” अभियानमा ग्यारेथ बेल, डिडियर ड्रोग्बा जस्ता चर्चित खेलाडीहरू सँगै सहभागी भए। ^[२९४] फिफा, अफ्रिकन फुटबल सङ्घ, र स्वास्थ्य विज्ञहरूसँगको सहकार्यमा चलेको उक्त अभियानमा खेलाडीहरूले "हामी मिलेर इबोलालाई जित्न सक्छौँ " भन्ने नाराका साथ सो रोगका बारेमा जनचेतना जगाउने काम गरेका थिए। ^[२९४] उनलाई सन २०१५ मा विश्वको सबैभन्दा परोपकारी खेलाडी घोषणा गरिएको थियो। ^[२९५] रियल म्याड्रिडले सन २०१५-१६ को च्याम्पियन्स लिग जितेपछि रोनाल्डोले पाएको सबै बोनस (६ लाख युरो) परोपकारका लागि दान दिएका थिए। ^[२९५]

सन २०१६ मा रोनाल्डोले “सेभ द चिल्ड्रेन” को सहयोगको लागि “सिआरसेभेन सेल्फी” नामक एप सार्वजनिक गरे। यो एपबाट उनका विभिन्न ६८ पोज र पहिरनका फोटोसँग सेल्फी खिच्न सकिन्छ। ^{[२९६][२९७]}