აზიური თამაშები

აზიური თამაშები ასევე ცნობილია ასიადა-ს სახელწოდებით^[1] —კონტინენტური მულტისპორტული შეჯიბრი, რომელიც ტარდება ოთხ წელიწადში ერთხელ მთელი აზიის სპორტსმენებისთვის. თამაშები ტარდება აზიის ოლიმპიური საბჭოს (OCA) ეგიდით^[2] და რეგულირდება საერთაშორისო ოლიმპიური კომიტეტის მიერ. თითოეული ადგილისათვის განკუთვნილია მედლები: ოქრო — პირველი ადგილისთვის, ვერცხლი — მეორე, ბრინჯაო — მესამე.^[3]

აზიურ თამაშებს ცხრა ქვეყანამ უმასპინძლა. მონაწილეობდა 46 ქვეყანა, მათ შორის ისრაელი, რომელიც თამაშებიდან მოხსნეს 1974 წელს მათი ბოლო მონაწილეობის შემდეგ.

შეჯიბრი იწყება მონაწილე ქვეყნის ეროვნული ოლიმპიური კომიტეტების აღლუმით. დაჯილდოების ცერემონიალს თან ახლავს ეროვნული დროშა და ჰიმნი. გამოყენებულია ცხრილები, რომლებიც აჩვენებს თითოეული ქვეყნის მიერ მიღებული მედლების რაოდენობას.

ისტორია

შორეული აღმოსავლეთის თამაშები

აზიური თამაშები განვითარდა მცირე სპორტული მოვლენებიდან. შორეული აღმოსავლეთის ჩემპიონატის თამაშები შეიქმნა სამი ქვეყნის: იაპონიის იმპერიის, ფილიპინების და ჩინეთის რესპუბლიკის ერთიანობისა და თანამშრომლობის საჩვენებლად. პირველი ასეთი თამაშები ჩატარდა მანილაში 1913 წელს. მოგვიანებით აზიის სხვა ქვეყნებიც დაესწრნენ. თამაშები შეწყდა 1938 წელს, როდესაც იაპონია შეიჭრა ჩინეთში და დაიწყო ექსპანსია წყნარ ოკეანის რეგიონში.^[4]

აზიური თამაშების წარმოშობა

მეორე მსოფლიო ომის შემდეგ აზიის რამდენიმე ქვეყანამ მოიპოვა დამოუკიდებლობა. ბევრმა ახალმა ქვეყანამ მოისურვა ახალი ტიპის კონკურსის ჩატარება, რაც ხელს შეუწყობდა ურთიერთგაგების გაძლიერებას. 1948 წლის აგვისტოში, ლონდონში მეთოთხმეტე ოლიმპიური თამაშების დროს, ინდოეთის ოლიმპიურმა კომიტეტმა აზიის სპორტული გუნდების ხელმძღვანელები მიიწვია აზიური თამაშების ჩატარების იდეის განსახილველად. ისინი შეთანხმდნენ „აზიის მძლეოსნობის ფედერაციის“ შექმნაზე. 1949 წლის თებერვალში იგი ოფიციალურად შეიქმნა და ეწოდა „აზიური თამაშების ფედერაცია“. გადაწყდა პირველი აზიური თამაშების ჩატარება ნიუ დელიში. თამაშები ჩატარდა 1951 წლის მარტში, მასში მონაწილეობა მიიღეს 11 ქვეყნის სპორტსმენებმა. თამაშების პროგრამაში შედიოდა მძლეოსნობა, ველოსიპორტი, კალათბურთი ^[5].

ფედერაციის ტრანსფორმაცია

1962 წელს ფედერაციაში შეიქმნა უთანხმოება ტაივანისა და ისრაელის დაშვების შესახებ. ინდონეზია, რომელიც თამაშებს მასპინძლობდა, ეწინააღმდეგებოდა ამ ქვეყნების ფედერაციაში მიღებას.^[6] ^[7] 1970 წელს სამხრეთ კორეამ ვერ შეძლო თამაშების ჩატარება ჩრდილოეთ კორეის მხრიდან არსებული საფრთხის გამო, თამაშები ჩატარდა ტაილანდის დედაქალაქ ბანგკოკში, სამხრეთ კორეის რესურსების გამოყენებით.1973 წელს დაიწყო უთანხმოება ამერიკის შეერთებული შტატებისა და ზოგიერთი ქვეყნის მიერ ტაივანისა და ისრაელში არაბთა ეროვნული ოპოზიციის აღიარებასთან დაკავშირებით. 1977 წელს პაკისტანმა ვერ შეძლო თამაშების ჩატარება პაკისტანში სამხედრო გადატრიალების გამო. თამაშები კვლავ გადაიტანეს ბანგკოკში.ამ ინციდენტების შემდეგ, აზიის ეროვნულმა ოლიმპიურმა კომიტეტებმა გადაწყვიტეს აზიური თამაშების ფედერაციის წესდების შეცვლა. შეიქმნა ახალი ასოციაცია, სახელწოდებით აზიის ოლიმპიური საბჭო. ეს საბჭო თამაშებს ადევნებს თვალყურს 1986 წლიდან. ტაივანი მიიღეს, მაგრამ IOC სტანდარტების შესაბამისად მას უწოდებენ „ჩინურ ტაიბეის“.^[8] ისრაელი გაირიცხა და მონაწილეობს ევროპულ თამაშებში.

გაფართოება

ზოგიერთი ქვეყნის წინააღმდეგობების მიუხედავად, OCA-მ მიიწვია ყოფილი საბჭოთა რესპუბლიკები 1994 წლის თამაშებზე: ყაზახეთი, ყირგიზეთი, უზბეკეთი, თურქმენეთი და ტაჯიკეთი.

2007 წელს ავსტრალიას OCA– ში შესვლაზე უარი ეთქვა, რადგან ის არის ოკეანიის ეროვნული ოლიმპიური კომიტეტის წევრი (და 2015 წლიდან მონაწილეობს წყნარი ოკეანის თამაშებში).

2010 წელს კრიკეტი პირველად შევიდა აზიურ თამაშებზე.

2018 წლის 20 თებერვალს, ჩრდილოეთ კორეის წარმომადგენელმა საერთაშორისო ოლიმპიურ კომიტეტში, იანგ იუნმა განაცხადა, რომ ჩრდილოეთ კორეას შეუძლია აზიის ზამთრის თამაშების ჩატარება 2021 წელს, კორეის რესპუბლიკასთან (სამხრეთ კორეა) ერთად. იანგ იუნმა ასევე აღნიშნა, რომ შეჯიბრი შეიძლება ჩატარდეს მასკრიონის სათხილამურო კურორტზე, რომელიც მდებარეობს ჩრდილოეთ კორეაში.

ზაფხულის აზიური თამაშების სია

წელი	ნომერი	ადგილი	ჩატარების დრო	ქვეყნები	წყარო
1951	I	ნიუ-დელი, ინდოეთი	4—11 მარტი	11	^[9]
1954	II	მანილა, ფილიპინები	1—9 მაისი	18	^[10]
1958	III	ტოკიო, იაპონია	24 მაისი — 1 ივნისი	16	^[11]
1962	IV	ჯაკარტა, ინდონეზია	24 აგვისტო — 4 სექტემბერი	12	^[12]
1966	V	ბანგკოკი, ტაილანდი	9—20 დეკემბერი	16	^[13]
1970	VI	ბანგკოკი, ტაილანდი (2)	9—20 დეკემბერი	16	^[14]
1974	VII	თეირანი, ირანი	1—16 სექტემბერი	19	^[15]
1978	VIII	ბანგკოკი, ტაილანდი (3)	9—20 დეკემბერი	19	^[16]
1982	IX	ნიუ-დელი, ინდოეთი (2)	19 ნოემბერი — 4 დეკემბერი	23	^[17]
1986	X	სეული, კორეის რესპუბლიკა	20 სექტემბერი — 5 ოქტომბერი	22	^[18]
1990	XI	პეკინი, ჩინეთი	22 სექტემბერი — 7 ოქტომბერი	36	^[19]
1994	XII	ჰიროსიმა, იაპონია	2—16 ოქტომბერი	42	^[20]
1998	XIII	ბანგკოკი, ტაილანდი (4)	6—20 დეკემბერი	41	^[21]
2002	XIV	პუსანი, კორეის რესპუბლიკა	29 სეაქტემბერი — 14 ოქტომბერი	44	^[22]
2006	XV	დოჰა, კატარი	1—15 დეკემბერი	45	^[23]
2010	XVI	კუანგჭოუ, ჩინეთი	12—27 ნოემბერი	45	^[24]
2014	XVII	ინჩეონი, კორეის რესპუბლიკა	19 სექტემბერი — 4 ოქტომბერი	45	^[25]
2018	XVIII	ჯაკარტა (2) და პალენბანგი, ინდონეზია	18 აგვისტო — 2 სექტემბერი	45	^[26]
2022	XIX	ხანგჭოუ, ჩინეთი	10—25 სექტემბერი		^[27]
2026	XX	ნაგოია, იაპონია	19 სექტემბერი — 4 ოქტომბერი
2030	XXI	დოჰა, კატარი
2034	XXII	ელ-რიადი, საუდის არაბეთი

მედლების საერთო ჩათვლა

ჯამში		4313	4295	5136	13 744
ადგილი	ქვეყანა	ოქრო	ვერცხლი	ბრინჯაო	მთლიანობაში
1	ჩინეთი	1342	900	653	2895
2	იაპონია	957	980	913	2850
3	სამხრეთი კორეა	696	606	761	2063
4	ირანი	159	161	175	495
5	ყაზახეთი	140	600	260	1000
6	ინდოეთი	139	178	285	602
7	ტაილანდი	121	159	233	513
8	ჩრდილოეთი კორეა	98	132	166	396
9	ტაივანი	82	125	255	452
10	ფილიპინები	63	112	215	390
11	უზბეკეთი	63	96	114	273
12	ინდონეზია	60	95	203	358
13	მალაიზია	56	88	132	276
14	პაკისტანი	44	63	93	200
15	სინგაპური	37	55	101	193

სახეობების ჩამონათვალი

პროგრამა მოიცავს აზიის მინიმუმ 6 ქვეყანაში კულტივირებული სპორტის სახეობას, რომელთაგან 4 მონაწილეობს რეგულარულ თამაშებში:

ნიჩბოსნობა — 1982 წლიდან
ბადმინტონი — 1962 წლიდან
კალათბურთი — ყოველთვის
ბეისბოლი — 1994 წლიდან
ბილიარდი — 1998 წლიდან
ბოდიბილდინგი — 2002-2006 წწ.
კრივი — 1954 წლიდან
ჭიდაობა — 1954 წლიდან
ბოულინგი — 1978, 1986 წლიდან
წყლის პოლო
ველოსპორტი — 1951, 1958 წლიდან
ფრენბურთი — 1958 წლიდან
ხელბურთი — 1982 წლიდან
ტანვარჯიში — 1974 წლიდან
გოლფი — 1982 წლიდან
ნიჩბოსნობა და კანოე — 1990 წლიდან
ძიუდო — 1986 წლიდან
კაბადი — 1990 წლიდან
კარატე — 1994 წლიდან
საცხენოსნო სპორტი — 1982-1986 წწ., 1994 წლიდან
კრიკეტი — 2010 წლიდან
მძლეოსნობა — ყოველთვის
მაგიდის ჩოგბურთი — 1958-1966 წწ., 1974 წლიდან
ნაოსნობა — 1970, 1978 წლიდან
ცურვა — ყოველთვის
რაგბი -7 — 1998 წლიდან
სამბო — 2014 წლიდან
სეპაქტაკრაუ — 1990 წლიდან
სქვოში — 1998 წლიდან
თანამედროვე ხუთჭიდი — 1994, 2002 წწ.
სოფტბოლი — 1990 წლიდან
სოფთ ჩოგბურთი — 1994 წლიდან
სპორტული ცეკვები — 2010 წლიდან
მშვილდოსნობა — 1978 წლიდან
სროლა — 1954 წლიდან
ჩოგბურთი — 1958-1966 წწ., 1974 წლიდან
სამჭიდი — 2006 წლიდან
ტაეკვონდო — 1986 წლიდან
ძალოსნობა — 1951-1958 წწ., 1966 წლიდან
უშუ — 1990 წლიდან
ფარიკაობა — 1974-1978 წწ., 1986 წლიდან
ფეხბურთი — ყოველთვის
ჰოკეი მინდორზე — 1958 წლიდან
ჭადრაკი — 2006 წლიდან— 1982 წლიდან ·

სხვა აზიური თამაშები

აზიური თამაშების გარდა, ზამთრის აზიური თამაშები (1986 წლიდან), აზიური დახურული თამაშები (2005 წლიდან ), სანაპიროს აზიური თამაშები (2008 წლიდან ლუწი წლები), აგრეთვე რეგიონალური (შუა აზიის, აღმოსავლეთ აზიის, სამხრეთ აზიის, სამხრეთ-აღმოსავლეთ აზიისა და დასავლეთ აზიის).

სქოლიო

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

Search