Gasteizko autobus geltokia
Gasteiz Euskal Herriko Arabako autobus geltoki bat da, Gasteiz udalerriko Arriaga-Lakua auzoan kokatuta dagoena.
Gasteiz | |
---|---|
Kokapena | |
Helbidea | Euskaltzaindia plaza; 01010 |
Udalerria | Gasteiz, Araba |
Geltokiaren datuak | |
Gunea | 1. gunea |
Irekiera | 2015eko martxoaren 16a |
Bidaiariak | 2 801 090 (2018)[1] |
Irisgarria | |
Aldageltokia | |
Nasak | 25 |
Jabea | Gasteizko Udala |
Eragileak | lista ikusi |
Garraio zerbitzuak | |
EuskoTran | Gasteizko tranbia |
NBus | 370 Iruñea ↔ Gasteiz (herrietatik) 371 Iruñea ↔ Gasteiz (zuzenekoa) |
Bizkaibus | A3714 Bilbo ↔ Gasteiz A3716 EHU ↔ Bilbo ↔ Gasteiz |
Lurraldebus | DO02 Donostia ↔ Gasteiz DG05 Eibar ↔ Gasteiz DG05D Ermua ↔ Gasteiz |
Araba Bus | Gasteiz ↔ Zestafe Gasteiz ↔ Ibarra Gasteiz ↔ Galarreta Gasteiz ↔ Dulantzi - Araia Gasteiz ↔ Kanpezu - Lizarra Gasteiz ↔ Armentia - Lagran Gasteiz ↔ Bastida ↔ Logroño Gasteiz ↔ Armentia ↔ Logroño Gasteiz ↔ Haro Gasteiz ↔ Langraiz - Bobeda Gasteiz ↔ Izarra Gasteiz ↔ Laudio - Artziniega Gasteiz ↔ Durango Gasteiz ↔ Miranda Ebro |
TUVISA | Nafarroako Erregeak ↔ Katedrala Lakua ↔ Mariturri Intermodal ↔ Unibertsiatea |
Geltokia 2015eko martxoaren 16an ireki zen.[2]
Egoera
Geltokia Arriaga-Lakua auzoan dago, Euskaltzaindia plazan eta Eusko Jaurlaritzaren egoitzaren alboan. Geltokiaren ondoan Gasteizko tranbia sareko Euskal Herria eta Intermodal geltokiek zerbitzu ematen diote, hurrenez hurren Ibaiondo eta Abetxukuko tranbia lineei dagozkienak.
Araba Bus sarean, sareko geltoki nagusia da, eta 20 lineetatik 14 elkartzen dira bertan.[3]
Sarbideak
- Euskaltzaindia plaza
- Euskal Herria bulebarra (Euskaltzaindia plaza)
- Euskal Herria bulebarra
- Euskal Herria bulebarra (Donostia kalea)
- Rafael Alberti kalea (Euskaltzaindia plaza)
- Rafael Alberti kalea
- Rafael Alberti kalea (Donostia kalea)
Irisgarritasuna
Geltokia erabat egokituta dago mugikortasun urriko pertsonentzat, ez baitago desnibelik. Gainera, nasetan zoladura podotaktila eta soinu-iragarkiak daude, itsuei bidea errazteko.[4]
Historia
Gasteizko autobus geltoki berria 2013an hasi ziren eraikitzen, autobus geltoki zaharra ordezkatzeko.
Urte eta erdiko lanen ondoren, 2015eko martxoaren 16an inauguratu zen geltokia. Geltoki berrian sartu zen lehen autobusa martxoaren 16an izan zen, goizeko 4: 55ean, Pontevedratik. Horrela, Madril-Irun autobusaren txanda hartu zuen, azken zerbitzua geltoki zaharrean egin zuena egun horretako 2.10etan, terminala itxiz.[5]
Geltokia
Geltokiak eraikin laukizuzen bat du, bidaiarien terminala, eta nasa-patio bat.
Eraikin nagusiak bidaiarientzako zerbitzu guztiak hartzen ditu: informazio gune nagusia, txartelak saltzeko 14 postu, komunak, atondoak, itxaroteko guneak 5 informazio pantaila, kontsignak eta bulegoak. Baita kafetegia, jatetxea eta denda ere, gaur egun erabiltzen ez direnak, esleitzeko lehiaketa egiten ari baitira. Bidaiari-zerbitzuen eraikina estalita, itxita eta klimatizatuta dago barruan.[6]
Informazioko eta kontroleko 15 agente daude guztira, eta honako lan hauek egiten dituzte urteko 365 egunetan: herritarrei informazioa eta arreta ematea, desgaitasuna duten pertsonei arreta ematea, zirkulazioa zaintzea eta kontrolatzea, eta aparkalekuak; administrari bat eta geltokiko buru bat.
48 kontsigna automatiko daude erabiltzaileen eskura geltokiaren funtzionamendu-ordutegian. Honek, gainera, lurpeko aparkaleku bat du. 302 plaza ditu ibilgailuentzat, horietatik 10 mugikortasun urriko pertsonentzat. 94 leku ditu bizikletentzat eta 13 motorrentzat.[6]
Nasak
Geltokian 25 nasa daude, horietatik 21 ohiko zerbitzukoak dira eta 4 indargarriak.
Eragileak
Geltokiak 14 eragilearen zerbitzu erregularrak hartzen ditu. Hauek dira:
- Alsa
- Autobuses Alegría
- Autocares Zadorra
- Bilman Bus
- CuadraBus
- Eurolines
- Hermanos Arriaga
- La Burundesa
- La Unión
- Líneas Regulares de Álava
- Socibus
- Socitransa
- Transportes PESA
- Vibasa
Zerbitzuak
Araba Bus
Eskualdeko Garraioa
|
Nafarroako Hiriarteko Garraioa
|
Irudiak
- Eguneko ikuspegia
- Gaueko ikuspegia
- Dartsenak
- Kanpoaldea
- Barnealdea