Malagasieg
Ur yezh aostronezek eus skourr yezhoù malayek-polinezek ar c'hornôg eo ar malagasieg (malagasy) implijet gant tost da 20.000.000 den er C'homorez, er Reunion hag e Madagaskar dreist-holl m'emañ ar yezh ofisiel.
| Malagasieg (Malagasy) | |
|---|---|
| Perzhioù | |
| Komzet e : | Madagaskar, Komorez, Reunion |
| Komzet gant : | war-dro 20 000 000 |
| Renkadur : | 84 |
| Familh-yezh : | Yezhoù aostronezek Yezhoù malayek-polinezek |
| Statud ofisiel | |
| Yezh ofisiel e : | Madagaskar |
| Akademiezh : | - |
| Kodoù ar yezh | |
| ISO 639-1 | ml |
| ISO 639-2 | mlg |
| ISO 639-3 | |
| Kod SIL | PLT |
| Sellit ivez ouzh ar pennad Yezh. | |
Tost-tre eo geriaoueg ar malagasieg da hini ar manyaneg (maanyan) (90% gerioù boutin) komzet e su Borneo. Levezonet eo bet ar c'heriaoueg ivez gant an arabeg hag ar yezhoù bantouek.
Ral a-walc'h eo e-touez yezhoù ar bed dre ma vez implijet ganti an urzh verb-renadenn-rener.
Skrivet e vez gant al lizherenneg latin.
Skritur
An deiz a hiziv e vez skrivet ar Malagasieg gant al lizherenneg latin padal eo bet implijet gwechall ur skritur all disheñvel-tre anvet sorabe (pe sora-be : arabat droukveskañ gant ar sorabeg) o tont eus an arabeg. An implij-se a c'hell bezañ displeget gant an darempredoù kenwerzh gant pobloù o tont eus Arabia.
Lizherenneg sorabe
Lizherenneg sorabe kozh ar Malagaseg
Gwelet ivez
- Yezhoù aostronezek
- Yezhoù malayek-polinezek