முகமது சாலா
முகமது சாலா கலி (Mohamed Salah Ghaly, அரபு மொழி: محمد صلاح غالى பிறப்பு: 15 சூன் 1992) எகிப்திய தொழில்முறை காற்பந்தாட்ட வீரர். இவர் ஆங்கில பிரீமியர் லீக் கழகமான லிவர்பூல் அணியிலும் எகிப்திய தேசிய அணியிலும் முன்கள வீரராக விளையாடி வருகிறார்.
உருசியாவில் விளையாடப்பட்ட 2018 உலகக்கோப்பை காற்பந்து போட்டியின்போது | |||
சுய தகவல்கள் | |||
---|---|---|---|
முழுப் பெயர் | முகமது சாலா கலி[1] | ||
பிறந்த நாள் | 15 சூன் 1992[2] | ||
பிறந்த இடம் | நக்ரிக், எகிப்து[3] | ||
உயரம் | 1.75 மீ[4] | ||
ஆடும் நிலை(கள்) | முன்கள வீரர் | ||
கழகத் தகவல்கள் | |||
தற்போதைய கழகம் | லிவர்பூல் | ||
எண் | 11 | ||
இளநிலை வாழ்வழி | |||
2004–2005 | இத்திகாடு பேசியோன்[5] | ||
2005–2006 | ஒத்மாசன் டான்டா [5] | ||
2006–2010 | எல் மோக்காவ்லூன் | ||
முதுநிலை வாழ்வழி* | |||
ஆண்டுகள் | கழகம் | தோற். | (கோல்) |
2010–2012 | எல் மோக்காவ்லூன் | 38 | (11) |
2012–2014 | பேசல் | 47 | (9) |
2014–2016 | செல்சீ | 13 | (2) |
2015 | → பியோரென்டினா (கடன்) | 16 | (6) |
2015–2016 | → ரோமா (கடன்) | 34 | (14) |
2016–2017 | ரோமா | 31 | (15) |
2017– | லிவர்பூல் | 36 | (32) |
பன்னாட்டு வாழ்வழி‡ | |||
2010–2011 | எகிப்து 20 கீழ் | 11 | (3) |
2011–2012 | எகிப்து 23 கீழ் | 11 | (4) |
2011– | எகிப்து | 59 | (35) |
*கழக உள்ளூர் சுற்றுப் போட்டிகள் தோற்றங்களும் கோல்களும், 18:54, 13 மே 2018 (UTC) அன்று சேகரிக்கப்பட்டது. ‡ தேசிய அணிக்கான விளையாட்டுகளும் கோல்களும் 18:00, 25 சூன் 2018 (UTC) அன்று சேகரிக்கப்பட்டது. |
சாலா தமது காற்பந்தாட்டத்தை 2010ஆம் ஆண்டில் உள்ளூர் கழகமான எல் மோக்காவ்லூனில் தொடங்கினார். பின்னர் பேசல் கழகத்திற்கு அறிவிக்கப்படாத தொகைக்கு ஒப்பந்தமானார். சுவிட்சர்லாந்தில் சுவிசு சூப்பர் லீக்கின் தங்க விளையாட்டாளர் பதக்கம் வென்றார். இவரது செயல்திறனால் ஈர்க்கப்பட்ட இங்கிலீஷ் பிரீமியர் லீக் கழகம் செல்சீ 2014இல் இவரை £11 மில்லியனுக்கு வாங்கியது. இருப்பினும் முதல் பருவத்தில் இவரை அரிதாகவே பயன்படுத்தியது. சீரீ ஆ கழகங்களான பியோரென்டினாவிற்கும் ரோமாவிற்கும் கடன் வழங்கியது. இறுதியில் ரோமா கழகம் இவரை €15 மில்லியனுக்கு உரித்தாக்கிக் கொண்டது.
ரோமா கழகத்தில் இவரது தொடர்ந்த சிறப்பான பங்களிப்பால் 2016-17ஆம் பருவத்தில் அவ்வணி இரண்டாமிடம் எட்டியது. திரும்பவும் ஆங்கிலப் பிரீமியர் லீக்கிற்கு திரும்பி லிவர்பூல் கழகத்திற்கு £36.9 மில்லியனுக்கு ஒப்பந்தமானார். இக்காலத்தில் இயற்கையில் பக்கவாட்டு விளையாளராக இருந்த சாலா முழுமையான முன்கள வீரரானார். 36 ஆட்டங்களில் 32 கோல்கள் அடித்து பிரீமியர் லீக்கின் தங்க காலணி விருதை பெற்றார்.
பன்னாட்டுப் போட்டிகளில் சாலா எகிப்திய அணியில் 20ஆம் அகவையிலிருந்து ஆடி வருகிறார். இவர் பங்கேற்ற ஆபிரிக்கா 20 கீழானோர் நாடுகள் கோப்பையில் எகிப்து வெங்கலப் பதக்கம் வென்றது. 2011 பீபா கீ-20 உலகக்கோப்பை, 2012 கோடைக்கால ஒலிம்பிக் விளையாட்டுப் போட்டிகளிலும் பங்கேற்றுள்ளார். 2012ஆம் ஆண்டின் மிகவும் எதிர்காலமுள்ள திறமையாளராக ஆபிரிக்க கால்பந்து கூட்டிணைப்பு தேர்ந்தெடுத்தது.[6] ஆபிரிக்க கால்பந்து கூட்டிணைப்பின் உலகக்கோப்பை தகுதியாளர் போட்டியில் மிக அதிகமான கோல்களை அடித்து எகிப்து 2018 உலகக்கோப்பை காற்பந்து போட்டிகளில் பங்கேற்க உதவினார். இதற்காக இவர் ஆண்டின் சிறந்த கால்பந்தாட்ட வீரராக ஆபிரிக்க அமைப்பும் பிபிசியும் தேர்ந்தெடுத்தன.[7][8]
மேற்கோள்கள்
வெளி இணைப்புகள்
- Mohamed Salah profile at the Liverpool F.C. website