1954

Истата година се среќава поинаку во календарите на различни народи и култури. Меѓу попознатите се вбројуваат: византискиот, асирскиот, еврејскиот, римскиот, кинескиот, будистичкиот и исламскиот.

Така, во византискиот календар, којшто времето го мери од создавањето на светот според Библијата, на 1 септември 5509 г. п.н.е. според продолжениот јулијански календар, истата трае во текот на 7462 и 7463 година. Според асирскиот календар, во којшто мерењето на времето започнува од 4750 г. п.н.е, кога се проценува дека бил изграден првиот храм во граот Асур, станува збор за 6704 година. Понатаму, во еврејскиот календар, којшто започнува на 1 септември 3760 г. п.н.е. според продолжениот јулијански календар или околу една година пред создавањето на светот според Евреите, годината се протега во текот на 5714 и 5715 еврејска година. Според календарот на Римјаните, којшто започнува од 753 г. п.н.е., кога браќата Ромул и Рем го основале градот Рим (познато и како Ab urbe condita), годината е избројана како 2707.

Во рамките на кинескиот календар, пак, постојат две поделени мислења за почетокот на броењето на годините: едни сметаат дека тоа е 61 година од владеењето на легендарниот Жолт цар или 2637 г. п.н.е.; додека други сметаат дека за почеток треба да се земе годината кога Жолтиот цар станал владетел, т.е. 2697 г. п.н.е. На тој начин, според првото гледиште, 1954 година се протега во 4590 и 4591, додека според второто гледиште, годината трае во текот на 4650 и 4651 кинеска година. Будистичкиот календар започнува да го мери времето од 543 г. п.н.е., година во којашто се смета дека Буда достигнал состојба на нирвана, и годината ја брои како 2497. Според исламскиот календар, во којшто мерењето на времето започнува со 622 година, т.е. годината на пребегнувањето на пророкот Мухамед од Мека во Медина (позната и како хиџра), годината се протега во текот на 1373 и 1374 исламска година.

• 17 јануари – Милован Ѓилас, еден од водачите на комунистичка Југославија, е исклучен од раководството поради своите ставови.
• 21 јануари – Пуштена е во погон првата подморница на јадрен погон, американската подморница USS Nautilus (SSN-571).
• 3 април – Владимир Петров, припадник на советската тајна служба, бара политички азил од Австралија.
• 7 мај – Битката кај Диен Биен Фу завршува со пораз на француските колонијални сили.
• 24 мај – Прикажана е првата македонска национална опера „Гоце“ од композиторот Кирил Македонски.
• 28-30 мај – Во Скопје е одржан Вториот конгрес на Сојузот на комунистите на Македонија.
• 15 јуни – Во Базел, Швајцарија, е основана УЕФА.
• 27 јуни – Претседателот на Гватемала Јакобо Арбенц поднесува оставка, откако во земјата е извршен воен удар потпомогнат од ЦИА.
• 27 јуни – Во Обнинск, близу Москва, е пуштена во погон првата атомска централа во светот.
• 21 јули – На Женевската конференција Виетнам е поделен на Северен и Јужен Виетнам.
• 8 септември – Во Бангкок, Тајланд, е основана Југоисточно-азиската договорна организација (СЕАТО).
• 11 октомври - Виет Мин ја презема контролата над Северен Виетнам.
• 31 октомври – Алжирскиот народно-ослободителен фронт ја започнува својата борба против француската власт.
• 24 декември – Лаос стекнува целосна независност од Франција.

• 18 февруари – Џон Траволта, американски глумец
• 19 февруари – Сократес, бразилски фудбалер
• 23 февруари – Виктор Јушченко, украински претседател
• 15 јуни – Џејмс Белуши, американски глумец
• 17 јули - Ангела Меркел, германски канцелар
• 28 јули – Уго Чавес, венецуелски претседател и реформатор
• 16 август – Џејмс Камерон, канадски режисер
• 9 октомври – Скот Бакула, американски глумец
• 14 ноември – Кондолиза Рајс, американски државен секретар
• 15 ноември – Александар Квашневски, полски претседател
• 11 декември – Прачанда, непалски комунистички водач
• 18 декември - Улрих Рот, германски гитарист, еден од пионерите на нео-класичниот метал
• 25 декември – Ени Ленокс, британска пејачка
• 28 декември – Дензел Вашингтон, американски глумец

• 4 јануари - Димитар Андонов Папрадишки, последниот македонски зограф и првиот профан сликар и основач на „западното“ сликарство во Македонија
• 10 април – Огист Лимиер, француски пронаоѓач
• 24 август – Жетулио Варгаш, бразилски претседател
• 3 ноември – Анри Матис, француски сликар
• 28 ноември – Енрико Ферми, италијански физичар, Нобеловец

Поврзано:

• Календарот за таа година

• 1954 на Ризницата ^?