1991

Истата година се среќава поинаку во календарите на различни народи и култури. Меѓу попознатите се вбројуваат: византискиот, асирскиот, еврејскиот, римскиот, кинескиот, будистичкиот и исламскиот.

Така, во византискиот календар, којшто времето го мери од создавањето на светот според Библијата, на 1 септември 5509 г. п.н.е. според продолжениот јулијански календар, истата трае во текот на 7499 и 7500 година. Според асирскиот календар, во којшто мерењето на времето започнува од 4750 г. п.н.е, кога се проценува дека бил изграден првиот храм во граот Асур, станува збор за 6741 година. Понатаму, во еврејскиот календар, којшто започнува на 1 септември 3760 г. п.н.е. според продолжениот јулијански календар или околу една година пред создавањето на светот според Евреите, годината се протега во текот на 5751 и 5752 еврејска година. Според календарот на Римјаните, којшто започнува од 753 г. п.н.е., кога браќата Ромул и Рем го основале градот Рим (познато и како Ab urbe condita), годината е избројана како 2744.

Во рамките на кинескиот календар, пак, постојат две поделени мислења за почетокот на броењето на годините: едни сметаат дека тоа е 61 година од владеењето на легендарниот Жолт цар или 2637 г. п.н.е.; додека други сметаат дека за почеток треба да се земе годината кога Жолтиот цар станал владетел, т.е. 2697 г. п.н.е. На тој начин, според првото гледиште, 1991 година се протега во 4627 и 4628, додека според второто гледиште, годината трае во текот на 4687 и 4688 кинеска година. Будистичкиот календар започнува да го мери времето од 543 г. п.н.е., година во којашто се смета дека Буда достигнал состојба на нирвана, и годината ја брои како 2534. Според исламскиот календар, во којшто мерењето на времето започнува со 622 година, т.е. годината на пребегнувањето на пророкот Мухамед од Мека во Медина (позната и како хиџра), годината се протега во текот на 1411 и 1412 исламска година.

јануари

• 7 јануари - Македонската Телевизија создава свој 3 собрански канал
• 8 јануари - Се одржува конститутивната седница на првото повеќепартиско Собрание на Република Македонија.
• 9 јануари - Претседателството на СФРЈ усвојува наредба со која изречно се бара расформирање на сите нерегуларни вооружени формации на територијата на државата.
• 10 јануари - Одржан е референдум за независност на Нагорно-Карабах.
• 17 јануари - Заливска војна: Рано изутрината започнува Операцијата "Пустинска бура". Ирак лансира 8 Скад ракети погодувајќи цели во Израел.
• 24 јануари - Во Скопје, во издание на НИП „Нова Македонија, излезе првиот број на независниот македонски неделник „Пулс“.
• 25 јануари - Македонското собрание ја усвојува Декларацијата за сувереност на Социјалистичка Република Македонија.
• 27 јануари - Киро Глигоров е избран за Претседател на Република Македонија.

февруари

• 1 февруари - Македонското собрание го избра Љубчо Георгиевски за потпретседател на Република Македонија.
• 9 февруари - Граѓаните на Литванија гласаат за независност на нивната земја од СССР.

март

• 20 март - Формирана е првата посткомунистичка влада во Република Македонија, на чело со Никола Кљусев.

април

• 6- 7 април – Во Прилеп се одржува Првиот конгрес на ВМРО ДПМНЕ, официјално Деветти.
• 18 април – Македонското собрание донесува одлука за промена на името на Радио телевизија Скопје во Македонска радио-телевизија.
• 20 април - На 11-от Конгрес на СКМ - Партија за демократска преобразба е формиран Социјалдемократскиот сојуз на Македонија

мај

• 6 мај - Во Сплит е убиен Сашко Гешовски, прва македонска жртва во конфликтот во поранешна Југославија. Тој ден Гешовски бил на должност стражар во командата на воено поморската област во Сплит каде на протести излегле околу 30.000 демонстранти.
• 29 мај - ФК Црвена звезда во Бари, Италија го освои Купот на европски прваци, со победа во финалето над Олимпик Марсеј.

јуни

• 7 јуни - Од официјалното име на Македонија е избришана одредницата „социјалистичка“.
• 25 јуни - Хрватска и Словенија ја објавуваат својата независност од Југославија.
• 27 јуни - Започна т.н. 10-дневна војна во Словенија, а со тоа и воениот конфликт во поранешна СФРЈ.

јули

• 18 јули - Претседателството на СФРЈ усвои одлука за повлекување на силите на ЈНА од Словенија.

август

• 6 август - Донесена е одлука за распишување на референдум за независност на Република Македонија.
• 24 август - Силите на ЈНА и српските паравоени формации ги започнаа нападите врз Вуковар.

септември

• 8 септември - Одржан е референдум за независност на Македонија од СФРЈ на кој македонските гласачи, со 95% од гласовите, се изјаснуваат за независност.

октомври

ноември

• 17 ноември - Собранието на Република Македонија го усвои Уставот на Република Македонија, прв по прогласувањето на сувереност и самостојност.
• 18 ноември - Српските сили го освоија хрватскиот град Вуковар, по 87-дневна опсада.
• 18 ноември - Во Босна и Херцеговина е прогласена Хрватската заедница Херцег-Босна.
• 19 ноември - Собранието на Република Македонија едногласно донесe Декларација за меѓународно признавање на Република Македонија како суверена и независна држава.
• 22 ноември - Египетскиот политичар Бутрос Гали е избран за генерален секретар на Обединетите Нации.

декември

• 1 декември - Украинските гласачи со огромно мнозинство гласаат позитивно за независност од Советскиот Сојуз.
• 19 декември - Во близина на Врање во сообраќајна несреќа загина македонскиот министер за внатрешни работи Јордан Мијалков.
• 21 декември - Во Минск, БССР формирана е Заедницата на независни држави.
• 25 декември - Михаил Горбачов поднесува оставка на функцијата претседател на СССР.
• 31 декември - СССР официјално престанува да постои.

• 21 мај - Раџив Ганди, индиски премиер
• 30 септември - Тома Здравковиќ, српски пејач
• 24 октомври - Џин Роденбери, американски режисер
• 9 ноември - Ив Монтан, француски глумец и пејач
• 24 ноември - Фреди Меркјури, американски пејач

• Календарот за таа година

• 1991 на Ризницата ^?