पोर्चुगल राष्ट्रिय फुटबल टोली
पोर्चुगल राष्ट्रिय फुटबल टोली (पोर्तगाली: Seleção Portuguesa de Futebol) अन्तर्राष्ट्रिय फुटबलमा पोर्चुगलको प्रतिनिधित्व गर्ने पुरुष राष्ट्रिय टोली हो जसको सबै गतिविधि पोर्तुगल फुटबल महासङ्घको नियन्त्रणमा छ। पोर्तुगल फुटबलको सर्वोच्च परिचालक निकाय हो। यो टोली सन् १९२३ देखि फुटबलको सर्वोच्च निकाय फिफा र सन् १९५४ देखि यसको क्षेत्रीय सङ्गठन युएफाको सदस्य रहेको छ। सन् १९२१ डिसेम्बर १८ का दिन पोर्चुगलले पहिलोपटक अन्तर्राष्ट्रिय खेल खेलेको थियो। स्पेनको राजधानी म्याड्रिडमा भएको सो खेलमा पोर्चुगल स्पेनसँग ३–१ ले पराजित भएको थियो। सन् २०१९ मा नेदरल्यान्डलाई १–० ले पराजित गर्दै पोर्चुगलले युएफा राष्ट्र लिगका उपाधि पहिलोपटक जित्न सफल भएको थियो।
सङ्गठन | पोर्चुगाली फुटबल सङ्घ | ||
---|---|---|---|
सङ्घ | युएफा (युरोप) | ||
प्रमुख प्रशिक्षक | फेर्नान्दो सान्तोस | ||
कप्तान | क्रिस्टियानो रोनाल्डो | ||
सर्वाधिक उपस्थिति | क्रिस्टियानो रोनाल्डो (१८४) | ||
सर्वाधिक गोलकर्ता | क्रिस्टियानो रोनाल्डो (११५) | ||
गृह रङ्गशाला | विभिन्न | ||
फिफा कोड | POR | ||
फिफा वरीयता क्रम | |||
वर्तमान वरीयता | ६ २ (२६ October २०२३)[१] | ||
उच्च वरीयता | २ (मे–जुन २०१०, अक्टोबर २०१२, अप्रिल–जुन २०१४, सेप्टेम्बर २०१७ – अप्रिल २०१८) | ||
निम्न वरीयता | २५ (अगस्ट १९९८) | ||
पहिलो अन्तर्राष्ट्रिय | |||
स्पेन ३–१ पोर्तगाल (म्याड्रिड, स्पेन; १९ डिसेम्बर १९२१) | |||
ठूलो विजय | |||
पोर्तगाल ८–० लिस्टेनस्टाइन (लिस्बन, पोर्चुगल; १८ नोभेम्बर १९९४) पोर्तगाल ८–० लिस्टेनस्टाइन (कुइब्रा, पोर्चुगल; ९ जुन १९९९) पोर्तगाल ८–० कुवेत (लेरिया, पोर्चुगल; १९ नोभेम्बर २००३) | |||
ठूलो हार | |||
पोर्तगाल ०–१० इङ्ल्यान्ड (लिस्बन, पोर्चुगल; २५ मे १९४७) | |||
विश्वकप | |||
उपस्थिति | ७ (पहिलो खेल सन् १९९६) | ||
उत्कृष्ट नतिजा | तेस्रो स्थान (सन् १९६६) | ||
युइएफए युरोपेली च्याम्पियनसिप | |||
उपस्थिति | ८ (पहिलो खेल सन् १९८४) | ||
उत्कृष्ट नतिजा | विजेता (सन् २०१६) | ||
युइएफए राष्ट्र लिग | |||
उपस्थिति | १ (पहिलो खेल सन् २०१९) | ||
उत्कृष्ट नतिजा | विजेता (सन् २०१९) | ||
कन्फेडेरेसन कप | |||
उपस्थिति | १ (पहिलो खेल सन् २०१७) | ||
उत्कृष्ट नतिजा | तेस्रो स्थान (सन् २०१७) | ||
वेबसाइट | fpf |
एक प्रमुख अन्तर्राष्ट्रिय खेल अन्तर्गत पोर्चुगल राष्ट्रिय फुटबल टोलीले पहिलो सहभागिता सन् सन् १९६६ को फिफा विश्वकपमा जनाएको थियो। यस प्रतियोगितामा राष्ट्रिय टोलीका लागि बलोन डी'ओर विजेता युसेबियोले राष्ट्रियको प्रतिनिधित्व गरेका थिए भने यस अन्तर्राष्ट्रिय फुटबल प्रतियोगितामा टोलीले तेस्रो स्थान हात पारेको थियो। त्यसपछि सन् सन् १९८६ सन् सन् २००२ को फिफा विश्वकपमा टोलीले राष्ट्रियको प्रतिनिधित्व गरेको थियो भने यी दुवै प्रतियोगितामा टोली समूह चरणबाट बाहिरिएको थियो।पोर्चुगलले सन्ए १९८४ को युएफा युरो प्रतियोगिता सेमिफाइनलमा स्थान बनाएको थियो। आयोजक र अन्ततः विजेता फ्रान्स विरुद्धको खेलमा अतिरिक्त समयपछि ३–२ गोल अन्तरले पराजित भएको थियो।
पोर्चुगलले हालसम्म ७ पटक फिफा विश्वकपमा सहभागिता जनाएको छ। सन् १९६६ को फिफा विश्वकपमा पोर्चुगलले तेस्रो स्थान हासिल गर्ने सबैभन्दा राम्रो सफलता प्राप्त गरेको थियो। जहाँ टोलीले सोभियत सङ्घलाई २–१ ले पराजित गरेका थिए। अर्कोतर्फ पोर्चुगलले हालसम्म ८ पटक युएफा युरोपियन च्याम्पियनसिपमा सहभागिता जनाएको छ। जसमध्ये सर्वोत्कृष्ट प्रदर्शन गर्दै टोलीले युइएफए युरो २०१६ को उपाधि जित्न सफल भएको थियो। जहाँ टोलीले फ्रान्सलाई १–० गोल अन्तरले पराजित गरेका थिए। पोर्चुगलले सन् २०१७ फिफा कन्फेडेरेसन कपमा पनि तेस्रो स्थान हासिल गरेको थियो।
यस टोलीको गृह रङ्गशाला ओवेइरसमा रहेको एस्तादिओ नास्योनाल हो यद्यपि उनीहरूको गृह खेल प्रायजसो देशभरिका अन्य रङ्गशालाहरूमा खेलाइन्छ। टोलीका वर्तमान मुख्य प्रशिक्षक फर्नान्डो सान्तोस र कप्तान क्रिस्टियानो रोनाल्डो हुन्। राष्ट्रिय टोलीका लागि कप्तान रोनाल्डोले सर्वाधिक उपस्थितिमा सर्वाधिक गोल गर्दै टोलीका लागि कीर्तिमान राखेका छन्। क्रिस्टियानो रोनाल्डो, पाउलेता, युसेबियो, लुइस फिगो र पेपे जस्ता खेलाडीहरूले राष्ट्रिय फुटबल टोलीका केही विश्वप्रसिद्ध खेलाडीहरू हुन्।
व्यक्तिगत कीर्तिमानीहरू
सर्वाधिक उपस्थिति जनाएका खेलाडीहरू
- अद्यावधिक १४ नोभेम्बर २०२१[२]
- गाढा कालो रङ्गद्वारा अङ्कित खेलाडीहरू हाल राष्ट्रिय टोलीमा समावेश छन्
स्थान | खेलाडी | उपस्थिति | गोलहरू | प्रथम उपस्थिति | हालसालैको उपस्थिति |
---|---|---|---|---|---|
१ | क्रिस्टियानो रोनाल्डो | १८४ | ११५ | २० अगस्ट २००३ | १४ नोभेम्बर २०२१ |
२ | जुवाउ मौचिनु | १४२ | ७ | १७ अगस्ट २००५ | १४ नोभेम्बर २०२१ |
३ | लुइस फिगो | १२७ | ३२ | १२ अक्टोबर १९९१ | ८ जुलाई २००६ |
४ | पेपे | १२३ | ७ | २१ नोभेम्बर २००७ | ११ नोभेम्बर २०२१ |
५ | नानी | ११२ | २४ | १ सेप्टेम्बर २००६ | २ जुलाई २०१७ |
६ | फेर्नान्दो कोउचु | ११० | ८ | १९ डिसेम्बर १९९० | ३० जुन २००४ |
७ | रुई पात्रिसिओ | १०२ | ० | १७ नोभेम्बर २०१० | १४ नोभेम्बर २०२१ |
८ | ब्रिनो आल्भेस | ९६ | ११ | ५ जुन २००७ | ७ जुन २०१८ |
९ | रुई कोस्ता | ९४ | २६ | ३१ मार्च १९९४ | ५ जुलाई २००४ |
१० | रिकार्दो कारभाल्हो | ८९ | ५ | ११ अक्टोबर २००३ | २२ जुन २०१६ |
सर्वाधिक गोलकर्ताहरू
- अद्यावधिक १४ नोभेम्बर २०२१[३]
- गाढा कालो रङ्गद्वारा अङ्कित खेलाडीहरू हाल राष्ट्रिय टोलीमा समावेश छन्
स्थान | खेलाडी | गोलहरू | उपस्थिति | औसत | प्रथम उपस्थिति | हालसालैको उपस्थिति |
---|---|---|---|---|---|---|
१ | क्रिस्टियानो रोनाल्डो (सूची) | ११५ | १८४ | ०.६३ | २० अगस्ट २००३ | १४ नोभेम्बर २०२१ |
२ | पलेता | ४७ | ८८ | 0.53 | २० अगस्ट १९९७ | ८ जुलाई २००६ |
३ | युसेबियो | ४१ | 64 | ०.६४ | ८ अक्टोबर १९६१ | १३ अक्टोबर १९७३ |
४ | लुइस फिगो | ३२ | १२७ | ०.२५ | १२ अक्टोबर १९९१ | ८ जुलाई २००६ |
५ | नुनो गोमिस | २९ | ७९ | ०.३७ | २४ जनवरी १९९६ | ११ अक्टोबर २०११ |
६ | हेल्देर पोस्चिगा | २७ | ७१ | ०.३८ | १३ जुन २००३ | १४ नोभेम्बर २०१४ |
७ | रुई कोस्ता | २६ | ९४ | ०.२८ | ३१ मार्च १९९३ | ४ जुलाई २००४ |
८ | नानी | २४ | ११२ | ०.२१ | १ सेप्टेम्बर २००६ | २ जुलाई २०१७ |
९ | जुवाओ भिएर | २३ | ८१ | ०.३० | १२ अक्टोबर १९९१ | १४ जुन २००२ |
१० | निने | २२ | 66 | ०.२३ | २१ अप्रिल १९७१ | २३ जुन १९८४ |
सिमाओ साब्रोसा | २२ | ८५ | ०.२६ | १८ अक्टोबर १९९८ | २९ जुन २०१० |
गोल कीर्तिमानीहरू
- एक विश्वकपमा सर्वाधिक गरिएका गोलहरू
- ९ – युसेबियो (सन् १९६६)[४]
- विश्वकपहरूमा गरिएका सर्वाधिक गोलहरू
- ९ – युसेबियो (सन् १९६६)[४]
- एक युरोपेली च्याम्पियनसिपमा सर्वाधिक गरिएकाा गोलहरू
- ५ – क्रिस्टियानो रोनाल्डो (सन् २०२०)
- युरोपेली च्याम्पियनसिपहरूमा सर्वाधिक गरिएका गोलहरू
- १४ – क्रिस्टियानो रोनाल्डो (सन् २००४, २००८, २०१२, २०१६ र २०२०)[५]
- वृद्ध गोलकर्ता
- ३७ वर्ष, ९ महिना र १८ दिन – जुजे फोन्ते (३–० कतार विरुद्ध, सन् २०२१ अक्टोबर ९ का दिन)
- युवा गोलकर्ता
- १७ वर्ष, ९ महिना र २५ दिन – फेर्नान्दो सलाना (२–१ साइप्रस विरुद्ध, सन् १९७६ डिसेम्बर ५ का दिन)
- सर्वाधिक ह्याट्रिक
- १० – क्रिस्टियानो रोनाल्डो (सन् २०१६ अक्टोबर ७ का दिन, एन्डोरा विरुद्ध गरिएको ४ गोल र सन् २०१९ सेप्टेम्बर १० का दिन लिथुआनिया विरुद्ध गरिएको ह्याट्रिक सहित)[६]
- ह्याट्रिक गर्ने सबैभन्दा युवा खेलाडी
- २० वर्ष, ११ महिना र ४ दिन – अन्द्रे सिल्भा (सन् २०१६ अक्टोबर १० का दिन फरोई टापु विरुद्धको ६-० जित अन्तर्गत)[७]
अन्य कीर्तिमानीहरू
- विश्वकपमा खेलिएको सर्वाधिक खेल
- १७ – क्रिस्टियानो रोनाल्डो (सन् २००६, २०१०, २०१४ र २०१८)
- युरोपेली च्याम्पियनसिपमा खेलिएको सर्वाधिक खेल
- २५ – क्रिस्टियानो रोनाल्डो (सन् २००४, सन् २००८, २०१२, २०१६ र २०२०)[८]
- वयस्क खेलाडी
- ३८ वर्ष, ८ महिना र १६ दिन – पेपे (सन् २०२१ नोभेम्बर ११ का दिन आयरल्यान्ड विरुद्धको ०–० को खेलमा)[९]
- लामोसमयसम्मको राष्ट्रिय खेलजीवन
- १८ वर्ष, २ महिना र २५ दिन – क्रिस्टियानो रोनाल्डो (सन् २००३ अगस्ट २० देखि सन् २०२१ नोभेम्बर १४ सम्म)
- युवा नवोदित खेलाडी
- १७ वर्ष, ६ महिना र २४ दिन – पाउलो फुत्रे (5–0 सन् १९८३ सेप्टेम्बर २१ का दिन फिनल्यान्ड विरुद्ध ५-० गोल अन्तरको खेलमा)[१०]
- राष्ट्रिय टोलीका लागि १०० उपस्थिति जनाउने प्रथम युवा खेलाडी
- २७ वर्ष, ८ महिना र ११ दिन – क्रिस्टियानो रोनाल्डो (सन् २०१२ अक्टोबर १६ का दिन उत्तर आयरल्यान्ड विरुद्धको १-१ गोल अन्तरको खेलमा)[११]
उपाधिहरू
प्रमुख
| अन्य |