30 октомври

<<	октомври					>>
Н	П	В	С	Ч	П	С
		01	02	03	04	05
06	07	08	09	10	11	12
13	14	15	16	17	18	19
20	21	22	23	24	25	26
27	28	29	30	31
2024

30 октомври — 303-иот ден во годината според грегоријанскиот календар(304-и во престапна година). Остануваат 62 денови до крајот на годината.

Настани:

1890	Охридското граѓанство испрати молба до Високата порта во Цариград, во која молеше да се дозволи основање на македонски училишта во градот и околината и да се дозволи наставата во училиштата да се изведува на македонски јазик.
1905	За време на првата Руска револуција, рускиот цар Николај II воведува устав, кој предвидува законодавно собрание
1918	Со капитулацијата на Турција, која во Првата светска војна била на страната на Централните Сили, престанува да постои Отоманското Царство.
1938	Младиот режисер Орсон Велс ја објави во Њујоршкото радио Ен-Би-Ес радиодрамата „Војната на световите“, врз основа на текстот на Џ.Велс. Нападот на Марсовците на Земјата, режисерот го прикажа така што повеќе слушатели поверуваа во вистинитоста на настанот, што предизвика неверојатен хаос и тревога во тој дел на Америка. Орсон Велс преку ноќ стана еден вид национален херој.
1945	Индија стана член на Организацијата на Обединетите нации.
1967	За првпат во историјата на космонаутиката е извршено спојување и раздвојување на вештачки Земјини сателити. Ова го изведоа советските научници со леталата „Космос-186“ и „Космос-188“.
1973	Пуштен е во сообраќај мостот на Босфор, во Турција, кој ги поврзува Европа и Азија.
1974	Со нокаутот над Џорџ Форман, Мухамед Али се враќа во боксот како светски првак.
1975	Принцот Хуан Карлос станува претседател на Шпанија, заменувајќи го болниот генерал Франциско Франко.
1983	Во силниот земјотрес со силина од 6 степени според Рихтеровата скала, што ја погоди Анадолија, во Турција, загинаа 1.300 луѓе.
1993	Министерството за односи со странство на Република Македонија, официјално е известено од генералниот секретар на Обединетите нации, дека е прифатена нотификацијата на Република Македонија, со која се пристапува кон Виенската конвенција за патниот сообраќај од 1968 година. Според тоа возилата регистрирани во Македонија ја користат ознаката „МК“.
1994	Втори повеќепартиски избори во Македонија. СДСМ оствари уверлива победа, а ВМРО ДПМНЕ не ги прифати резултатите и се откажа од учество во работата на Парламентот.
1995	Со тесен пораз, пропаѓа референдумот на Квебек за независност од Канада.

Родени:

1735	Џон Адамс — вториот претседател на Соединетите Американски Држави.
1751	Ричард Шеридан — ирски драматург.
1871	Пол Валери — француски поет.
1873	Франсиско Мадеро — мексикански политичар.
1885	Езра Паунд — американски поет и критичар.
1906	Џузепе Фарина — поранешен светски првак во „Формула 1“.
1930	Клифорд Браун — американски џез-музичар.
1931	Ѓорѓе Марјановиќ — српски и југословенски пејач на забавна музика.
1936	Полина Астахова — советска гимнастичарка.
1937	Клод Лелуш — француски филмски режисер.
1939	Грејс Слик — американска рок-музичарка.
1946	Рене Јакобс — белгиски пејач и диригент.
1958	Атила Клинче — македонски глумец.
1960	Диего Марадона — аргентински фудбалер.
1962	Штефан Кунц — германски фудбалер.
1978	Гаел Гарсија Бернал — мексикански глумец.
1981	Рубен Перес — шпански велосипедист.
1982	Един Терзиќ — хрватско-германски фудбалер и тренер.

Починале:

1757	Осман III — отомански султан.
1787	Фердинандо Галијани — италијански економист и значаен општественик од времето на просветителството.
1910	Жан Анри Динан — швајцарски филантроп, основач на Меѓународниот комитет на Црвениот крст во 1863 година, кој подоцна прерасна во меѓународна организација.
1914	Ернст Штадлер — германски поет.
1950	Борис Верлински — советски шахист.
1953	Имре Калман — унгарски композитор.
1975	Густав Лудвиг Херц — германски физичар.
1977	Густав Крклец — хрватски писател.
1987	Џозеф Кемпбел — американски митолог, писател и говорник.
1992	Џоан Мичел — американска сликарка.
2002	Хуан Антонио Бардем — шпански режисер.
2006	Клифорд Гирц — американски антрополог.
2009	Клод Леви-Строс — француски антрополог, познат како „татко на модерната антропологија“.
2013	Френк Вес — американски џез-музичар