De alveolari Approximant oder alveolari rhotischi Approximant isch en Konsonant vo dr mänschliche Sprooch. Er chùnt zwar in dr Wältsprooch Änglisch vor, isch sùnscht aber änder sälte. S Zeiche im Internationale Phonetische Alphabet defür isch [ɹ].
Artikulation
Es isch en Approximant, er wird ohni Verschlùss oder Engi im Muul bildet.
De Artikulationsort isch alveolar; er wird mit de Zùng ùn de Alveole produziert, oder mit de Zùng grad hinter de Alveole.
D Phonation isch stimmhaft; derwyylscht er produziert wird, vibriere d Stimmbänder.
Bi de Spalte wo grau sin, goot mer devo uss, dass si nit artikuliert werde chönne; wysi Spalte, ùn Zeiche, wo nit verlinkt sin, hen kei offiziels IPA-Zeiche un/oder sin uss keinere Sprooch bekannt.