Bigarren Mailako Esku Huskako Buruz Buruko Pilota Txapelketa
Bigarren Mailako Esku Huskako Buruz Buruko Pilota Txapelketa edo Buruz Buruko Promozio Txapelketa esku huskako pilota profesionalean jokatzen den bigarren mailako txapelketa garrantzitsuena da, lehenengo mailakoa Esku Huskako Buruz Buruko Pilota Txapelketa Nagusia izanik. 1957an sortu zen, eta urtero egiten da. Pilotari berrien edo maila baxuagokoen txapelketa da.
Lehen txapelketaren irabazlea Del Val izan zen. Finala gehien jokatu dituen pilotaria, berriz, Elgea da, nahiz eta bakarra irabazi.
Tradizioz, bigarren mailako txapelketaren irabazleak, hurrengo urtean, lehen mailako buruz buruko txapelketan parte hartzen du. Bigarren mailako txapelketa pilotari handiek irabazi dute, besteak beste Retegi I.ak, Retegi II.ak, Arretxek, Belokik edo Olaizola II.ak.
Txapelketaren irabazleak
(1) 1998ko eta 1999ko ekitaldietan txapelketa bi egin zituzten, Aspe eta Asegarce enpresak ados jarri ez zirelako.
Txapelak herrialdeen arabera
Herrialdea | Txapelak | Pilotariak |
Gipuzkoa | 22 | Arteaga II.ak 2, Andueza III.ak 1, Andueza VI.ak 1, Erostarbek 1, Arruabarrenak 1, Atano X.ak 1, Tapia I.ak 1, Esnaolak 1, Alustizak 1, Etxenagusiak 1, Urrak 1, Beristainek 1, Berraondok 1, Unsainek 1, Errastik 1, Kokak 1, Peñagarikanok 1, Aritz Lasak 1 , Olaetxeak 1, Rezustak 1 eta Mendizabal III.ak 1 |
Nafarroa Garaia | 21 | Lasa III.ak 2, Bergara I.ak 1, Retegi I.ak 1, Oreja II.ak 1, Retegi II.ak 1, Maiz II.ak 1, Txoperena II.ak 1, Retegi IV.ak 1, Arretxek 1, Urzainkik 1, Soroa III.ak 1, Belokik 1, Esainek 1, Olaizola II.ak 1, Pascualek 1, Galartza V.ak 1, Retegi Bik 1, Beroitzek 1 , Jaunarenak 1 eta Bakaikoak 1 |
Bizkaia | 12 | Garcia Ariño II.ak 2, Gorostizak 1, Elgeak 1, Ansotegik 1, Lukek 1, Lejarazuk 1, Irazolak 1, Berasaluze IX.ak 1, Leitza 1, Urberuagak 1 eta Zearrak 1 |
Errioxa | 7 | Del Valek 1, Herránek 1, Nalda II.ak 1, Santik 1, Untoria 1, Víctorrrek 1 eta Daríok 1. |
Araba | 1 | Arkaiak 1 |
Lapurdi | 1 | Gonzalezek 1 |
Burgos | 1 | Raik 1 |