Թիվ 9525 չվերթի աղետ
Թիվ 9525 չվերթի աղետ, ավիավթար, որը տեղի է ունեցել 2015 թվականի մարտի 24-ին։ Airbus A320-211 պատկանում էր Germanwings ավիաընկերությանը և չվերթ էր իրականացնում Բարսելոնայից դեպի Դյուսելդորֆ։ Ինքնաթիռը մեկնումից 40 րոպե անց ընկնում է Պրովանսալ Ալպերում[6][7]։ Ինքնաթիռում գտնվում էր 144 ուղևոր և 6 անձնակազմի անդամները, վթարի հետևանքով բոլորը զոհվեցին։ Վթարը առաջինն էր Germanwings ավիաընկերության պատմության մեջ[8]։
| Չվերթ 9525 Germanwings | |
|---|---|
.jpg) | |
| Ընդհանուր տեղեկություններ | |
| Տեսակ | ինքնաթիռի կործանում, զանգվածային սպանություն և օդաչուի ինքնասպանություն |
| Թվական | 2015 թվականի մարտի 24 |
| Ժամանակ | 10:41 CET |
| Վայր | Պրա-Օտ-Բլեոն[1], , .svg){kind=small} Ֆրանսիա[2] |
| Չվերթ | 4U 9525 |
| Թռիչքի վայր |  Բարսելոնա |
| Վերջնական կետ |  Դյուսելդորֆ |
| Զոհվածներ | 150 (բոլորը զոհվել են)[3][4][5] |
| Վիրավորներ | 0 |
| Aviation Safety Network ID | 20150324-0 |
| Օդանավ | |
| Մոդել | Airbus A320-211 |
| Ավիաընկերություն | Germanwings |
| Կողային համար | D-AIPX |
| Արտադրման թվական | 1990 թվականին |
| Ուղևորներ | 144 |
| Անձնակազմ | 6 |
| Կենդանի մնացած | 0 |
| 44°16′48″ հս․ լ. 6°26′19″ ավ. ե.HGЯO | |
 Germanwings Flight 9525 Վիքիպահեստում | |
Ինքնաթիռ
Չվերթ 9525, որը իրականացնում էր Airbus А320-211 ինքնաթիռը (գրանցման համարը D-AIPX)։ Ինքնաթիռը իր առաջին չվերթը իրականացրել է 1990 թվականի նոյեմբերի 29-ին։ Ինքնաթիռը ուներ երկու շարժիչ՝ CFMI CFM56-5A1 արտադրության[9]։ 1991 թվականի փետրվարի 5-ին ինքնաթիռը հանձնում են Lufthansa ավիաընկերությանը, որը իր հերթին, ինքնաթիռը փոխանցում է իր դուստր ավիաընկերությանը՝ Germanwings[10]: Մինչ վթարի տեղի ունենալը ինքնաթիռը իրականացրել է ավելի քան 46 700 չվերթ «մեկնում-ժամանում», և օդում է գտնվել ավելի քան 58 300 ժամ։ Ինքնաթիռը շահագործել են 24 տարի անընդմեջ։
Վերջին տեխնիկական զննումը ինքնաթիռը անցել է 2015 թվականի մարտի 23-ին, Lufthansa Technik ընկերության կողմից։ Այդ օրը հայտնաբերվեց մի խնդիր ինքնաթիռի դիմացի մասում։ Մարտի 23-ին՝ ժամը 10-ին, այդ խնդիրը շտկվել է, և ինքնաթիռը կարող էր իր չվերթը իրականացնել[11]։
Աղետ
| Քաղաքացիություն | Ուղևորների քանակ |
|---|---|
| Գերմանիա | 70[13] |
| Իսպանիա | 48[14] |
 Ղազախստան | 3[15] |
 ԱՄՆ | 3[16] |
 Ավստրալիա | 2[17] |
 Արգենտինա | 2[18] |
| Գերմանիա | 2[19] |
.svg){kind=small} Մեծ Բրիտանիա | 2[20] |
 Վենեսուելա | 2[21] |
 Իրան | 2[22] |
 Կոլումբիա | 2[23] |
 Մարոկկո | 2[24] |
 Ճապոնիա | 2[25] |
.svg){kind=small} Բելգիա | 1[26] |
Մեծ Բրիտանիա Իսպանիա Լեհաստան | 1[27] |
 Դանիա | 1[28] |
 Իսրայել | 1[29] |
Իսպանիա Մեքսիկա | 1[30] |
| Մեքսիկա | 1[31] |
 Նիդեռլանդներ | 1[32] |
 Չիլի | 1[33] |
| Ընդամենը | 150 |
Ինքնաթիռը Բարսելոնա օդանավակայանից չվերթը իրականացրել է ժամը 9:35-ին[34]: Ինքնաթիռի հրամանատարները կապվում են Դյուսելդորֆի դիսպետչերական ծառայության հետ։ Ինքնաթիռի այդ ընթացքում սլանում էր 800 կմ/ժ արագությամբ[35]։ 10:31-ին ինքնաթիռը արդեն հատել էր Ֆրանսիայի տարածքը։ Ինչպես հայտնում է Flightradar24-ը, ինքնաթիռին մնացել էր 11,6 կմ, որ վայէջքը կատարեր։ Ինքնաթիռը սկսեց արագությունը նվազեցնել։ 10:41-ին ինքնաթիռը 2000 մետր իջավ ներքև, և անհետացավ ռադարների տեսադաշտից[36]։
Վթարի ենթարկված ինքնաթիռը հայտնաբերել են Ֆրանսիայի ալպերում։ Ինքնաթիռում գտնվող բոլոր 150 մարդիկ, վթարի պատճառով զոհվում են։
Հետաքննություն
Ֆրանսիայի հետաքննությունը սկսեց բացահայտել ավիավթարի պատճառը։ Մարտի 24-ին հայտնաբերեցին ինքնաթիռի «սև արկղեր»-ը։ Ինքնաթիռը ամբողջովին ոչնչացվել էր, սակայն հետաքննությունը շարունակում է իր օպերատիվ աշխատանքը։ Ձայնագրիչը հայտնաբերել են ավելի ուշ՝ ապրիլի 2-ին[37][38]։
Այսպիսով հետաքնությունը պարզել է, որ երկու հրամանատարներից մեկը դուրս է եկել նավախցիկից։ Ավելի ուշ հրամանատարը փորձել է վերադառնալ, բայց ապարդյուն. արդեն նավախցիկի դուռը փակ էր ներսից։ Հրամանատարը դուռը անընդհատ թակում էր, սակայն դուռը չէր բացվում։ Այնուհետև սկսեց կացինով հարվածել։ Մինչ այդ նավախցիկում գտնվող մյուս հրամանատարը չէր կապվում դիսպետչերի հետ և չէր արձագանքում դիսպետչերների զանգերին։ Մարսելի դատախազությունը երկրորդ օդաչուին որակել է որպես մարդասպան[39]։
Ուղևորներ և անձնակազմի անդամներ
Ինքնաթիռի հրամանատար - 34-ամյա[40] Պատրիկ Զոնդեխայմեր (գերմ.՝ Patrick Sondenheimer)։ Եղել է փորձառու օդաչու, օդում է անկացրել ավելի քան 6000 ժամ։ Աշխատել է Lufthansa և Germanwings ավիաընկերություններում 10 տարի։
Ինքնաթիռի երկրորդ հրամանատար- 27-ամյա Անդրեաս Լուբից (գերմ.՝ Andreas Lubitz)։ 2013 թվականի սեպտեմբերից աշխատել է Germanwings ավիաընկերությունում։ Օդում անցկացրել է ավելի քան 630 ժամ։