100 (எண்)

காரணிகள்

• நூறின் நேர்க் காரணிகள் 1, 2, 5, 10, 20, 25, 50, 100 என்பனவாகும்.

சிறப்புகள்

• விழுக்காடு கணிப்பதற்கு நூறு எண்ணே அடிப்படையாக பயன்படுத்தப்படுகிறது
• முதல் ஒன்பது பகா எண்களின் கூட்டுத்தொகை நூறு ஆகும்
• நான்கு இணை (சோடி) பகா எண்களின் கூட்டுத்கொகை (47 + 53, 17 + 83, 3 + 97, 41 + 59)
• முதல் நான்கு எண்களின் மூன்றடுக்கு கூட்டுத்தொகை நூறு (100 = 1³ + 2³ + 3³ + 4³)
• அதுமட்டுமின்றி, 26 + 62 = 100, அதனால் 100 என்பது ஒரு லேலண்டு எண் ஆகும்.
• நூறு 18- கோண எண்ணாகும்
• நூறு ஒரு ஹசார்டு எண் ஆகும்
• மிகச்சரியாக 100 பகா எண்களின் இலக்கங்கள் ஏறு வரிசையில் அமைந்த்துள்ளது (எ. கா. 239, 2357 மற்றும் பல)

• 100 என்பது பெர்மியத்தின் அணுவெண் ஆகும்.
• செல்சியஸ் அளவுகோளில் 100 என்பது, நீரின் கொதிநிலையைக் குறிக்கும்.

• ஐக்கிய அமெரிக்காவின் மேலவையில் மிகச்சரியாக நூறு உறுப்பினர்கள் உள்ளனர்.
• இந்தியாவில் மகாத்மா காந்தி தேசிய ஊரக வேலை உறுதியளிப்புச் சட்டம் என்பதினை நூறு நாள் வேலைவாய்ப்புத் திட்டம் என்றும் அழைக்கப்படுகிறது.

• பெரும்பாலான நாடுகளில் 100-என்ற எண்ணை அடிப்படையாகக் கொண்டு நாணயம் மற்றும் பண மதிப்பீடு செய்யப்படுகிறது.

எ.கா. 100 பைசா = 1 ரூபாய்

• ஒரு திரைப்படம் அல்லது மேடை நாடகம் நூறாவது நாளைக் கடந்து வெற்றிகரமாக நடந்தால், அத்திரைப்படம் அல்லது மேடை நாடகம் மிகப்பெரிய வெற்றி பெற்றதாக எடுத்துக்கொள்ளப்படுகிறது.

• பெரும்பாலான விளையாட்டுப் போட்டிகளில் 100 என்ற எண் முக்கிய பங்கு வகிக்கின்றது.
• 100 மீற்றர் ஓட்டப் பந்தயம் என்பதில் துவங்கி பெரும்பாலான விளையாட்டுப் போட்டிகளில் 100 அல்லது அதனுடைய அடுக்கை அடிப்படையாகக் கொண்டு போட்டியாளர்களின் இலக்கின் தூரம் நிர்ணயிக்கப்படுகின்றன.
• துடுப்பாட்டத்தில் ஒருவர் 100 - ஓட்டம் எடுக்கும் பொழுது மைதானத்தில் உள்ள அனைவரும் எழுந்து நின்று அவரைப் பாராட்டுகின்றனர்.

• வரலாற்றில் ஆண்டுகள் 100 அடிப்படையில் நூற்றாண்டுகளாகக் கணக்கிடப்படுகின்றன. நூற்றாண்டில் உள்ள ஆண்டுகளின் எண்ணிக்கை 100
• இந்தியா, இசுரேல், நேபாளம் மற்றும் கிரீசு நாடுகளில் 100 என்பது காவல்துறையினரின் தொலைபேசி எண்
• பெல்ஜியத்தில், 100 என்பது தீயணைப்பு மற்றும் நோயாளர் ஊர்தியை (ஆம்புலன்சு) தொடர்பு கொள்ள பயன்படும் தொலைபேசி எண்ணாகும்
• ஐக்கிய ராச்சிய நாடுகளில், 100 என்பது தொலைபேசி இணைப்பகத்தின் எண்
• 100 என்பது மீயுரை பரிமாற்ற நெறிமுறையில் வாடிக்கையாளர் தன்னுடைய கோரிக்கையினை தொடர வேண்டும் என்பதற்கான அறிவிப்பு

விக்கிமீடியா பொதுவகத்தில்,
100 (எண்)
என்பதில் ஊடகங்கள் உள்ளன.

• On the Number 100 (ஆங்கில மொழியில்)