டிஸ்கவரி தொலைக்காட்சி
(Discovery Channel) டிஸ்கவரி கம்யூனிக்கேஷன்ஸ் நிறுவனத்தின் ஓர் அங்கமாகும். இந்த பொதுத்துறை நிறுவனம் ஜூன் 17 ஆம் தியதி 1985- ல் தனது ஒளிபரப்பைத் தொடங்கியது. இதன் தலைமைச் செயல் அதிகாரி 'டேவிட் ஸாஸ்லாவ்'. இது ஆவணப்படங்கள், அறிவியல் மற்றும் தொழில்நுட்பம் சார்ந்த நிகழ்ச்சிகளை ஒளிபரப்புகிறது. ஆகஸ்ட் 2013 நிலவரப்படி அமெரிக்காவில் 98,891,000 வீடுகளில் இத்தொலைக்காட்சி சேவை வழங்குகிறது.[2]
| டிஸ்கவரி தொலைக்காட்சி | |
|---|---|
 | |
| ஒளிபரப்பு தொடக்கம் | 17 ஜூன், 1985[1] |
| உரிமையாளர் | டிஸ்கவரி கம்யூனிகேஷன்ஸ் |
| பட வடிவம் | 1080i (HDTV) 480i (SDTV) |
| நாடு | அமெரிக்கா |
| மொழி | ஆங்கிலம் |
| ஒளிபரப்பாகும் நாடுகள் | உலகளாவிய |
| வலைத்தளம் | Discovery.com |
| கிடைக்ககூடிய தன்மை | |
| புவிக்குரிய | |
| UHF colombo india | |
| 24 | |
| Uhf Chennai bangaladesh | |
| 23 | |
| செயற்கைக்கோள் | |
| Dish TV India | 23 |
| D2H videocon | |
| 1234 | |
| 12 | |
| 145 | |
| Dialog telekom Dialog TV | |
| Airtel DTH | |
| IPTV | |
| SLTmobitel PEOTV | 47 |
வரலாறு
'ஜாண் ஹெண்டிரிக்ஸ்' என்பவர் 1982 -ல் பிபிசி மற்றும் ஆலன் & கம்பெனி ஆகியோர்களின் உதவியுடன் $5 மில்லியன் முதலீட்டில் இதைத் தொடங்கினார்.[3].ஜூன் 17, 1985 - ல் தனது முதல் ஒளிபரப்பைத் தொடங்கிய போது தினமும் மாலை 3 மணி முதல் காலை 3 மணி வரை என 12 மணி நேர ஒளிபரப்பில் 156,000 வீடுகளில் இத்தொலைக்காட்சியைப் பார்த்தனர்.
வழங்கப்படும் மொழிகள்
இத் தொலைக்காட்சி சர்வதேச அளவில் 170 நாடுகளில் 431 மில்லியன் வீடுகளுக்குச் சேவை வழங்குகிறது. ஸ்பானிஷ் , ஜெர்மன் , உருசிய மொழி , செக் , தமிழ் , ஹிந்தி , டச்சு , போர்த்துக்கீச மொழி , இத்தாலிய மொழி , நார்வே மொழி , சுவீடிய மொழி , டேனிய மொழி , பின்னிய மொழி , துருக்கிய மொழி , போலிய மொழி , அங்கேரிய மொழி , ருமேனிய மொழி , அராபிய மொழி , ஸ்லோவினியம் , ஜப்பானிய மொழி , கொரிய மொழி , மற்றும் செர்பிய மொழி ஆகிய மொழிகளில் நிகழ்ச்சிகளை ஒளிபரப்புகிறது.
தமிழ் ஒளிபரப்பு
2011 ஆம் ஆண்டு ஆகஸ்டு 15 ஆம் தியதி தமிழில் தனது ஒளிபரப்பைத் தொடங்கியது. தமிழகத்தில் 10 மில்லியன் வீடுகளுக்கு சேவை வழங்கிவருகிறது.[4][5]