ജർമൻവിങ്സ് വിമാനം 9525
ലുഫ്താൻസ എയർലൈൻസിന്റെ സഹ സ്ഥാപനമായ ജർമൻവിങ്സിന്റെ എയർബസ്സാണ് എ320 ഫ്ളൈറ്റ് 4യു 9525 എന്ന ജർമൻവിങ്സ് വിമാനം 9525 (Germanwings Flight 9525, 4U9525).[5] 1991ൽ ലുഫ്താൻസ വാങ്ങിയ വിമാനം 2014 ലാണ് ജർമൻവിങ്സിന് കൈമാറിയത്. 2015 മാർച്ച് 24ന്, സ്പെയിനിലെ ബാഴ്സലോണയിൽനിന്ന് ജർമനിയിലെ ഡസ്സൽഡോഫിലേക്ക് പോയ വിമാനം ഫ്രഞ്ച് ആൽപ്സ് പർവതനിരകളിൽ തകർന്നുവീണു. രണ്ടു പൈലറ്റുമാരും മറ്റ് നാലു ജീവനക്കാരും 144 യാത്രക്കാരുമാണു വിമാനത്തിലുണ്ടായിരുന്നത്. 16 സ്കൂൾ കുട്ടികളടക്കം 72 പേർ ജർമൻകാർ. 51 പേർ സ്പെയിൻകാർ. ഓസ്ട്രേലിയ, അർജന്റീന, ബ്രിട്ടൻ, ഇറാൻ, വെനസ്വേല, യുഎസ്, നെതർലൻഡ്സ്, കൊളംബിയ, മെക്സിക്കോ, ജപ്പാൻ, ഡെന്മാർക്ക്, ഇസ്രയേൽ രാജ്യങ്ങളിൽ നിന്നുള്ളവരായിരുന്നു മറ്റുള്ളവർ.
Incident ;ചുരുക്കം | |
---|---|
തീയതി | 24 മാർച്ച് 2015 |
സംഗ്രഹം | Controlled flight into terrain; under investigation. |
സൈറ്റ് | Prads-Haute-Bléone, Alpes-de-Haute-Provence, France 44°16′50″N 6°26′20″E / 44.280682°N 6.438823°E[1] |
യാത്രക്കാർ | 144[2] |
സംഘം | 6[2][3] |
മരണങ്ങൾ | 150 (all)[4] |
അതിജീവിച്ചവർ | 0 |
വിമാന തരം | Airbus A320-200 |
ഓപ്പറേറ്റർ | Germanwings |
രജിസ്ട്രേഷൻ | D-AIPX |
ഫ്ലൈറ്റ് ഉത്ഭവം | Barcelona–El Prat Airport, Spain |
ലക്ഷ്യസ്ഥാനം | Düsseldorf Airport, Germany |
ബോധപൂർവമുണ്ടാക്കിയ അപകടം
പരിചയസമ്പന്നനായ എസ്. പാട്രിക് ആയിരുന്നു പ്രധാന പൈലറ്റ്. ജർമൻകാരനായ ആൻഡ്രിയാസ് ഗുന്തർ ലൂബിറ്റ്സായിരുന്നു സഹ പൈലറ്റ്. ബ്ലാക് ബോക്സിൽ നിന്നു ലഭിച്ച ശബ്ദരേഖ വിശകലനം ചെയ്ത് ദുരന്തം സഹ പൈലറ്റിന്റെ സൃഷ്ടിയാണെന്നു ഫ്രഞ്ച് അന്വേഷകർ സ്ഥിരീകരിച്ചിരുന്നു.പറക്കലിനിടെ പ്രധാന പൈലറ്റ് പുറത്തിറങ്ങിയ തക്കം നോക്കി കോക്പിറ്റിന്റെ വാതിൽ അകത്തുനിന്നു പൂട്ടിയ സഹപൈലറ്റ് വിമാനം ആൽപ്സിൽ ഇടിച്ചിറക്കുകയായിരുന്നെന്ന് കരുതപ്പെടുന്നു. 38000 അടി ഉയരത്തിൽ പറക്കുകയായിരുന്ന വിമാനം താഴേക്ക് വീഴുകയായിരുന്നു.[6]