இசுரேல்-பாலத்தீனப் பிணக்கு
இசுரேல்-பாலத்தீனப் பிணக்கு (Israeli–Palestinian conflict) இருபதாம் நூற்றாண்டின் மத்தியிலிருந்து இன்றுவரை இசுரேலுக்கும் பலத்தீனத்திற்கும் இடையே நடைபெற்றுவரும் தொடர்போராட்டத்தை குறிக்கிறது.[1] இந்தப் பிணக்குகள் பிரித்தானியர் ஆண்டுவந்த காலத்திலிருந்தே சீயோனியர்களுக்கும் (yishuv) அரபு மக்களுக்கும் இடையே இருந்து வந்துள்ளது. இது பரந்த அரபு-இசுரேல் முரண்பாட்டின் மைய அங்கமாகும். இந்தப் பிணக்கே உலகின் "மிகவும் சிக்கலான பிணக்காக" கருதப்படுகிறது.[3][4][5]இந்தப் பிணக்கை தீர்க்கும் வழியாக தன்னாட்சியுடைய பலத்தீனத்தையும் அதையடுத்த இசுரேலையும் கொண்டவாறு இரு நாடுகளை உருவாக்கும் தீர்வு பலமுறை முன்மொழியப்பட்டுள்ளன.[6] பல கருத்துக் கணிப்புக்களின்படி பெரும்பாலான இசுரேலியர்களும் பாலத்தீனர்களும் இந்த பிணக்கைத் தீர்க்க இருநாடுகள் தீர்வே சிறந்ததாக ஒப்புக் கொள்கின்றனர்.[7][8][9] மிகுதியான பலத்தீனர்கள் மேற்குக் கரையும் காசா கரையும் உள்ளடங்கியப் பகுதி தங்கள் வருங்கால நாடாக கருதுகின்றனர்; இதற்கு பெரும்பாலான இசுரேலியர்களும் உடன்படுகின்றனர்.[10] ஒரு சில கல்வியாளர்கள் இசுரேல், காசாக் கரை, மேற்கு கரை ஒவ்வொன்றும் சம உரிமையுடனான, இரட்டைக் குடியுரிமை பெற்ற, ஒரே நாட்டின் பகுதிகளாக ஒருநாட்டுத் தீர்வை முன்வைத்துள்ளனர். [11][12] இருப்பினும், எந்தவொரு இறுதித் தீர்வைக் குறித்தும் குறிப்பிடத்தக்க அளவில் கருத்து வேறுபாடுகள் உள்ளன. மேலும் எதிர்தரப்பின் நம்பகத்தன்மை குறித்தும் எந்தளவில் வாக்குறுதிகளை காப்பாற்றும் என்பது குறித்தும் மற்ற தரப்பிற்கு ஐயங்கள் உள்ளன.[13]
இசுரேல்–பலத்தீன பிணக்கு | |||||||||
---|---|---|---|---|---|---|---|---|---|
the அரபு-இசுரேல் முரண்பாடு பகுதி | |||||||||
மேற்குக் கரைக்கும் காசா கரைக்கும் அடுத்துள்ள இசுரேலின் நடுப்பகுதி, 2007 | |||||||||
| |||||||||
பிரிவினர் | |||||||||
Israel | அனைத்து-பலத்தீனம் (1948–1959) பலஸ்தீன விடுதலை இயக்கம் (1964–93) | ||||||||
இழப்புகள் | |||||||||
21,500 உயிரிழப்புகள் (1965–2013)[2] |
வரலாறு
ஜெர்மனியில் ஹிட்லரால் யூதர்கள் வேட்டையாடப்பட்ட பின்னணியில் தங்களுக்கென்று ஒரு நாடு என்ற கோரிக்கை யூதர்கள் மத்தியில் வலுத்தது. 1947ல் ஐக்கிய நாடுகள் அவை தலையிட்டு, 55 சதவீத பிரதேசம் யூதர்களுக்கு எனவும், 44 சதவீதம் பாலஸ்தீனியர்களுக்கு என்றும், 1 சத வீதம் ஜெருசலேம் தனியாக சர்வதேசக் கண் காணிப்பில் இருக்கும் என்றும் பிரித்துக் கொடுத்தது.[14]