1928

Истата година се среќава поинаку во календарите на различни народи и култури. Меѓу попознатите се вбројуваат: византискиот, асирскиот, еврејскиот, римскиот, кинескиот, будистичкиот и исламскиот.

Така, во византискиот календар, којшто времето го мери од создавањето на светот според Библијата, на 1 септември 5509 г. п.н.е. според продолжениот јулијански календар, истата трае во текот на 7436 и 7437 година. Според асирскиот календар, во којшто мерењето на времето започнува од 4750 г. п.н.е, кога се проценува дека бил изграден првиот храм во граот Асур, станува збор за 6678 година. Понатаму, во еврејскиот календар, којшто започнува на 1 септември 3760 г. п.н.е. според продолжениот јулијански календар или околу една година пред создавањето на светот според Евреите, годината се протега во текот на 5688 и 5689 еврејска година. Според календарот на Римјаните, којшто започнува од 753 г. п.н.е., кога браќата Ромул и Рем го основале градот Рим (познато и како Ab urbe condita), годината е избројана како 2681.

Во рамките на кинескиот календар, пак, постојат две поделени мислења за почетокот на броењето на годините: едни сметаат дека тоа е 61 година од владеењето на легендарниот Жолт цар или 2637 г. п.н.е.; додека други сметаат дека за почеток треба да се земе годината кога Жолтиот цар станал владетел, т.е. 2697 г. п.н.е. На тој начин, според првото гледиште, 1928 година се протега во 4564 и 4565, додека според второто гледиште, годината трае во текот на 4624 и 4625 кинеска година. Будистичкиот календар започнува да го мери времето од 543 г. п.н.е., година во којашто се смета дека Буда достигнал состојба на нирвана, и годината ја брои како 2471. Според исламскиот календар, во којшто мерењето на времето започнува со 622 година, т.е. годината на пребегнувањето на пророкот Мухамед од Мека во Медина (позната и како хиџра), годината се протега во текот на 1346 и 1347 исламска година.

• 17 јануари – Советската тајна полиција го апси Лав Троцки, кој подоцна е прогонет во Казахстан.
• 19 јануари – Се одржува Обласна конференција на ВМРО (Обединета) за Вардарска Македонија.
• 11 февруари – Отворени се Вторите Зимски олимписки игри во Санкт Мориц, Швајцарија.
• 12 март – Малта станува британски доминион.
• 20 јуни – Пратеникот на Радикалната партија, Пуниша Рачиќ, во југословенскиот парламент убива двајца опозициски пратеници Хрвати и смртно го ранува Стјепан Радиќ.
• 25 август – Ахмед Зогу се прогласува за крал на Албанија.
• 27 август – Во Париз е потпишан Бријан-Келоговиот пакт. Тоа е прв меѓународен договор со кој се забранува агресивната војна.
• 3 септември – Александар Флеминг го пронаоѓа пеницилинот.
• 7 октомври – Хајле Селасие е крунисан за крал на Абисинија.
• 5-12 ноември – Во Дрезден се одржува Четвртиот конгрес на Комунистичката партија на Југославија. Делегат од Македонија е Кочо Рацин.
• 6 ноември – На претседателските избори во САД победува републиканецот Херберт Хувер.
• 10 ноември – Хирохито е крунисан за јапонски цар.

• 5 јануари – Зулфиќар Али Буто, пакистански претседател
• 28 јануари - Славко Милосавлевски, македонски социолог
• 27 февруари – Ариел Шарон, израелски премиер
• 6 март – Габриел Гарсија Маркес, колумбиски писател, нобеловец
• 28 март – Збигњев Бжежински, американски политиколог
• 4 мај - Хосни Мубарак, египетски претседател
• 30 мај - Густав Леонхарт, холандски клавијатурист и диригент
• 14 јуни - Че Гевара, јужноамерикански револуционер, еден од водачите на Кубанската револуција
• 26 јули – Стенли Кјубрик, американски режисер
• 6 август - Енди Ворхол, предводник на поп арт движењето
• 30 септември – Ели Визел, еврејски активист, нобеловец
• 7 декември - Ноам Чомски, американски јазичар и политички активист

• 15 февруари – Херберт Хенри Асквит, британски премиер
• 19 мај – Макс Шелер, германски филозоф
• 4 јуни – Емелин Панкхурст, британска феминистка
• 7 јуни - Александар Протогеров, македонски револуционер
• 17 јули – Алваро Обрегон, мексикански претседател
• 8 август – Стјепан Радиќ, хрватски политичар
• 10 декември - Чарлс Рени Мекинтош, шкотски архитект

• Календарот за таа година

• 1928 на Ризницата ^?