ஸ்னோ வைட் அண்ட் த செவன் டுவார்ப்ஸ் (1937 திரைப்படம்)

ஸ்னோ வைட் அண்ட் த செவன் டுவார்ப்ஸ் என்பது 1937 ஆம் ஆண்டு வெளிவந்த அமெரிக்க இயங்குபடம் ஆகும். இந்த திரைப்படத்தை வால்ட் டிஸ்னி திரைப்பட தயாரிப்பு நிறுவனம் தயாரித்திருந்தது. 1812 ஆம் ஆண்டு எழுதப்பட்ட ஜெர்மானிய தேவதை கதையை அடிப்படையாக கொண்டு இந்த திரைப்படம் தயாரிக்கப்பட்டது. டிஸ்னி நிறுவனத்தால் தயாரிக்கப்பட்ட முதல் முழுநீள இயங்குபடம் இதுவேயாகும்.

ஸ்னோ வைட் அண்ட் த செவன் டுவார்ப்ஸ்
தயாரிப்பு	வால்ட் டிஸ்னி
கலையகம்	வால்ட் டிஸ்னி புரடக்சன்ஸ்
ஓட்டம்	83 நிமிடங்கள்
நாடு	ஐக்கிய அமெரிக்கா
மொழி	ஆங்கிலம்
ஆக்கச்செலவு	ஐஅ$1.49 மில்லியன் (₹10.7 கோடி)[1]
மொத்த வருவாய்	ஐஅ$418 மில்லியன் (₹2,989.4 கோடி)[2]

1938 ஆம் ஆண்டின் ஆஸ்கர் விருது வழங்கும் நிகழ்ச்சியில் இந்த திரைப்படம் சிறந்த இசைக்காக பரிந்துரைக்கப்பட்டது. அடுத்த ஆண்டு தயாரிப்பாளர் வால்ட் டிஸ்னிக்கு இந்த திரைப்படத்திற்காக கௌரவ ஆஸ்கார் விருது வழங்கப்பட்டது. இந்த விருது தனித்துவமானதாக இருந்தது. ஏனெனில் ஒரு பொதுவான ஆஸ்கர் சிலையும் 7 சிறிய ஆஸ்கர் சிலைகளும் இந்த விருதிற்காக வழங்கப்பட்டன.^[3]

அமெரிக்க திரைப்பட நிறுவனமானது இந்த திரைப்படத்தை 100 சிறந்த அமெரிக்க திரைப்படங்களில் ஒன்றாக தரப்படுத்தியுள்ளது. 2008ஆம் ஆண்டு எக்காலத்திலும் வெளிவந்த சிறந்த அமெரிக்க இயங்கு திரைப்படமாக இத்திரைப்படத்திற்கு பெயரிட்டது.