സെപ്റ്റംബർ

സെപ്റ്റംബർ 1

• 1939 - രണ്ടാം ലോകമഹായുദ്ധം: നാസി ജർമനി പോളണ്ടിനെ ആക്രമിക്കുന്നു. യുദ്ധം ആരംഭിക്കുന്നു.
• 1969 - ലിബിയയിൽ വിപ്ലവം. കേണൽ ഗദ്ദാഫി അധികാരം പിടിച്ചടക്കുന്നു.
• 1983 - ശീതയുദ്ധം: കൊറിയൻ യാത്രാവിമാനം 007 സോവ്യറ്റ് ജറ്റുകൾ വെടിവച്ചിടുന്നു. അമേരിക്കൻ കോൺഗ്രസ് അംഗം ലോറൻസ് മക്ഡോണൾഡ് ഉൾപ്പെടെ 269 യാത്രക്കാർ മരിക്കുന്നു.
• 1991 - ഉസ്ബെക്കിസ്ഥാൻ സോവ്യറ്റ് യൂണിയനിൽനിന്ന് സ്വാതന്ത്ര്യം പ്രഖ്യാപിക്കുന്നു

സെപ്റ്റംബർ 2

• 1666 - 10000 കെട്ടിടങ്ങളെ ചാമ്പലാക്കിയ ലണ്ടനിലെ മഹാ അഗ്നിബാധ
• 1856 - ചൈനയിലെ നാൻജിങിലെ ടിയാൻജിങ് കൂട്ടക്കൊല.
• 1945 - വിയറ്റ്നാം സ്വാതന്ത്ര്യം പ്രഖ്യാപിച്ചു.
• 1945 - രണ്ടാം ലോകമഹായുദ്ധത്തിന്റെ ഔദ്യോഗിക അവസാനം.
• 1945- ജപ്പാനെതിരായ വിജയദിനം (അമേരിക്കയിൽ)
• 1957 - കേരളത്തിൽ വിദ്യാഭ്യാസ മന്ത്രി ജോസഫ് മുണ്ടശേരി ആവിഷ്കരിച്ച വിദ്യാഭ്യാസബിൽ പാസായി.
• 1991 – എസ്റ്റോണിയ, ലാത്വിയ, ലിത്വാനിയ എന്നീ ബാൾട്ടിക് സംസ്ഥാനങ്ങളുടെ സ്വാതന്ത്ര്യം യുണൈറ്റഡ് സ്റ്റേറ്റ്സ് അംഗീകരിച്ചു.

സെപ്റ്റംബർ 3

• ബി.സി.ഇ. 36 - സൈന്യാധിപൻ അഗ്രിപ്പായുടെ നേതൃത്വത്തിലുള്ള ഒക്ടേവിയന്റെ സൈന്യം നൗളോക്കസിലെ യുദ്ധത്തിൽ‌വച്ച് പോം‌പെയുടെ സൈന്യത്തെ പരാജയപ്പെടുത്തി.
• 301 - നിലവിലുള്ള ലോകത്തെ ഏറ്റവും പുരാതനമായ റിപ്പബ്ലിക് രാജ്യമായ സാൻ മരീനോ സ്ഥാപിതമായി.
• 1260 - പാലസ്തീനിൽ ഐൻ ജലുത് യുദ്ധത്തിൽ മംലൂക്കുകൾ മംഗോളിയരെ പരാജയപ്പെടുത്തി.
• 1939 - രണ്ടാം ലോകമഹായുദ്ധത്തിന്റെ ആരംഭം. പോളണ്ടിലേക്കുള്ള ജർമ്മനിയുടെ അധിനിവേശത്തെത്തുടർന്ന്, ഫ്രാൻസ്, യു.കെ., ന്യൂ സീലാന്റ്, ഓസ്ട്രേലിയ എന്നീ രാജ്യങ്ങൾ ജർമ്മനിക്കെതിരെ യുദ്ധം പ്രഖ്യാപിച്ചു.
• 1943 - രണ്ടാം ലോകമഹായുദ്ധം: സഖ്യശക്തികൾ ആദ്യമായി ഇറ്റലിയിൽ അധിനിവേശം നടത്തി.
• 1971 - ഖത്തർ സ്വതന്ത്രരാജ്യമായി.
• 1995 - ഇ-ബെ സ്ഥാപിതമായി

സെപ്റ്റംബർ 4

• 1888 - കൊഡാക് എന്ന വ്യാപാരമുദ്ര ജോർജ്ജ്‌ ഈസ്റ്റ്‌മാൻ രെജിസ്റ്റർ ചെയ്തു. കൂടാതെ റോൾ ഫിലിം ഉപയോഗിക്കുന്ന തന്റെ ക്യാമറക്ക് പേറ്റന്റ് നേടീ.
• 1956 - വിവരശേഖരണത്തിന്‌ കാന്തികഡിസ്ക് ഉപയോഗിക്കുന്ന ആദ്യ വ്യവസായികാടിസ്ഥാനത്തിലുള്ള ഐ.ബി.എം. റാമാക് 305 എന്ന കമ്പ്യൂട്ടർ പുറത്തിറങ്ങി.
• 1970 - സാൽ‌വദോർ അല്ലെൻഡെ ചിലിയുടെ പ്രസിഡണ്ടായി തെരഞ്ഞെടുക്കപ്പെട്ടു.
• 2016 - മദർ തെരേസയെ വിശുദ്ധയായി പ്രഖ്യാപിച്ചു.

സെപ്റ്റംബർ 5

• 1800 - ബ്രിട്ടൺ മാൾട്ട പിടിച്ചടക്കി.
• 1961 - ചേരിചേരാരാഷ്ട്രങ്ങളുടെ ആദ്യസമ്മേളനം ബെൽഗ്രേഡിൽ നടന്നു.
• 1984 - വധശിക്ഷ നിലവിലുണ്ടായിരുന്ന ഓസ്ട്രേലിയയിലെ അവസാന സംസ്ഥാനമായിരുന്ന പടിഞ്ഞാറൻ ഓസ്ട്രേലിയയിലും‍ വധശിക്ഷ നിർത്തലാക്കി.

സെപ്റ്റംബർ 6

• 1939 രണ്ടാം ലോകമഹായുദ്ധം ദക്ഷിണാഫ്രിക്ക, കാനഡഎന്നീ രാജ്യങ്ങൾ ജർമനിയ്ക്കെതിരെ യുദ്ധം പ്രഖ്യാപിച്ചു.
• 1968 ബ്രിട്ടീഷ് കോളനിയായിരുന്ന സ്വാസിലാന്റിനു സ്വാതന്ത്ര്യം ലഭിച്ചു.

സെപ്റ്റംബർ 7

• ബി.സി.ഇ. 1251 - ഗ്രീസിലെ തീബ്സിൽ സൂര്യഗ്രഹമുണ്ടായതായും ഹെറാക്ലീസ് ജനിച്ചതായും വിശ്വസിക്കപ്പെടുന്നു
• 70 - ജനറൽ ടൈറ്റസിന്റെ നേതൃത്വത്തിലുള്ള റോമൻ പട ജറുസലേം കീഴടക്കുകയും കൊള്ളയടിക്കുകയും ചെയ്തു.
• 1191 - മൂന്നാം കുരിശുയുദ്ധം:അഴ്‌സഫിലെ യുദ്ധം- ഇംഗ്ലണ്ടിന്റെ റിച്ചാർഡ് ഒന്നാമൻ സലാദിനെ തോല്പ്പിച്ചു.
• 1539 - ഗുരു അംഗദ് ദേവ് സിക്കുകാരുടെ രണ്ടാമതു ഗുരുവായി.
• 1776 - ലോകത്തിലെ ആദ്യത്തെ മുങ്ങിക്കപ്പൽ ആക്രമണം. അമേരിക്കയുടെ ടർട്ടിൽ സബ്‌മെഴ്സിബിൾ ബ്രിട്ടീഷ് അഡ്‌മിറൽ റിച്ചാർഡ് ഹോവിന്റെ എച്. എം. എസ് ഈഗിളിന്റെ ഹള്ളിൽ ടൈം ബോംബ് വെക്കാൻ ശ്രമിച്ചു.
• 1812 - നെപ്പോളിയന്റെ യുദ്ധങ്ങൾ: ബൊറോഡിനോയിലെ യുദ്ധം - ബൊറോഡിനോ എന്ന ഗ്രാമത്തിൽ വെച്ച് അലക്സാണ്ടർ ഒന്നാമന്റെ റഷ്യൻ സേനയെ തോല്പ്പിച്ചു.
• 1818 - സ്വീഡൻ-നോർ‌വേയിലെ കാൾ മൂന്നാമൻ ട്രൗൺഹേമിൽ വെച്ച് നോർ‌വേയുടെ രാജാവായി അധികാരമേറ്റു
• 1821 - റിപ്പബ്ലിക്ക് ഓഫ് ഗ്രാൻ കൊളംബിയ സ്ഥാപിതമായി. ഇന്നത്തെ വെനിസ്വേല, കൊളംബിയ, പനാമ, ഇക്വഡോർ എന്നിവയുടെ മിക്ക ഭാഗങ്ങളും ഉൾക്കൊള്ളുന്ന ഒരു ഫെഡറേഷൻ ആയിരുന്നു അത്. സിമോൺ ബൊളിവാർ സ്ഥാപക പ്രസിഡന്റും ഫ്രാൻസിസ്കോ ദെ പോളാ സന്റൻഡർ വൈസ് പ്രസിഡന്റുമായി സ്ഥാനമേറ്റു.
• 1822 - ഡോം പെഡ്രോ ഒന്നാമൻ സാവോ പോളോയിലെ ഇപിരാൻഗാ നദിയുടെ തീരത്തുവെച്ച് പോർച്ചുഗലിൽ നിന്നും ബ്രസീലിനു സ്വാതന്ത്ര്യം പ്രഖ്യാപിച്ചു.
• 1860 - ലേഡി എൽജിൻ എന്ന ആവിക്കപ്പൽ മിഷിഗൺ തടാകത്തിൽ മുങ്ങി നാനൂറോളം പേർ മരിച്ചു
• 1864 - അമേരിക്കൻ ആഭ്യന്തര യുദ്ധം.: യൂണിയൻ ജനറൽ വില്ല്യം ടെകുംസെ ഷെർമാന്റെ കല്പ്പന പ്രകാരം അറ്റ്ലാന്റയും ജോർജിയയും അടിയന്തരമായി ഒഴിപ്പിച്ചു.
• 1953 - നികിത ക്രൂഷ്ചേവ് സോവിയറ്റ് കേന്ദ്ര കമ്മിറ്റിയുടെ തലവനായി.
• 1977 - പനാമ കനാലിന്റെ നിയന്ത്രണം ഇരുപതാം നൂറ്റാണ്ടിന്റെ അന്ത്യത്തോടെ പനാമക്ക് കൈമാറുന്നതിനുള്ള ടോറിജോസ്-കാർട്ടർ ഉടമ്പടി ഒപ്പുവക്കപ്പെട്ടു.
• 1979 - എന്റർടയിന്മെന്റ് ആന്റ് സ്പോർട്ട്സ് പ്രോഗ്രാമിങ് നെറ്റ്വർക്ക് എന്ന ഇ.എസ്.പി.എൻ. പ്രക്ഷേപണം ആരംഭിച്ചു.
• 1986 - ചിലിയുടെ പ്രസിഡണ്ടായിരുന്ന അഗസ്റ്റോ പിനോഷെ ഒരു വധശ്രമത്തിൽ നിന്ന്‌ രക്ഷപ്പെട്ടു.
• 1998 - സ്റ്റാൻഫോർഡ് സർ‌വകലാശാലയിലെ വിദ്യാർത്ഥികളായിരുന്ന ലാറി പേജും, സെർജി ബ്രിന്നും ചേർന്ന് ഗൂഗിൾ സ്ഥാപിച്ചു.
• 2005 - ഈജിപ്തിൽ ആദ്യ പ്രസിഡണ്ട് തിരഞ്ഞെടുപ്പ് നടന്നു.

സെപ്റ്റംബർ 8

• 1941 - നാസിപ്പട സോവിയറ്റ് യൂണിയന്റെ രണ്ടാം വൻ‌നഗരമായ ലെനിൻ‌ഗ്രാഡ് ഉപരോധം ആരംഭിച്ചു.
• 1943 - ചെക്ക്‌ മാധ്യമപ്രവർത്തകനും കമ്മ്യൂണിസ്റ്റും നാസിവിരുദ്ധ പോരാളിയുമായിരുന്ന ജൂലിയസ് ഫ്യൂസിക്കിനെ നാസികൾ ക്രൂരമായി വധിച്ചു.

സെപ്റ്റംബർ 9

• 1828-പ്രശസ്ത റഷ്യൻ സാഹിത്യകാരനായ ലിയോ ടോൾസ്റ്റോയ് ജനിച്ചു.

സെപ്റ്റംബർ 10

• 1823 - സൈമൺ ബൊളിവർ പെറുവിന്റെ പ്രസിഡന്റായി.
• 1963 - അമേരിക്കയിലെ പൗരാവകാശ സമരത്തിന്റെ ഭാഗമായി 20 കറുത്തവർഗ്ഗക്കാരായ വിദ്യാർത്ഥികൾ അലബാമയിലെ പബ്ലിക് സ്കൂളുകളിൽ പ്രവേശിച്ചു
• 1974 - പശ്ചിമാഫ്രിക്കയിലെ റിപ്പബ്ലിക് ഓഫ് ഗിനീ-ബിസൗ (Guinea-Bissau) പോർച്ചുഗലിന്റെ കൊളോണിയൽ ഭരണത്തിൽ നിന്നും സ്വതന്ത്രമായി.

സെപ്റ്റംബർ 11

• 2001 - അമേരിക്കയിലെ ലോകവ്യാപാര കേന്ദ്രത്തിനു നേരെ ചാവേർ ആക്രമണം

സെപ്റ്റംബർ 12

• 1980 - ടർക്കിയിൽ സൈനിക അട്ടിമറി

സെപ്റ്റംബർ 13

• 1940 - ര‍ണ്ടാം ലോകമഹായുദ്ധം: ഇറ്റലി ഈജിപ്തിനെ കീഴടക്കി

സെപ്റ്റംബർ 14

• 1917 - റഷ്യ റിപ്പബ്ലിക്ക് ആയതായി ഔദ്യോഗിക പ്രഖ്യാപനം
• 1949 ഇന്ത്യയുടെ ദേശീയഭാഷയായ ഹിന്ദിയെ ഔദ്യോഗികഭാഷയായി പ്രഖ്യാപിച്ചു.

സെപ്റ്റംബർ 15

• 1656 - ഇംഗ്ലണ്ടും ഫ്രാൻസും ഒരു സമാധാന ഉടമ്പടിയിൽ ഒപ്പു വച്ചു.
• 1812 - നെപ്പോളിയന്റെ നേതൃത്വത്തിലുള്ള ഫ്രഞ്ചുപട മോസ്കോയിലെ ക്രെംലിനിലെത്തി.
• 1821 - കോസ്റ്റാറിക്ക, എൽ സാൽ‌വഡോർ, ഗ്വാട്ടിമാല, ഹോണ്ടുറാസ്, നിക്കരാഗ്വ എന്നീ രാജ്യങ്ങൾ സ്പെയിനിൽ നിന്നും സ്വാതന്ത്ര്യം പ്രഖ്യാപിച്ചു.
• 1835 - ചാൾസ് ഡാർവിൻ സഞ്ചരിച്ചിരുന്ന എച്ച്.എം.എസ്. ബീഗിൾ എന്ന കപ്പൽ ഗലാപഗോസ് ദ്വീപിലെത്തി.
• 1894 - ഒന്നാം സൈനോ ജപ്പാനീസ് യുദ്ധം: പ്യോങ് യാങ് യുദ്ധത്തിൽ ജപ്പാൻ ചൈനയെ പരാജയപ്പെടുത്തി.
• 1935 - നാസി ജർമ്മനി സ്വസ്തിക മുദ്രണം ചെയ്തിട്ടുള്ള പുതിയ പതാക സ്വീകരിച്ചു.
• 1952 - ഐക്യരാഷ്ട്രസഭ, എറിട്രിയ എത്യോപ്യക്കു നൽകി.
• 1959 - നികിത ക്രൂഷ്ച്ചേവ് അമേരിക്ക സന്ദർശിക്കുന്ന ആദ്യ സോവിയറ്റ് നേതാവായി.

സെപ്റ്റംബർ 16

• 1908 - ജനറൽ മോട്ടേഴ്‌സ്‌ സ്ഥാപിതമായി.
• 1975 - പാപുവാ ന്യൂ ഗിനിയ ഓസ്ട്രേലിയയിൽനിന്നും സ്വതന്ത്രമായി.

സെപ്റ്റംബർ 17

• 1914 - ആൻഡ്രൂ ഫിഷർ മൂന്നാമതും ഓസ്ട്രേലിയൻ പ്രധാനമന്ത്രിയായി.

സെപ്റ്റംബർ 18

• 1180 - ഫിലിപ്പ് അഗസ്റ്റസ് ഫ്രാൻസിന്റെ രാജാവായി.
• 1502 - തന്റെ നാലാമത്തേയും അവസാനത്തേതുമായ പര്യവേഷണയാത്രയിൽ ക്രിസ്റ്റഫർ കൊളംബസ് കോസ്റ്റാറിക്കയിലെത്തി
• 1759 - ബ്രിട്ടീഷുകാർ ക്യൂബെക് നഗരം പിടിച്ചടക്കി.
• 1793 - ജോർജ്ജ് വാഷിങ്ടൺ ക്യാപിറ്റോൾ കെട്ടിടത്തിന്റെ ആദ്യ തറക്കല്ലിട്ടു.
• 1851 - ന്യൂയോർക്ക് ടൈംസ് എന്നു പിന്നീടു പേരുമാറ്റിയ ദ് ന്യൂയോർക്ക് ഡെയ്‌ലി ടൈംസ് പ്രസിദ്ധീകരണം ആരംഭിച്ചു.
• 1906 - സുനാമിയും ടൈഫൂണും മൂലം ഹോങ്കോങ്ങിൽ പതിനായിരത്തോളം പേർ മരണപ്പെട്ടു.
• 1919 - നെതർലാന്റിൽ സ്ത്രീകൾക്ക് വോട്ടവകാശം സിദ്ധിച്ചു.
• 1922 - ഹംഗറി ലീഗ് ഓഫ് നേഷൻസിൽ അംഗമായി.
• 1932 - പെഗ് എന്റ്വിസിൽ എന്ന അഭിനേത്രി ഹോളിവുഡ് ചിഹ്നത്തിലെ "H" എന്ന അക്ഷരത്തിനു മുകളിൽ നിന്ന് ചാടി ആത്മഹത്യ ചെയ്തു.
• 1934 - സോവ്യറ്റ് യൂണിയൻ ലീഗ് ഓഫ് നേഷൻസിൽ അംഗമായി.
• 1943 - രണ്ടാം ലോകമഹായുദ്ധം: ഡാനിഷ് ജൂതന്മാരെ നാടുകടത്താൻ ഹിറ്റ്ലർ ഉത്തരവിട്ടു.
• 1962 - റ്വാണ്ട, ബറുണ്ടി, ജമൈക്ക എന്നീ രാജ്യങ്ങൾ ഐക്യരാഷ്ട്രസഭയിൽ അംഗങ്ങളായി.
• 1973 - പൂർ‌വ്വജർമ്മനിയും പശ്ചിമജർമ്മനിയും ഐക്യരാഷ്ട്രസഭയിൽ അംഗങ്ങളായി.
• 1984 - ബലൂണിൽ അറ്റ്ലാന്റിക് സമുദ്രം താണ്ടി ജോ കിറ്റിങർ ചരിത്രം സൃഷ്ടിച്ചു.
• 1988 - ബർമ്മ അതിന്റെ ഭരണഘടന അസാധുവാക്കി. ജനാധിപത്യവാദികൾക്കെതിരെയുള്ള സൈനികാക്രമണത്തിൽ ആയിരക്കണക്കിനു പേർ മരിച്ചു.

സെപ്റ്റംബർ 19

• 1957 - യു എസിന്റെ ആദ്യ ഭൂഗർഭ ആണവ ബോംബ് പരീക്ഷണം

സെപ്റ്റംബർ 20

• 1187- സലാദിൻ ജെറുസലേം ആക്രമണം ആരംഭിച്ചു.
• 1519 - ഫെർഡിനാൻഡ് മാഗല്ലൻ, 270 സഹയാത്രികരുമായി ഭൂമി ചുറ്റി സഞ്ചരിക്കാനുള്ള തന്റെ കപ്പൽയാത്ര സാൻലൂകാർ ഡി ബരാമെഡയിൽ നിന്നും ആരംഭിച്ചു.
• 1891 - ആദ്യ പെട്രോൾ കാർ അമേരിക്കയിൽ മസാചുസെറ്റ്സിലെ സ്പ്രിങ്ഫീൽഡിൽ പുറത്തിറങ്ങി.
• 1930 - ആർച്ച് ബിഷപ്പ് മാർ ഇവാനിയോസ്, സീറോ മലങ്കര കത്തോലിക്കസഭ സ്ഥാപിച്ചു.
• 1946 - ആദ്യ കാൻ ചലച്ചിത്രോൽസവം സംഘടിപ്പിക്കപ്പെട്ടു.
• 1977 - വിയറ്റ്നാം ഐക്യരാഷ്ട്രസഭയിൽ അംഗമായി.
• 1984 - ലെബനന്റെ തലസ്ഥാനമായ ബെയ്റൂട്ടിലെ അമേരിക്കൻ നയതന്ത്ര്യകാര്യാലയത്തിനു നേരെയുണ്ടായ ആത്മഹത്യാ കാർബോംബാക്രമണത്തിൽ ഇരുപത്തിരണ്ടു പേർ കൊല്ലപ്പെട്ടു.
• 2000 - ബ്രിട്ടന്റെ എം.ഐ. 6 രഹസ്യാന്വേഷണവിഭാഗത്തിന്റെ കെട്ടിടത്തിനു നേരെ മിസൈലാക്രമണം നടന്നു. റഷ്യൻ നിർമ്മിത പീരങ്കിവേധമിസൈൽ ആയ മാർക്ക് 22 ആയിരുന്നു ഇതിനുപയോഗിച്ചത്.

സെപ്റ്റംബർ 21

• 1981-എറണാകുളം ഫൈൻ ആർട്സ് ഹാളിൽ കൊച്ചിൻ കലാഭവൻ മിമിക്സ് പരേഡ് എന്ന കലാരൂപം ആദ്യമായി അവതരിപ്പിച്ചു.

സെപ്റ്റംബർ 22

• 1789 - രാജാ കേശവദാസ് ‍തിരുവിതാംകൂറിലെ ദിവാനായി നിയമിതനായി
• 1908 - ബൾഗേറിയ സ്വതന്ത്രയാവുന്നു.
• 1960 - മാലി ഫ്രാൻസിന്റെ കൊളോണിയൽ ഭരണത്തിൽ നിന്നും സ്വാതന്ത്ര്യം നേടി
• 1965 - കാശ്മീരിനെ ചൊല്ലിയുണ്ടായ രണ്ടാം ഇന്ത്യാ - പാകിസ്താൻ യുദ്ധം ഐക്യരാഷ്ട്രസഭയുടെ നേതൃത്വത്തിൽ അവസാനിച്ചു.
• 1980 - ഇറാക്ക് ഇറാനെ ആക്രമിച്ച് കടന്നു കയറുന്നു

സെപ്റ്റംബർ 23

• 1980 - ബോബ് മാർലി തന്റെ അവസാനത്തെ സംഗീതവിരുന്ന് (കൺസർട്ട്) നടത്തി.
• 1983 - സെന്റ് കിറ്റ്സ് ആന്റ് നെവിസ് ഐക്യരാഷ്ട്രസഭയിൽ അംഗം ആകുന്നു.
• 2002 - മോസില്ല ഫയർഫോക്സ് വെർഷൻ 0.1 പുറത്തിറക്കി.

സെപ്റ്റംബർ 24

• 1948 - ഹോണ്ട മോട്ടോർ കമ്പനി സ്ഥാപിതമായി.

സെപ്റ്റംബർ 25

• 1066 - സ്റ്റാംഫഡ് ബ്രിഡ്ജ് യുദ്ധം ആംഗ്ലോ-സാക്സൺ യുഗത്തിന്‌ അന്ത്യം കുറിച്ചു.

സെപ്റ്റംബർ 26

• 1944 - രണ്ടാം ലോകമഹായുദ്ധം: ഓപ്പറേഷൻ മാർക്കറ്റ് ഗാർഡൻ പരാജയപ്പെട്ടു.

സെപ്റ്റംബർ 27

• 1777 - പെൻസിൽ‌വാനിയയിലെ ലങ്കാസ്റ്റെർ, ഒരു ദിവസത്തേക്ക് അമേരിക്കയുടെ തലസ്ഥാനമായി.
• 1821 - മെക്സിക്കോ സ്പെയിനിൽ നിന്നും സ്വതന്ത്രമായി.
• 1854 - ആർടിക് എന്ന ആവിക്കപ്പൽ കടലിൽ മുങ്ങി മുന്നൂറുപേർ മരിച്ചു. അറ്റ്ലാന്റിക് സമുദ്രത്തിലെ ആദ്യത്തെ പ്രധാന കപ്പലപകടമായി ഈ സംഭവം വിലയിരുത്തപ്പെടുന്നു.
• 1928 - ചൈനയെ അമേരിക്ക അംഗീകരിച്ചു.
• 1937 - അവസാനത്തെ ബാലി കടുവയും മരിച്ചു.
• 1983 - യുണിക്സ് പോലെയുള്ള സ്വതന്ത്ര ഓപ്പറേറ്റിങ് സിസ്റ്റം വികസിപ്പിക്കാനുള്ള ഗ്നു പദ്ധതി റിച്ചാർഡ് സ്റ്റാൾമാൻ പ്രഖ്യാപിച്ചു.
• 1996 - അഫ്ഗാനിസ്ഥാനിൽ തലസ്ഥാനനഗരമായ കാബൂൾ താലിബാൻ പിടിച്ചടക്കി. പ്രസിഡണ്ടായിരുന്ന ബുർഹനുദ്ദിൻ റബ്ബാനിയെ നാടുകടത്തുകയും, മുൻ നേതാവായിരുന്ന മൊഹമ്മദ് നജീബുള്ളയെ വധിക്കുകയും ചെയ്തു.
• 2002 - കിഴക്കൻ ടിമോർ ഐക്യരാഷ്ട്രസഭയിൽ അംഗമായി.
• 2019- നിയമസഭ ഉപതെരഞ്ഞെടുപ്പിൽ നീണ്ട 54 വർഷത്തെ യുഡിഎഫി ന്റെ അധികാരകേന്ദ്രം ആയിരുന്ന പാലായിൽ എൽഡിഎഫ് സ്ഥാനാർഥി മാണി സി കാപ്പൻ 2943 വോട്ടിന്റെ ഭൂരിപക്ഷത്തിൽ വിജയിച്ചു.

സെപ്റ്റംബർ 28

• 1950- ഇന്തോനേഷ്യ ഐക്യരാഷ്ട്രസഭയിൽ അംഗമായി.
• 1997-ഗൂഗിൾ പ്രവർത്തനമാരംഭിച്ചു

സെപ്റ്റംബർ 29

• 1885 - ഇംഗ്ലണ്ടിലെ ബ്ലാക്ക്‌പൂളിൽ ആദ്യത്തെ പൊതുജനോപയോഗത്തിനുള്ള വൈദ്യുത ട്രാം വേ പ്രവർത്തനമാരംഭിച്ചു.
• 1960 - സോവിയറ്റ് നേതാവ് നികിത ക്രൂഷ്‌ചേവ് ഐക്യരാഷ്ട്രസഭാ സമ്മേളനം അലങ്കോലപ്പെടുത്തി.
• 2014 - ഒ. പനീർശെൽവം തമിഴ്നാടിന്റെ മുഖ്യമന്ത്രിയായി സത്യപ്രതിജ്ഞ ചെയ്യ്തു.

സെപ്റ്റംബർ 30

• 1882 - ലോകത്തിലെ ആദ്യ ജലവൈദ്യുത ഉല്പ്പാദന കേന്ദ്രം (ആപ്പിൾടൺ-എഡിസൺ ലൈറ്റ് കമ്പനി) അമേരിക്കയിലെ വിസ്കോൺസിനിലെ ആപ്പിൾടൺ എന്ന സ്ഥലത്ത് ഫോക്സ് നദിയിൽ സ്ഥാപിതമായി.
• 1947 - പാകിസ്താൻ ഐക്യരാഷ്ട്രസഭയിൽ ചേർന്നു.
• 1965 - ജനറൽ സുഹാർതോ ഇൻ‍ഡോനീഷ്യയിൽ അധികാരത്തിലേറി.
• 1993 - മഹാരാഷ്ടയിലെ ലത്തൂരിലും ഒസ്മാനാബാദിലും ഭൂകമ്പം.