இம்ரான் கான்

இம்ரான் கான் பஷ்தூன் மரபைச் சேர்ந்தவர் ஆவார். இவர் அக்டோபர் 5 , 1952 இல் லாகூர், பஞ்சாபில் பிறந்தார். இவர் 25 நவம்பர் 1952 இல் பிறந்தார் என்று சில தகவல்கள் தெரிவிக்கின்றன.^{[27][28][29][30]} பாக்கித்தான் துடுப்பாட்ட வாரிய அதிகாரிகள் அவரது கடவுச்சீட்டில் நவம்பர் 25 தவறாக குறிப்பிடப்பட்டதாக தெரிவிக்கப்பட்டது.^[31] இவர் குடிசார் பொறியாளரான இக்ரமுல்லா கான் நியாசி மற்றும் அவரது மனைவி ஷகத் கானூமின் ஒரே மகன் ஆவார். இவருக்கு நான்கு சகோதரிகள் உள்ளனர்.^[32] வடமேற்கு பஞ்சாபில் மியான்வாலியில் நீண்டகாலமாக குடியேறினார்.அவரது தந்தைவழி குடும்பம் பஷ்தூன் இனத்தைச் சேர்ந்தவர்கள் மற்றும் நியாசி பழங்குடியினத்தைச் சேர்ந்தவர்கள் ஆவர்.^[33] இவரது மூதாதையர்களில் ஒருவரான ஹைபத் கான் நியாஸி, 16 ஆம் நூற்றாண்டில், " சேர் சா சூரியில் ஒருவராக இர்ந்தார். மேலும், பஞ்சாபின் ஆளுநராகவும் இருந்துள்ளார்.^[34] பாகிஸ்தானின் வரலாற்றில் பல வெற்றிகரமான துடுப்பாட்ட வீரர்கள் பஷ்தூன் மக்களாக இருந்துள்ளனர்.^[32] ஜாவேத் புர்கி மற்றும் மஜித் கான் ஆகியோர் இவரது உறவினர் ஆவர்.^[35] இவரது தாய்வழி குடும்பம் சுமார் 600 ஆண்டுகளாக இந்தியாவின் ஜலந்தரில் உள்ள பஸ்தி டேனிஷ்மண்டாவில் இருந்தது.^[36][37] தனது இளமை பருவத்தில் அமைதியான மற்றும் கூச்ச சுபாவமுள்ள சிறுவனாக இருந்த கான் தனது சகோதரிகளுடன் ஒப்பீட்டளவில் வசதியான, உயர் நடுத்தர வர்க்க சூழ்நிலைகளில் வளர்ந்தார் ^[38]

இவர் வோர்செஸ்டர் மற்றும் ஆக்சுபோர்டில் உள்ள கெப்ளி கல்லூரியிலும் பயின்றார். தனது 13 ஆம் வயது முதல் துடுப்பாட்டம் விளையாடி வருகிறார். முதலில் தனது கல்லூரி அணிக்காக விளையாடி இவர் பின் வோர்செஸ்டர்ஷயர் துடுப்பாட்ட சங்கத்திற்காக விளையாடினார். 1971 ஆம் ஆண்டில் பிர்மின்ஹாமில் நடைபெற்ற போட்டியில் தனது 18 ஆம் வயதில் பாக்கித்தான் அணிக்காக விளையாடினார். ஆக்சுபோர்டுவில் பயின்றபிறகு இவர் 1976 ஆம் ஆண்டில் பாக்கித்தான் தேசிய அணியில் இடம்பிடித்தார்.இவர் 1982 முதல் 1992 ஆம் ஆண்டு வரையில் தலைவராக இருந்துள்ளார்.^[39] 1992 இல் பாகிஸ்தான் உலகக் கிண்ணம் வென்றபோது அணித் தலைவராக இருந்தார்.^[40]

இவர் 1992 ஆம் ஆண்டில் சர்வதேச போட்டிகளில் இருந்து ஓய்வுபெற்றார். 362 தேர்வுத் துடுப்பாட்டப் போட்டிகளில் விளையாடி இவர் 3,807 ஓட்டங்கள் எடுத்தார். அனைத்துக் காலத்திற்குமான சிறந்த சகலத்துறையர்களில் ஒருவராக அறியப்படுகிறார்.^[41] 2010 ஆம் ஆண்டின் பன்னாட்டுத் துடுப்பாட்ட அவையின் ஹால் ஆஃப் ஃபேமாக தெரிந்தெடுக்கப்பட்டார். 1991 ஆம் ஆண்டில் லாகூரில் 25 மில்லியன் அமெரிக்க டாலர் மதிப்பில் தனது தாயின் நினைவாக புற்றுநோயியல் மருத்துவமனை ஒன்றைத் துவங்கினார். பின் பெசாவரில் இரண்டாவது மருத்துவமனை ஒன்றைத் துவங்கினார்^[11]. தனது ஓய்விற்குப் பிறகு பிராட்ஃபோர்டு பல்கலைக்கழகத்தின் பல்கலைக்கழக வேந்தராகவும் , வள்ளலாகவும், துடுப்பாட்ட வர்ணனையாளராகவும் இருந்தார்.^[42][43]

1971 ஆம் ஆண்டில் எட்ஜ்பஸ்டனில் நடைபெற்ற இங்கிலாந்து துடுப்பாட்ட அணிக்கு எதிரான தேர்வுத் துடுப்பாட்டப் போட்டியில் இவர் அறிமுகமானார். பின் புரூடென்சியல் கோப்பைத் தொடரில் இதே அணிக்கு எதிரான ஒருநாள் பன்னாட்டுத் துடுப்பாட்டப் போட்டிகளில் இவர் அறிமுகமானார். ஆக்சுபோர்டுவில் பயின்றபிறகு இவர் 1976 ஆம் ஆண்டில் பாக்கித்தான் தேசிய அணியில் நிலையான இடம்பிடித்தார். 1976-1977 ஆம் ஆண்டுகளில் இவர் நியூசிலாந்து துடுப்பாட்ட அணி மற்றும் ஆத்திரேலியத் துடுப்பாட்ட அணிக்கு எதிரான தொடரில் விளையாடும் வாய்ப்பினைப் பெற்றார்.^[44]

அனைத்துக் காலத்திற்குமான சிறந்த விரைவு வீச்சாளர்களில் ஒருவராக இம்ரான் கான் திகழ்கிறார் என பிபிசி தெரிவித்தது.^[45] ஈஎஸ்பிஎன் நிறுவனத்தின் தரவரிசையில் அனைத்துக் காலத்திற்குமான சிறந்த சகலத்துறையர்களின் வரிசையில் சோபர்ஸ்க்கு அடுத்ததாக இரண்டாவது இடத்தைப் பிடித்தார்.^[46][47][48]

இவர் தனது இளமைப் பருவ வாழ்க்கையில் பல பெண்களுடன் உறவு நிலையினைக் கொண்டிருந்தார். ^[49] இவர் பிளேபாய் என்று அறியப்பட்டார். ^{[49] [50][51]} இவரது இளமைப்பருவ வாழ்க்கையில் இவருக்கு ஏராளமான தோழிகள் இருந்தனர்.^[52] பலர் வெளியில் தெரியாவண்ணம் இருந்தனர். இதனை பிரித்தானிய செய்தித்தாளான தி டைம்ஸ் இவர்களை 'மர்மமான அழகிகள்' என்று அழைத்தது.^[52] சீனத் அமான்,^[53] எம்மா சார்ஜென்ட், சூசி முர்ரே-பிலிப்சன், சீதா வைட், சாரா கிராலி,^[52] ஸ்டீபனி பீச்சம், கோல்டி ஹான், கிறிஸ்டியன் பேக்கர், சுசன்னா கான்ஸ்டன்டைன், மேரி ஹெல்வின், கரோலின் கெல்லட்,^[54] லிசா காம்ப்பெல்,^[35] அனஸ்தேசியா குக், ஹன்னா மேரி ரோத்ஸ்சைல்ட்,^[55] ஜெர்ரி ஹால் மற்றும் லுலு பிளாக்கர்.^[56][57] ஆகியோர் இதில் இடம்பெற்றிருந்தனர்.

இங்கிலாந்தைச் சேர்ந்த யூதரான ஜெமீமா கோல்டுஸ்மித் என்பவரை மதம் மாற்றி, 1995இல் திருமணம் செய்து கொண்டார் இம்ரான் கான். இந்த அணையருக்கு சுலைமான், காசிம் என்ற இரண்டு மகன்கள் உள்ளனர். இவர்களின் ஒன்பது வருட மணவாழ்வு மணமிறிவில் முடிந்தது. இதன்பிறகு பி.பி.சி.யில் பணியாற்றிய பிரித்தானிய – பாகிஸ்தானிய வம்சாவளியில் பிறந்த ரேஹம் கான் என்பவரை இரகசிய திருமணம் செய்து கொண்டார். இந்தத் திருமனம் ஒரு ஆண்டுக்குள்ளேயே மணமுறிவில் முடிந்தது. பின்னர் 2008 பெப்ரவரியில் தனது ஆன்மிக குரு என்று அதுவரை கூறிக் கொண்டிருந்த புஷ்ரா மணிகா என்பவரை திருமணம் செய்து கொண்டார்.^[58]

பாகிஸ்தான் தெஹ்ரிக்-இ-இன்சாப் (நீதிக்கான பாகிஸ்தானிய இயக்கம்) என்ற அமைப்பை இம்ரான் கான் 1996இல் தொடங்கினார். இது முதலில் ஒரு சமூக அரசியல் இயக்கமாக உருவெடுத்தது. 1999இல் இது அரசியல் கட்சியாக அறிவிக்கப்பட்டது. 2002 தேர்தலில் மியான்வாலி தொகுதிக்கு இம்ரான் கான் நாடாளுமன்ற உறுப்பினரானார். 2002 பொதுத் தேர்தலில் ஒரே ஒரு இடத்தைப் பிடித்த இம்ரானின் கட்சி 2008 தேர்தலை புறக்கணித்தது. 2013இல் நடந்த தேர்தலில் 75 லட்சம் வாக்குகளைப் பெற்றது.

17 ஆகஸ்ட் 2018 அன்று கான் 176 வாக்குகளைப் பெற்று பாகிஸ்தானின் 22 வது பிரதமரானார், அதே நேரத்தில் அவரது போட்டியாளரும் எதிர்க்கட்சித் தலைவருமான ஷெபாஸ் ஷெரீப் 96 வாக்குகளைப் பெற்றார்.^[59] இவர் 18 ஆகஸ்ட் 2018 அன்று பதவியேற்றார்.^[60] சிகந்தர் சுல்தான் ராஜாவை ரயில்வே செயலாளராகவும், கடல்சார் செயலாளராக ரிஸ்வான் அகமது மற்றும் வெளியுறவு செயலாளராக சோஹைல் மஹ்மூத் நியமிக்கப்பட்டது உட்பட நாட்டின் அதிகாரத்துவத்தில் உயர் மட்ட மறுசீரமைப்புக்கு கான் உத்தரவிட்டார்.^[61][62] பாகிஸ்தான் இராணுவத்தில் அசிம் முனீருக்கு இடை-சேவை புலனாய்வு இயக்குநரக நியமித்தார்.^[63]

• டுவிட்டரில் இம்ரான் கான் (English)
• கிரிக்கின்ஃபோவில் இருந்து விளையாட்டுவீரர் விபரக்குறிப்பு: இம்ரான் கான்
• Column archive at தி கார்டியன்
• Imran Khan's journey from cricketing Playboy to Politician – Journeyman Pictures
• 1990s Interview, Cricketer Imran Khan at Home – thekinolibrary
• "Stop fighting and start talking" (video). NBC News. 14 December 2011. http://www.nbcnews.com/id/45789373. 
• இ.மு... இ.பி... பாகிஸ்தான் துடுப்பாட்ட டின் பாட்ஷா இம்ரான் கான்!-விகடன்