23 јануари

<<	јануари					>>
Н	П	В	С	Ч	П	С
	01	02	03	04	05	06
07	08	09	10	11	12	13
14	15	16	17	18	19	20
21	22	23	24	25	26	27
28	29	30	31
2024

23 јануари — 23-иот ден во годината според грегоријанскиот календар. Остануваат 342 денови до крајот на годината (343 во престапна).

Настани:

1556	Најкатастрофалниот земјотрес во историјата се случил во густонаселената покраина Шенси во Кина, во кој се проценува дека загинале околу 830.000 луѓе. Огромниот број на жртви се должи на тоа што живееле во вештачки пештери („јаодунг“) ископани во растресита глина.
1793	Русија и Прусија си ја поделиле Полска.
1960	Батискафот на САД „Трст“ постигнал рекордна длабочина од 10.911 м во водите на Тихиот Океан.
1968	Морнарицата на ДНР Кореја го заробила американскиот шпионски брод „Пуебло“, тврдејќи дека навлегол во севернокорејските води. Случајот предизвика голема напнатост меѓу двете земји. ДНР Кореја подоцна го ослободила екипажот, а бродот и денес претставува туристичка атракција во Пјонгјанг.
1973	Претседателот на САД Ричард Никсон објавил дека е постигнат мировен договор за Виетнам.
1991	Конституирано е првото повеќепартиско еднодомно Собрание на Град Скопје, а за претседател бил избран Милан Талевски од ВМРО-ДПМНЕ.
2015	Салман бин Абдулазиз станува Крал на Саудиска Арабија по смртта на брат му Абдула.

Родени:

1783	Мари Анри Бејл (Стендал) — француски писател, основоположник на францускиот реализам.
1832	Едуар Мане — француски сликар, непосреден претходник на импресионистите.
1872	Јоже Плечник — словенечки архитект.
1878	Отон Жупанчич — словенечки поет.
1910	Џанго Рајнхард — француски гитарист.
1928	Жана Моро — француска глумица.
1940	Питер Фонда — американски глумец.
1943	Гери Бартон — американски џез-музичар.
1945	Тито Петковски — македонски политичар, претседател на Нова социјалдемократска партија.
1956	Лаза Ристовски — српски рок-музичар, член на групите „Смак“ и „Бијело дугме“.
1962	Ненад Грачан — хрватски фудбалер и тренер.
1967	Наим Сулејманоглу — турски кревач на тегови.
1969	Никола Ристановски — македонски глумец.
1970	Аријан Комазец — хрватски кошаркар.
1982	Карол Бјелецки — полски ракометар.
1984	Арјен Робен — холандски фудбалер.
1996	Рубен Лофтус-Чик — англиски фудбалер.
2002	Јошко Гвардиол — хрватски фудбалер.

Починале:

1744	Џамбатиста Вико — италијански политички филозоф и реторичар.
1837	Џон Филд — ирски композитор од романтизмот.
1862	Димитрија Миладинов — македонски народен преродбеник, поет, учител, публицист и научник.
1931	Ана Павлова — руска балерина.
1939	Матијас Зинделар — австриски фудбалер.
1944	Едвард Мунк — норвешки експресионистички сликар.
1989	Салвадор Дали — шпански сликар.
1995	Вањо Хаџиев — повеќегодишен соработник на весникот „Нова Македонија“.
1980	Ернст Оцвирк — австриски фудбалер.
2000	Александар Христовски — македонски писател.
2021	Лари Кинг — американски телевизиски водител.
2022	Радован П. Цветковски — македонски писател.