Manchester United Football Club

Manchester United Football Club Ingalaterra eta Europako futbol talde ospetsuenetakoa da, Manchester hirikoa. Izan ere, Premier League txapelketa 19 aldiz eta Txapeldunen Liga hirutan irabazi ditu. Jokalari gehienak harrobian sortzeko politikak arrakasta handia eman dio klubari hainbat etapatan. The Red Devils ("deabru gorriak") ezizenarekin ezagutzen dira Unitedeko jokalariak.

Manchester United Football Club
Datuak
Izen ofiziala
Manchester United Football Club, Newton Heath LYR Football Club eta Newton Heath Football Club
Motafutbol-kluba, negozioa, futbol taldea eta kapital irekiko enpresa
HerrialdeaErresuma Batua
IzengoitiaThe Red Devils
LigaPremier League
EstadioaOld TraffordTrafford (en) Itzuli
53°27′47″N 2°17′29″W / 53.463055555556°N 2.2913888888889°W / 53.463055555556; -2.2913888888889
 75.731
Agintea
LehendakariaJoel Glazer (en) Itzuli eta Avram Glazer (en) Itzuli
EntrenatzaileaErik ten Hag (en) Itzuli
Egoitza nagusi
JabeaManchester United Limited (en) Itzuli
BabesleaTeamViewer (en) Itzuli
Zeren jabe
The Cliff (en) Itzuli, Manchester United Radio (en) Itzuli, Old Trafford eta Trafford Training Centre (en) Itzuli
Balore-burtsaNew Yorkeko burtsa
Historia
Sorrera1878
Sortzailea
Lancashire and Yorkshire Railway (en) Itzuli
Jasotako sariak
BBC Sports Personality Team of the Year Award  (1999)
BBC Sports Personality Team of the Year Award  (1968)
Laureus World Sports Award for Team of the Year  (2000)
Taldearen koloreakTaldearen koloreakTaldearen koloreak
Taldearen koloreak
Taldearen koloreak
 
Etxekoa
Taldearen koloreakTaldearen koloreakTaldearen koloreak
Taldearen koloreak
Taldearen koloreak
 
Kanpokoa
webgune ofiziala
Facebook: manchesterunited Twitter: ManUtd Instagram: manchesterunited LinkedIn: manchester-united Youtube: UC6yW44UGJJBvYTlfC7CRg2Q TikTok: manutd Musicbrainz: 975127e7-5be1-4c40-a70d-a51409c0ed4a Edit the value on Wikidata
"Busby babes" 1955ean.
FC Barcelonaren aurka 2009ko Txapeldunen Ligako finalean.
Wayne Rooneyren jokaldia Arsenalen aurkako partidan.
Sir Alex Ferguson entrenatzaile mitikoa.

Hiriko beste talde handia den Manchester Cityrekin (the Citizens) lehia estua du.

Historia

Sorrera eta hasierako urteak

1878an sortu zuten kluba Lancashire and Yorkshire Railway tren konpainiako futbol taldea bezala. Hasieran konpainia bereko taldeen artean jokatu zituzten partidak. 1893an lehen mailan hasi zen jokatzen baina diru arazoen erruz 1902an desagertu egin behar zuen taldeak eta izena aldatzea erabaki zuen, Manchester United Football Club.

1908an irabazi zuen lehenengo Liga eta 1909an Kopa. 1911ean berriz ere Liga irabazi zuen garai hartako talde indartsu bihurtuz, baina Lehen Mundu Gerraren ondoren taldearen gainbehera etorri zen 1922an maila galdu arteraino. 30. hamarkadan yo-yo taldea bihurtu zen, hainbat igoera eta jaitsiera jarraian izan baitzituen.

Matt Busby: lehenengo urrezko aroa

Bigarren Mundu Gerra bukatu berritan taldeak Matt Busby entrenatzailea fitxatu zuen 1969 arte taldearen buru izango zena. 1948an Kopa irabaztearekin taldearen "urrezko aroari" hasiera eman zion. 50. hamarkadan hiru liga irabazi zituen eta talde garaiezina osatu zuen baina 1958ko otsailaren 6an taldeak Munichera bidean zihoala hegazkin istripua izan zuen eta garaipen bolada hori bat-batean eten zen. 23 pertsona hil ziren, hauetako 8 taldeko jokalari mitikoak: Geoff Bent, Roger Byrne, Eddie Colman, Duncan Edwards, Mark Jones, David Pegg, Tommy Taylor eta Billy Whelan. Aipatzekoa da 1957an Bilboko Athletic Klubak elurpean Manchesterren aurka jokaturiko partida mitikoa.

Matt Busbyk 60. hamarkadan taldea berriz osatu behar izan zuen. 1963an Kopa, 1965 eta 1967an Ligak eta azkenik 1968an lehenengo Europako Kopa, talde ingeles batez lortzen zuen lehena gainera. Busbyk 1969an utzi zion entrenatzaile izateari 24 urteren ondoren. Hurrengo urteetan ez zuen maila bera lortu eta 15 urtetan Ingalaterrako hiru Kopa baino ez zituen lortu.

Alex Ferguson: bigarren urrezko aroa

1986an Alex Ferguson entrenatzaile eskoziarrak hartu zuen taldearen ardura eta 1991ean Europako bigarren titulua eskuratu zuen, Errekopa hain zuzen ere. Hilabete batzuk beranduago Europako Superkopa ere irabazi zuen. 1992an Premier League txapelketa berria abiarazi zen eta Manchester bihurtu da talde nagusia. Jokatu diren 21 ekitaldietatik 13 irabazi ditu, Ingalaterrako Ligako palmares nagusian Liverpool FC bera ere gainditu duelarik.

Txapeldunen Liga ere bi aldiz irabazi du 1999 eta 2008an eta bietan Kontinente arteko Futbol Kopa ere irabazi zuen. 2009 eta 2011ea ere finalera iritsi zen, biak FC Barcelonaren aurka galdu bazituen ere.

Bolada honetan ekonomikoki oso indartsu ibili da Manchester United. Hori dela eta, batek baino gehiagok erosi nahi izan du taldea. Lehenengoa Rupert Murdoch izan zen, baina gobernuak operazioa galarazi zuen. 2005ean, halere, Malcolm Glazer-ek, polemikak polemika, erosi egin zuen.

2013tik aurrera

Alex Fergusonek 2013ko maiatzean utzi zuen taldea eta David Moyes fitxatu zuen. Denboraldi eskasa izan zuen, izan ere ligan 7. postuan gelditu eta ez zen Europako txapelketetarako sailkatu. 2014ko uztailean Louis van Gaal etorri zen baina taldeak antzera jarraitu zuen. 2016an ere bosgarrena izan zen Ligan baina Ingalaterrako Kopa eskuratu zuen. 2017an José Mourinho entrenatzaile zuela eta Ligan apal ibili ondoren Europa League irabazi du finalean Amsterdamgo Ajax 2-0 garaituz.

Uniformea

XIX. mendean hainbat kolore desberdin izan zituen. 1902an erabili zituen elastiko gorria eta galtza zuriak lehen aldiz. 1922 eta 1927 artean ekipamendu zuria izan zuen, hau izan zen aurrerantzean kolore klasikoak erabiliko ez zituen aldi bakarra.

Historikoa

Hona hemen Manchester Unitedek historian zehar erabili dituen uniformeak[1]:

 
1879-1880, 1986-1902
 
1880-1887
 
1887-1893
 
1893-1894
 
1894-1896
 
1902-tik aurrera
 
1922-1927

Azken urteak

 
2013-2014
 
2014-2015
 
2015-2016
 
2016-2017
 
2017-2018
 
2018-2019
 
2019-2020
 
2020-2021
 
2021-2022
 
2022-2023

2023/2024 Taldea

2023ko uztailaren 5ean eguneratua.

Zbk.PostuaJokalaria
2 ATZVictor Lindelöf
5 ATZHarry Maguire
6 ATZLisandro Martínez
7 ERDMason Mount
8 ERDBruno Fernandes
9 AURAnthony Martial
10 AURMarcus Rashford
11 AURMason Greenwood
12 ATZTyrell Malacia
14 ERDChristian Eriksen
16 AURAmad Diallo
17 ERDFred
18 ERDCasemiro
19 ATZRaphaël Varane
20 ATZDiogo Dalot
21 AURAntony
22 ATETom Heaton
Zbk.PostuaJokalaria
23 ATZLuke Shaw
25 AURJadon Sancho
28 AURFacundo Pellistri
29 ATZAaron Wan-Bissaka
33 ATZBrandon Williams
34 ERDDonny van de Beek
36 AURAnthony Elanga
39 ERDScott McTominay
43 ATZTeden Mengi
46 ERDHannibal Mejbri
47 AURShola Shoretire
49 AURAlejandro Garnacho
73 ERDKobbie Mainoo
74 ATZÁlvaro Fernández
- ATZAlex Telles
- ATEDean Henderson
- ATZEric Bailly

Irabazitako txapelketak

Ingalaterran: 56

  • Premier League (19) :
    • 1907-08, 1910-11, 1951-52, 1955-56, 1956-57, 1964-65, 1966-67, 1992-93, 1993-94, 1995-96, 1996-97, 1998-99, 1999-00, 2000-01, 2002-03, 2006-07, 2007-08, 2008-09, 2010-11
  • Ingalaterrako Kopa (12) :
    • 1909, 1948, 1963, 1977, 1983, 1985, 1990, 1994, 1996, 1999, 2004, 2016
  • Ingalaterrako Ligako Kopa (6) :
    • 1992, 2006, 2009, 2010, 2017, 2023
  • Ingalaterrako Superkopa (20) :
    • 1908, 1911, 1952, 1956, 1957, 1965*, 1967*, 1977*, 1983, 1990*, 1993, 1994, 1996, 1997, 2003, 2007, 2008, 2010, 2011, 2012
    • (* Elkarbanatuak)

Nazioartean: 8

Kontinente arteko Futbol Kopa

  • Txapelduna (1): 1999.
  • Finalista (1): 1968.

FIFAren Kluben arteko Munduko Kopa

  • Txapelduna (1): 2008.

Txapeldunen Liga

  • Txapelduna (3) : 1968, 1999, 2008
  • Finalista (2): 2009, 2011

Europa League

  • Txapelduna (1): 2017.

Europako Errekopa

  • Txapelduna (1): 1991

Europako Superkopa

  • Txapelduna (1): 1991
  • Finalista (3): 1999, 2008, 2017

Lagunartekoak

  • International Champions Cup (1): 2014

Jokaturiko nazioarteko finalak

TxapelketaUrteaTxapeldunaEmaitzaFinalistaHiria
Kontinentearteko Kopa
eta
FIFA Kluben arteko Kopa
1968 Estudiantes de La Plata1-0 , 1-1Manchester United
1999Manchester United1-0 SE Palmeiras
2008Manchester United1-0 Liga de Quito
Europako Kopa
eta
Txapeldunen Liga
1967-68Manchester United4-1 SL BenficaLondres
1998-99Manchester United2-1 FC Bayern MunichBartzelona
2007-08Manchester United1-1 (pen:6-5) Chelsea FCMosku
2008-09 FC Barcelona2-0Manchester UnitedErroma
2010-11 FC Barcelona3-1Manchester UnitedLondres
Europako Superkopa1991Manchester United1-0 Belgradeko Izar Gorria
1999 SS Lazio1-0Manchester United
2008 Zenit San Petersburgo2-1Manchester United
2017 Real Madril2-1Manchester United
UEFA Europa League2016-17Manchester United2-0 Ajax Amsterdam
Europako Errekopa1990-91Manchester United2-1 FC Barcelona

Jokalariak

Entrenatzaileak

Euskal taldeen aurkako partidak

Hauek dira Europako txapelketa ofizialetan Manchester Unitedek euskal taldeen aurka jokatu dituen partidak:

DenboraldiaTxapelketaFaseaEtxekoaEmaitzaKanpokoa
1956-57Europako KopaFinal laurdenakAthletic
Manchester Utd.
5-3
3-0
Manchester Utd.
Athletic
2011-12UEFA KopaFinal zortzirenakManchester Utd.
Athletic
2-3
2-1
Athletic
Manchester Utd.
2013-14Txapeldunen LigaMultzokako faseaManchester Utd.
Real Sociedad
1-0
0-0
Real Sociedad
Manchester Utd.
2020-21¹UEFA Europa LeagueFinal 1/16Real Sociedad
Manchester Utd.
0-4
0-0
Manchester Utd.
Real Sociedad
2022-23UEFA Europa LeagueMultzokako faseaManchester Utd.
Real Sociedad
0-1
0-1
Real Sociedad
Manchester Utd.
  • ¹ 2020-21 denboraldiko joaneko partida Turinen jokatu zen, COVID-19 pandemiaren eraginez Erresuma Batuko biztanleek Espainiar estatura sartzeko debekua baitzuten[2].

Erreferentziak

Kanpo estekak


Premier League 2022-23

Arsenal | Aston Villa | Bournemouth | Brentford | Brighton | Chelsea | Crystal Palace | Everton | Fulham | Leeds United | Leicester City | Liverpool
Manchester City | Manchester United | Newcastle | Nottingham Forest | Southampton | Tottenham Hotspur | West Ham United | Wolverhampton